Focke Rengers, hoofdeling ten Poste, en zijn vrouw Amele verklaren dat zij geschonken hebben aan het convent van Essen, als prebende voor hun vier dochters Lyse, Ghisele, Cyse en Amele en tot hun uitboedeling, een tiende in het land van Drenthe onder de klokslag van Vrees, groot dertig mudden rogge, die zij gekocht hebben van hun broer Bertolt Perney, verder een huis met erf, groot 45 grazen in de Oesterbawert in Woltersummer kerspel, waaruit het convent van Zybekeloe jaarlijks een rente, groot zes arnhemse guldens, ontvangt, welke rente afgekocht kan worden met honderd arnhemse guldens, voorts een huurverhoging van twee gouden rijnse guldens voor Remmeke Luersheert te Oldersum, die wijlen hun moeder Hysse Rengers het convent van Essen nagelaten heeft en die Focke en vrouw gebruiken voor acht gouden rijnse guldens per jaar, tenslotte een tiende te Druwen in het land van Drenthe, groot vijftien mudden rogge, terwijl nog enige testamentaire bepalingen gemaakt worden.

Wy Focke Rengers ende Amele myn echte huusvrouwe hoefflinge Ten Poste bekennen ende betughen myt dessen openen
breve voer uns ende unse erffgenamen dat wy myt vryen wille ende myt guede beraden moede hebben ghegheven ende opghe-
draghen den convente van Essen myt unsen vier dochteren als Lysen, Ghiselen, Cysen ende Amelen in die ere Goedes voer een
affscheit ende bodel van unsen guederen als hyr na bescreven is. Inden eersten gheve wy desse vorscreven convente myt unsen
vier dochteren onsen tenden also guet als dertich mudde rogge den wy hebben inden lande van Drenthe onder die klocke
van Vrees myt al synen toebehoer na uutwisinge des registers ende des breves als wy den ghecofft hebben van unsen
salingen [sic] broder Bertolt Perney als hie den voer ende wy den na ghebruket hebben oren profyt ende hogheste nutticheit
ende wille daer mede toe doen tot ewighen daghen. Daer toe hebben wy dessen vorscreven convent van unsen vier dochteren
weghen toe ghestaen ende vry overghegheven voer een testament na unser beyder doet een erve landes van vyfendeviertich grase landes soe groet als dat gheleghen is toe werke ende toe schote myt den huse dat daer opstaet ghe-
leghen in die Oester Bawert in Woltersummer kerspel daer Derck Peters nu ter tyt in woent uut welcken erve wy Focke
ende Amele vorscreven hebben ghegheven dat convent van Zybekeloe ende oer nakomelinge tot een ewich testament voer uns ende
unse olderen toe bidden ende jaerlix toe begaen als ghewoenlick is des kloesters ses arnems gulden jaerlicker rente
tot ewighen daghen daermen mede werven sal in dat convent van Zybekeloe wijn off vremet beer in oren lateltyden
wanneert hem best belevet toe ghegheven ende ist sake dattet convent in aldus danighen maneer niet en wort gheghe-
ven soe salment den armen opter straten gheven offt unse vrenden moghent weder nemen ende ghevent in anderen armen
cloesteren. Ende desse arens [sic] ses arens gulden moghen die van Essen off kopen tot allen tyden hoeveer hem des belevet voer hundert
arens gulden. Ende dan sal dat convent van Zybekeloe dat gheelt weder beleggen in wisse rente waer hem des best belevet
op dattet hoer pitancie daer van moghen krighen als vorscreven steet. Ende die eghendoem van dessen vorscreven erve myt synen
brukinge sal bliven tot ewighen daghen in dessen vorscreven convente van Essen soe lange als unse dochteren lyven ende leven
voert na oren doet tot ewighen tyt alsoe dat sie dat vorscreven lant nummer offstaen sollen. Ende weert oec sake dat unse
vier kinderen int kloester voer uns storven, soe sal dat convent van Essen dat erve na unser beyder doet ontfan-
gen, besitten ende ghebruken tot ewighen daghen voer onsen beyder zielen ende olderen ende kinderen zielen. Oec syn vorwerde
dat wy dat land Remmeke Luers heert gheheten toe Oldersum gheleghen dat unse salighe moder vrou Hysse
Rengers dessen vorscreven convente van Essen voer een testament ghegheven hefft dat wy dat sullen bruken onse leven
lanck voer achte golden rinsen gulden van welcken lande vorscreven wy Focke ende Amele vorgenoemd den vorscreven convente van Essen myt vryen
willen den eghendoem weder toestaen ende overgheven. Ende daer toe love wy dessen vorscreven convente die huer toe verbeteren
myt twen golden rinsen gulden (van wel) op die vorscreven acht golden rinsen gulden. Hyr toe gheve wy desen vorscreven convent ewelicke ende erfflike
toe bruken sunder emendes weder ropen onsen tenden toe Druwen in den lande van Drenthe gheleghen als vyfftyn mudde
winter rogge welck vorscreven tenden unse uterste wille ende entlike meninge is dattet vorscreven convent nummemeer affstaen
sal. Hyr is mede toe ghelovet weert sake dat unse kinderen Dethmer ende Nese sunder wittelicke buert storven,
dat God verbeden moet, dat die dan die naesten als rechte erffgenamen van unsen gueden sollen wesen ende soe en gunde wyt
anders nemant liever dan desse vorscreven convente myt unsen dochteren. Weert oec sake dat een van unsen tween warliken
kinderen vorgenoemd storve sunder wittelike buerte, soe sullen unse gheestelicke kinder meede erffgenamen wesen tot unsen
gueden, alsoe toe verstaenne dat unse gheestelicke kinder alle veer soelen hebben soe voele als een van unsen vertliken
kinder. Meer waer onse dochteren in den vorscreven convente anders toe verervet worden van God ende die hillighe kerke
dat moghen sie vul ende al heeliken boren ende ontfangen als unse ander warlicke kinderen ende ander waerachtighe
erffghenamen. In oerkunde der waerheit dat wy al desse vorscreven artikel ende ghyfftinge vul ende al wal willen
vultrecken ende vast holden, soe hebbe ic Focke vorscreven myn zeghel an dessen breeff ghehangen. Ende tot meerre veste-
nisse der waerheit hebben wy oec ghebeden den eersamen heren heren Johan Cempes abt toe Witte Werum dessen
breef oec toe bezeghelen dat wi Johannes abt vorscreven gheerne hebbe ghedaen om bede wille Fockens ende Amele
vorgenoemd ende hebbe myn zeghel beneden an dessen breeff ghehangen in den jaren uns heren dusent vierhundert
ende tweendetneghentich op sunte Bernabas dach des hillighen apostels.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	149
Regestnr.	803
Olim	Arch. Klooster Essen, inv.nr. 14, reg. 104. Reg. Feith 1492.42.
Jahr	1492
Datumcode	Barnab

x

x

Material	perkament

x