Hermen Beyntkema en Gilt Eysma verklaren een overeenkomst te hebben gesloten, ingevolge waarvan Hermen zijn aandeel in de erfenis van Buwo Meckema en Gaicke, zijnde een erf gelegen ter Lune, aan Gilt zal verkopen voor duizend gulden rijnse guldens.

Wy Hermen Beyntkema ende Gilt Eysma bekennen in desser cedulen dat wy eendrachtlicken voer
uns ende unse aerffghenamen myt malckanderen hebben ghemaket eynnen steden vasten koep
euwelick ende aerflick to duren also dat Gilt verscreven sael hebben euwelick ende aerfflick
alsodaenne aerffnisse also Buwo Meckema ende Gaitke mae ghelaten ende ghearvet hebben
welcker arve ghelegen is ter Lune dar Hermen vorscreven in bewysset is myt recht van den Ersa-
men Raet van Groningen dar Hermen verscreven Gilt verscreven up leveren sael sodaenne staet, segel ende breven
ende voert alle andere breven de to den lande verscreven diennen moghen de Hermen in syner
were hevet. Ende ist sake dat Gilt verscreven offte syne aerffghenamen desse vor landen ende
aerve ghekorttet worde vor eynnighen rechte dar sael Hermen vorscreven offte syne aerf-
ghenamen Gilt verscreven offte syne aerffghenamen behulplick ynne wesen ghelick offte
Hermen verscreven sulven an ginge. Hyr vor sael Gilt verscreven offte syne aerffghenamen Hermen
verscreven offte syne aerffghenamen betalen teyn hundert golden rynsen gulden welcke Gilt vorscreven Gilt
offte syne aerffghenamen Hermen offte syne aerffghenamen betalen vor dyt neyejaer
naestkomende. Gheschede desse verscreven betalinghe des geldes neet, so sullen Gilt verscreven offte sinen
aerffghenamen Hermen offte syne aerffghenamen des jaers betalen vor hundert golden rynsen gulden
sese nae der summe gherekent verscreven myt vorworden offte yemaent van Hermen offte
Gylt verscreven tot eynnighen tyden van dessen koep treden by eynner pene van XXIIII pondematen landes
vorscreven offte Hermen vorscreven Gilt aff ginghe also verscreven is Gilt offte syne aerghenamen [sic] solden
hebben oeffte beholden ewelick ende aerfflick naest ter swatte dat Gilt verscreven syn hus hevet
-gheseet to der Lune. Wert ock sake dat Gilt verscreven Hermen offte ginghe als vorscreven is so sael
Hermen offte syne aerffghenamen hebben XXIIII ponden landes aerfflicke liggende by
Gyltsma waerff. Hyr is to ghesproken dat Gilt offte syne aerffghenamen dessen verscreven teyn
hundert golden rynsen gulden moghen vrij ende quit kopen bynnen XX jaren des jaers myt hun-
dert gulden ses. Hyr hebben an ende over ghewest tugheslude also benamen Edzeke upder
Borch, Fedde Renverdessoen, Inke Wysma ende Sytke syn husfrouwe. Ghescreven ende ghegeven des
donderdages vor suente Thomas dach apostoli inden jaer uns heren dusent CCCC neghentttach-
tentich. Desse cedulen synt twe ut malckanderen ghescneden myt Ave Maria.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	69
Regestnr.	780
Olim	Arch. Klooster Trimunt, inv.nr. 6, reg. 8. Reg. Feith 1489.32.
Jahr	1489
Datumcode	JaThome

x

x

Material	papier

x