Burgemeesters en raad te Groningen verklaren dat Johan Backer, alias Johan op de Lane, heeft verkocht aan abt Wolter en het convent van Adewert twee erven en zaten met alle toebehoren, bedoeld in de hierbij getransfigeerde akten, welke erven binnen tien jaar teruggekocht kunnen worden.

Wy borgermestere ende Raed in Groningen betugen myt dessen openen breve dat voer ons is gekomen Johan backer
anders geheten Johan up der Lane ende bekande voer em ende sine erffgenamen dat hie hevet verkofft up
gedragen ende overgegeven den ersamen heren Wolter abt ende convente van Adewert tot behoeff des convents
[...] oeren nakomelingen de twe erven ende saten landes myt alle oeren tobehoren daer de breven
van spreken daer desse breeff .... getogen is vry ende quyt erffliken ende ewliken myt allen rechte ende
eygendoeme to bruken ende to besitten vry van allen rechten ende anspraken voer ene summe geldes de Johan
vorscreven bekande dat em vull ende all is betalt. Des so hebben de abt ende dat convent vorscreven geghunt ende to
gestaen Johanne vorgenoemd in syns selves persoen ende nemant anders dat hie myt syn selves gelt tot syns
selves behoeff desse vorscreven twe erven mach weder in lossen bynnen teyn jaeren naestkomende myt der-
teyndehalffhundert golden rinssche gulden ende vyffendetwintich rinssche gulden in golde voer datum desses
breves gemuntet. Ende ist sake dat de abt ende dat convent vorscreven kost anden dyck leden offte deden so
sal de losse doet ende niet wesen de Johan vorscreven geghunt ende togestaen is als vorscreven is sunder argelist.
Dat orkonde wy mit ons stadszegel. Ghegeven inden jaer ons heren dusent vierhundert sesse ende
tachtentich des dinxdages na sunte Mertens dach inden winter doe Sweder Kater, Coppen Jarges,
Roloff Mepsche ende Herman [...] borgermestere waeren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	37
Regestnr.	752
Olim	Arch. Klooster Aduard, inv.nr. 4, reg. 7. Reg. Feith 1486.47.
Jahr	1486
Datumcode	MpMartin

x

x

x

Material	perkament

x