Willem Hylboldynghe, Johannes Eykynge, Henrick Wiltynge en Arent Campynge, kerkvoogden te Borger, en Sunte Wilbrordus, patroon van de kerk aldaar, verklaren dat zij verkocht en bij stoklegging overgedragen hebben aan het klooster van Yesse bij Gronynge al hun aanspraken op een lijnstuk op de Borger es dat wijlen Egbert Veldynge aan Sunte Wilbrordus vermaakt heeft.

Wy Willem Hylboldynghe, Johannes Eykynge, Henrick Wiltynge, Arent Campynge vogede der
hilliger kerken to Borger ende sunte Wilbrordus patroen desser kerken vorscreven bekennen ende betugen
myt dessen openen breve dat wy myt vryen willen gueden berade hebben verkofft ende vercopen
stades vastes erffkopes erfflike ende ewelike voer ons ende onse nakomelynge als vogede der kerken
vorscreven also hebb wy verkofft den ghemenen convente des closters van Yesse by Gronynge gelegen al al-
sodane ansprake als wy hebben gehad opp een lynstuck gelegen opp Borger esch, daer by naest
gelandet opp der oester syt Johan Boltynge ende opp der wester syt de wedeme heer comende van saligen
Egbert Veldynge ende syner vrende gegeven to testamente sunte Wilbrorde patroen vorscreven to Borger als
vor ene summe van gelde de ons vogeden vorscreven wytlick wall, vul ende all betaelt is den lesten pennynck
myt den eersten tot onzen willen. Ende so hebb wy Willem, Johannes, Henrick, Arent vorscreven den convente
vorscreven den stock hyr van gelecht vor buren hyr na bescreven. Ende so sullen wy ende willen den ghemenen
convente dyt vorscreven lynstucke waren vry uutghesproken den tenden den de cureet dan inder tyt daer over
hevet ende so alst in verledenen tyden sunte Wilbrorde to testamente gegeven is, sunder argelist. Hyr hebben
an ende over geweest vor arfachtige buer to Borger als Herman Hilboldynge, Wyger Wanekynge ende meer
gueder lude ghenoech. Hyr weren over den dedynck Wiger Wanekynge, Johan Scomaker. Des tot orkonde
so hebb wy Johannes, Henrick, Arent eenpartlike gebeden Willem Hilboldynge inder tyt sculte to
Borger dyt vor ons to bezegelen, want wy selven geen segell en bruken. Ende so hebb ick Willem vorscreven
ende want my mede kundich is so hebbe ick myn segell vor my ende om bede willen desser guder mans
beneden an dessen gehangen inden jaer ons heren dusent veerhundert ende enennegentich opp meydach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	103
Regestnr.	794
Olim	Arch. Klooster Essen, inv.nr. 2, reg. 103. Reg. Feith 1491.34.
Jahr	1491
Datumcode	Mei

x

x

x

Material	perkament

x