Albert Wiltinge, zijn vrouw Swane, Lubbert Maeck en diens vrouw Hadewich, inwoners van Ees, verklaren dat zij verkocht en bij stoklegging overgedragen hebben aan het convent van Essen een stuk hooiland, geheten Campinge Beckeham, grenzende ten oosten aan Westerperbroec.

Wy Albert Wiltinge ende Swane myn echte huusvrouwe, Lubbert Maeck ende Hadewich myn echte huusvrouwe wonende toe Ees
in den kerspel toe Borgher bekennen ende betughen myt dessen openen breve voer ons ende onse arffgenamen dat wy hebben verkofft opghe-
draghen ende overghegheven den convente van Essen offt wien sie dat ghunnen toe bruken een stucke maetlandes gheheten
Campinge Beckeham gheleghen an Westerperbroec an die oesterzyd vry ende veerdich ewelicke ende erfflike toe bruken ende allen
oren willen daer mede toe doen na dattet hem belevet voer ene summe gheldes die ons vul ende al wal is betaelt ende loven hem
daer guede waerscap voer te doen voer al die ghene die daer op spreken moghen mit rechte tot allen tyden. Ende hebben hem
daer van den stock ghelecht als lantrecht is in den lande van Drenthe daer an ende over weren als buren Johan Husinge ende
Bole Husinge. In oerkunde der waerheit, want wi selven gheen seghel en hebben, soe hebben wi ghebeden eendrachtelike den
den [sic] erbaren man Willem Hilboldinge schulte toe Borgher dessen breeff voer ons toe bezeghelen dat ic Willem voerscreven
gheerne omme dessen gueden lude willen ende bede ghedaen hebbe ende hebbe myn zeghel an dessen breeff ghehangen
inden iaren ons heren dusent vierhundert ende sovenendetachtentich op sunte Marcus dach des hillighen ewangelisten.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	112
Regestnr.	756
Olim	Arch. Klooster Essen, inv.nr. 2, reg. 98. Reg. Feith 1487.24.
Jahr	1487
Datumcode	Marci

x

x

x

Material	perkament

x