Reynolt Huynge, zoon van Heile Huynge, en zijn vrouw Hille Coeners, burgers van Groningen, verklaren dat zij hebben verkocht aan Marsilius, abt te Selwert, zes gouden overlandse keurvorster rijnse guldens rente, gaande uit een stuk land van elf grazen buiten de Aepoerte, welk land eertijds door Johan Coeners met het convent van Adewert is geruild, welke rente te allen tijde kan worden afgekocht met vijftig andreas guldens en vijftig gouden rijnse guldens, welke oorkonde mede bezegeld wordt door Berent Coenrades, raadsman van Groningen.

Ick Reynolt Huynge Heile Huyngesoene ende Hille Coeners echtelude borgers
in Groningen bekennen ende betugen mit dessen openen breve bezegelt woe dat wij ver-
copen ende hebn vercoft vor ons ende onsen erfgenamen eweliken ende erfliken den eersa-
men heren meister Marsilio abd toe Selwert ende sijnen nacomelingen to behoef
des convents vors. ses golden overlandsche koervoster rijnssche gulden rente
uut een stucke lands van elven grase leggende buten ter Aepoerte op die zueder-
zijde van Reynkens hues welker land salige Johan Coeners gewisselt he-
vet in vorleden tijden van den convente van Adewert daer Swette vij sint. Sa-
lige Henrick Caters erfgenamen op die zuder zijt ende Clawes vander Emesen kinderen
op die noerder zijd vor een summe van gelde die ons Reynolt ende Hillen vors.
vul ende al betaelt is. Den eersten penninck mitten lesten tot onsen willen vanden
abte ende convente vors.. Hyr is togesproken dat wij Reynolt ende Hille vorsc.
of onse ergenamen moegen desse vors. rente weder aff vrij ende quijt copen to allen Mid-
vasten of wanneer ons ende onsen erfgenamen dat gelievet mit vijfftich andreas
gulden ende vijfftich golden rynsch gulden payments vors. ende anders ghien gelt mit
ter voller pacht sonder argelist. In orconde der waerheit heb ic Reynolt vors.
mijns selves zegel beneden an desse brief gehangen ende om meere vestnisse
wille heb ick Reynolt vors. mit Hillen mijnre huesvrouwen gebeden Berent
Coenrades als een raetman in Groningen dat hie zijn zegel mede an dessen
brieff wolde hangen. Wes ick Berent vors. geerne gedaen heb om Rey-
nolt mijns swagers ende Hillen mijnre suster bede wille. Gegeven in den
jaer ons heren dusent veerhondert ende een entnegentich des wondesda-
ges vor onser liever Vrouwen in der Vasten annunciacionis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 073v
Regestnr.	791
Olim	Arch. Klooster Selwerd, inv.nr. 1, reg. 386.
Jahr	1491
Datumcode	EaAnnMar

x

x

Material	perkament