Nummer:kla0768 | Datum:26 maart 1489 | Überlieferung:Afschrift | Fundstelle:Kloosterarch., inv.nr. 20, fol. 022r, reg. 768 |
Burgemeesters en raad te Groeninghen verklaren dat Meynolt te Cleywert heeft verkocht aan Ludeken Hoerneken een jaarlijkse rente, groot anderhalve gouden overlandse rijnse gulden, gaande uit zijn "poerthuus", behuizing en land en alle toebehoren in het kerspel Dorquart, welke rente kan worden afgekocht met 25 gouden rijnse guldens.
Wy Borgemeystere ende Raed in Groeninghen betughen myt desen openen
breve dat voer ons is ghecomen Meynolt toe Cleywert ende becande voer em ende
sijnen erfghenamen dat hie heft vercoft op ghedraghen ende overgheven Ludeken
Hoerneken ende sijnen erffgenamen anderhalven golden overlandesschen rynsche gulden
renten vor datum des breves ghemuntet of payment dat daer guet voer is voer
den golden toe betalen iairlix toe midvasten Off scadeloes ghelt myt botbreven
in toe manen toe boren ende toe manen uut syn peert huus myt heemynghe
huus hoff land ende al sijne toe behoren als hie dat liggende heft in den karspel
toe Dorquart niet daer van uutghescheyden vry ende quyt erfliken vry daer uut toe
waren voer een summe geldes de Menolt voerscr. becande dat hem vol ende al betaelt
is Hyr is toe ghesproken dat Menolt voerscr. off sijn erffgenamen dese vorscr. andehal-
ve golden rijnsche gulden Renten moeghen weder off vry ende quyt copen toe allen
tyden wanneer em des ghenoeghet myt vyf ende twintich golden overlandesche
rijnsen gulden voerscr, payments ende mytter voller renten sonder arghelist Dat
orkunde wy myt onse stad seghel ghegheven in den iaer ons heren duusent vier
hondert neghen ende tachtentich des donredages nae onser liever vrouwen dach
Annunciacionis doe Sweder Kater, Coppyn Iarges, Roelef Mepsche ende Hermen
Leu Borghemeystere weren onser stad.
breve dat voer ons is ghecomen Meynolt toe Cleywert ende becande voer em ende
sijnen erfghenamen dat hie heft vercoft op ghedraghen ende overgheven Ludeken
Hoerneken ende sijnen erffgenamen anderhalven golden overlandesschen rynsche gulden
renten vor datum des breves ghemuntet of payment dat daer guet voer is voer
den golden toe betalen iairlix toe midvasten Off scadeloes ghelt myt botbreven
in toe manen toe boren ende toe manen uut syn peert huus myt heemynghe
huus hoff land ende al sijne toe behoren als hie dat liggende heft in den karspel
toe Dorquart niet daer van uutghescheyden vry ende quyt erfliken vry daer uut toe
waren voer een summe geldes de Menolt voerscr. becande dat hem vol ende al betaelt
is Hyr is toe ghesproken dat Menolt voerscr. off sijn erffgenamen dese vorscr. andehal-
ve golden rijnsche gulden Renten moeghen weder off vry ende quyt copen toe allen
tyden wanneer em des ghenoeghet myt vyf ende twintich golden overlandesche
rijnsen gulden voerscr, payments ende mytter voller renten sonder arghelist Dat
orkunde wy myt onse stad seghel ghegheven in den iaer ons heren duusent vier
hondert neghen ende tachtentich des donredages nae onser liever vrouwen dach
Annunciacionis doe Sweder Kater, Coppyn Iarges, Roelef Mepsche ende Hermen
Leu Borghemeystere weren onser stad.
x
Archiv | Groninger Archieven |
---|---|
Bestand | Kloosterarch. |
Zugangsnummer | 172 |
Inventarnr. | 20 |
Fol. Nr. | fol. 022r |
Regestnr. | 768 |
Olim | Arch. Klooster Selwerd, inv.nr. 1, reg. 376. |
Jahr | 1489 |
Datumcode | JpAnnMar |
x
Notizen | In cartularium ingedeeld onder D VI, littera secunda |
---|---|
Abbildung 1 | |
Negativ | 106-I1-59 |
Kommentar | eerste bladzijde |
Abbildung 2 | |
Negativ | 106-I1-60 |
Kommentar | tweede bladzijde |