De gemene buren van Borgher verklaren dat zij aan de abdis en het convent van Essen hebben verkocht en bij stoklegging overgedragen een stede, gelegen tussen de Ezermolen en de Borgher Zuedessche, met de toegangsweg naar de molen, op welke stede het convent een windmolen mag plaatsen, op voorwaarde dat geen huis bij deze molen gebouwd wordt, dat erbij geen beesten gehouden worden die de buren schade doen en dat het graan er voor de buren gemalen wordt voor een kromstaart per mud.

Wy ghemenen erffachtighen buren van Borgher bekennen eendrachlike [sic] mit dessen openen breve dat wi hebben vercofft stedes
vastes erfkopes voer uns ende unsen erffgenamen der Abdissen ende ghemenen convente van Essen enen barch of stede daer sie ene
wyndemole up moghen setten gheleghen tusschen Ezer moele soe gheheten ende Borgher zuedessche ende die toe vaert toe der moelen
voer een summe van ghelde die uns voerscreven buren witlic ende wal betaelt is tot unsen willen, alsoe dat wy noch unse erffgenamen nu
voertan gheen meer recht off reden off anspraken hebben up dessen voerscreven moelenberch toe yenighen tyden ende soelen ende willen
den convente van Essen ende oeren nacomelingen dessen voerscreven berch vry waren voer uns ende voer unsen erffgenamen ende voer alle dieghene
die des toe rechte komen willen. Ende hebben hem daer den stock van ghelecht ende sint des eendrachtliken offghegaen als lantrecht
is in Drenthe in voerwerden dat dat voerscreven convent van Essen offt oer nakomelingen sullen gheen hues setten bi die wynde-
moele. Ende en soelen uut Ezermoele oec ghene beeste holden die den buren schade doen. Ende sullen oec allen erff-achtighen
buren elck mudde malen voer enen krumstert. Ende wie hem dat ghelt niet en ghifft daer moghen sie oer hucht van nemen
alst ghewoentlic is uutghesloten alle olde ende nye quade vunde die men dessen breeff toe hinder vinden off dichten mach.
Sunder alle arghelist. Ende want wy voerscreven buren den kelner doe ter tyt van des convents weghen van Essen vaste ende endrach-
lick hebben ghelovet ende willen holden mit malkanderen desse voerscreven artikel, soe hebbe wi ghemene erffachtighe buren
van Borgher eendrachtlike ghebeden den eerbaren heren her Johan van Huesweerden kerckheer toe Borgher ende Willem
Hilboldinck inder tyt schulte toe Borgher dessen breeff voer uns toe bezeghelen. Ende wy heer Iohan ende Willem voerscreven
um bede wille der ghemeenre erffachtigher buren hebben unse zeghele witlike an dessen breeff ghehangen in den
jaer uns heren dusent vierhundert ende vyffendetachtentich up des hillighen cruces dach exaltacionis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	102
Regestnr.	731
Olim	Arch. Klooster Essen, inv.nr. 2, reg. 96. Reg. Feith 1485.29.
Jahr	1485
Datumcode	ExaCru

x

x

x

Material	perkament

x