De gebroeders Lambert en Hermen Husinghe verklaren als gevolmachtigden van hun andere broers verkocht en bij stoklegging overgedragen te hebben aan het klooster van Essen een half mud bouwland te Ees in Wiltingheacker.

Wy Lambert ende Hermen Husinghe ghebroders vulmachtich in dessen sake al onser anderen broderen bekennen ende betughen
myt dessen openen breve voer ons ende onse erffgenamen dat wi hebben opghedraghen, overghegheven ende verteghen den cloester van
Essen ende oeren nakomelingen een halff mudde boulandes gheleghen toe Ees in Wiltinghe acker an die wester zyd to Wiltinge
myt al onsen rechten ende ansprake dat wy daer op hadden of vermoden to hebben offt yemant van onser weghen vry ende weerdich
ewelic ende erfflic te bruken na oren willen tot ewighen daghen sunder yeniges opspreken voer een summe gheldes die ons vul
ende al betaelt is na unsen willen ende loven hen daer guede waerscap van toe done voer die ghene die daer op myt rechte mo-
ghen spreken ende hebben den voerscreven cloester van Essen den stock daer van ghelecht als lantrecht is in den landen van Drenthe
den heer Hermen do der tyt kelner ontfenck daer an ende over weren als tuch lude die buren van Ees als naemlic Albert
Wiltinge ende Arent Campinge. In oerkunde der waerheit want wy selven gheen zeghel hebben offt ghebruken soe hebbe wy
den eersamen herren onsen kercheer heer Johan van Huesweerden ghebeden voer ons desen breeff to bezeghelen dat ic her Iohan
voerscreven gheerne om dessen twier bede wille ghedaen hebbe ende hebbe myn zeghel an dessen breef ghehanghen in den
jaren ons heren dusent vierhundert ende vyfendetachtentich up sunte Meertens avent in den winter.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	111
Regestnr.	735
Olim	Arch. Klooster Essen, inv.nr. 2, reg. 97. Reg. Feith 1485.30.
Jahr	1485
Datumcode	vMartin

x

x

Material	perkament

x