| Nummer:kla0774 | Datum:9 sept. 1489 | Überlieferung:Origineel | Fundstelle:Kloosterarch., inv.nr. 321, reg. 774 |
Renger, zoon van Abele, te Wathwert verklaart ontvangen te hebben van het convent te Wijthwert dertig gouden overlandse rijnse guldens tegen een jaarlijkse rente, groot twee gouden rijnse guldens, gaande uit een venne land, geheten de Dijckvenne en gelegen te Wathwerth, grenzende ten oosten aan Wathwerder wierde, ten zuiden aan de noodweg en ten noorden aan de dijkweg, welke rente binnen zes jaar afgekocht kan worden met dertig guldens.
Ick Renger salighe Abelen soen to Warthwert wonachtich in den karspel to Usquart Bekenne Ende betughe vor my ende myne Erffge-
namen In dessen openen vesegeden breve Ende vor alle den genen de dessen breff seen offte horen lesen dat ick myt vryen wyllen ende myt
wal vorberaden mode dat ick sunderlinge umme noetsaken ende orberheit mynes gudes hebbe ontfangen van Denconvente to Wythwert
ordinis sunte Johannis baptiste Jherosolimitani dartich golden overlantsche rinsche gulden up ene venne landes ghelegen to Wathwerth ghe-
heten de dijck venne. Dar dat oesterende van strecket an Wathwerder wijrde Ende dat westerende an salighen Bene Hoytkens
kyndere lant Ende de sudersijt de geet an den notwech Ende de nordersijt an den dijckroech. Dar sal Renger vorsc. den Convente
to Wythwert iarlix vor geven to Renthe twe golden rinsche gulden offte payment vor de werde als de rinsche gulden dan Inder
tijt gelden to twen terminen to betalen. de eersten to mydwynter. Ende den anderen to sunte Johannes to Mydsomer na datum des
breves ses jar lanck myt vorworden is hijr In ghesproken offte syne erffgenamen dat Renger offte syne erffgenamen moghen
dijt lant offte Renthe wederkopen bynnen de ses jaren myt dartich golden rinsche overlantsche gulden offte golt vor de werde
mytter vuller pacht Item wert ock dat Renger offte syne Erffgenamen desse vorsc. Renthe tendens de sess jaren nicht weder in
kofften als vorsc. is so sal de Renthe bliven by den convente to Wijthwert vorsc. to Ewijghen daghen sunder Rengers ende syner
erffgenamen inseggen Item vortmer wolde Renger offte syn erffgenamen syn part van den lande verkopen offte vertyen so
sal dat convent to Wythwert altoes de naesten dar to wesen Item ock sal Renger vorsc. den Conventsluden vrij holden vor vormunders
ende vorsybben Sunder alle argelist hulpereden ende nye vonde de dessen breff mogen hindern. Hijr is over ende to gheropen
Galtke to Wijren als een wedman Ende broder Ludeke Rengers vorsc. broder Ende Erffgenaem als tuch de desse vorworden ende war-
heyt mede sullen untholden In oerkunde der warheyt hebbe ic Renger vorgesc. ghebeden den Ersamen heren hern Garbrant
to Usquart mynen kercheren dessen breff overmy ende mynen erffgenamen to besegelen Ende ick Gharbrandus Cureet to Usquart
hebbe umme bede wyllen Rengers myns karspelmans myn segel beneden an dessen breff ghehangen Ghegeven int iaer uns
heren Dusent veerhundert negenendetachtich des wonsdaghes na unser vrouwen dach nativitatis quod est ipso die Gorgonij
martiris etc.
namen In dessen openen vesegeden breve Ende vor alle den genen de dessen breff seen offte horen lesen dat ick myt vryen wyllen ende myt
wal vorberaden mode dat ick sunderlinge umme noetsaken ende orberheit mynes gudes hebbe ontfangen van Denconvente to Wythwert
ordinis sunte Johannis baptiste Jherosolimitani dartich golden overlantsche rinsche gulden up ene venne landes ghelegen to Wathwerth ghe-
heten de dijck venne. Dar dat oesterende van strecket an Wathwerder wijrde Ende dat westerende an salighen Bene Hoytkens
kyndere lant Ende de sudersijt de geet an den notwech Ende de nordersijt an den dijckroech. Dar sal Renger vorsc. den Convente
to Wythwert iarlix vor geven to Renthe twe golden rinsche gulden offte payment vor de werde als de rinsche gulden dan Inder
tijt gelden to twen terminen to betalen. de eersten to mydwynter. Ende den anderen to sunte Johannes to Mydsomer na datum des
breves ses jar lanck myt vorworden is hijr In ghesproken offte syne erffgenamen dat Renger offte syne erffgenamen moghen
dijt lant offte Renthe wederkopen bynnen de ses jaren myt dartich golden rinsche overlantsche gulden offte golt vor de werde
mytter vuller pacht Item wert ock dat Renger offte syne Erffgenamen desse vorsc. Renthe tendens de sess jaren nicht weder in
kofften als vorsc. is so sal de Renthe bliven by den convente to Wijthwert vorsc. to Ewijghen daghen sunder Rengers ende syner
erffgenamen inseggen Item vortmer wolde Renger offte syn erffgenamen syn part van den lande verkopen offte vertyen so
sal dat convent to Wythwert altoes de naesten dar to wesen Item ock sal Renger vorsc. den Conventsluden vrij holden vor vormunders
ende vorsybben Sunder alle argelist hulpereden ende nye vonde de dessen breff mogen hindern. Hijr is over ende to gheropen
Galtke to Wijren als een wedman Ende broder Ludeke Rengers vorsc. broder Ende Erffgenaem als tuch de desse vorworden ende war-
heyt mede sullen untholden In oerkunde der warheyt hebbe ic Renger vorgesc. ghebeden den Ersamen heren hern Garbrant
to Usquart mynen kercheren dessen breff overmy ende mynen erffgenamen to besegelen Ende ick Gharbrandus Cureet to Usquart
hebbe umme bede wyllen Rengers myns karspelmans myn segel beneden an dessen breff ghehangen Ghegeven int iaer uns
heren Dusent veerhundert negenendetachtich des wonsdaghes na unser vrouwen dach nativitatis quod est ipso die Gorgonij
martiris etc.
x
| Archiv | Groninger Archieven |
|---|---|
| Bestand | Kloosterarch. |
| Zugangsnummer | 172 |
| Inventarnr. | 321 |
| Regestnr. | 774 |
| Olim | Arch. Klooster Wijtwerd, inv.nr. 23, reg. 98. Reg. Feith 1489.32. |
| Jahr | 1489 |
| Datumcode | EpNatMar |