Bernt ten Holte en zijn vrouw Gese verklaren dat zij hebben geschonken en bij stoklegging overgedragen aan de abdis en het convent van Essen bij Groningen dertien gouden rijnse guldens, die het convent zal krijgen na hun dood, waarbij bepaald wordt dat in plaats van dit bedrag een jaarlijkse rente van een mud rogge, gaande uit Schuringeerve in het kerspel van Oesterhesselen en de marke van Gheese, mag komen, welke rente afgekocht kan worden met dertien gouden rijnse guldens, waarvoor het convent memoriediensten voor hun zieleheil zal houden.

Ick Bernt ten Holte myt Gesen mynen echten wyve kenne ende tuige myt desen openen breve voir my ende voir myne
erffgenamen dat ic myt mynen vryen moetwillen rypen berade gesundes omme goids willen ende oic mede omme
sunderlinge vorworden eens coepes van enen huse twelke dat convent van Essen my off gecoft ende wall betalt
hebben gegeven ende opgedragen hebbe gheve ende drage op myt desen openen breve omme voir myne ende mynre
huesfrouwen sielen salicheyt te bidden der weerdiger ende devoter abdissen ende convente van Essen van sancte
Bernardus orden by der stadt Groningen gelegen dertyn golden Rynsche gulden welke dat convent vorscreven
tendes mynen levende als ic doet byn ontfangen ende boeren sullen van mynen erffgenamen myt vorworden weert
sake dat myne erffgenamen die vorscreven dertyn golden Rynssche gulden niet rede en hadden so sullen sie die moigen
verholden so lange alst hem believet myt een mudde guedes roggen Groninger mathen des jaers welk
mudden roggen vorscreven ic Bernt vorscreven den vorgenoemde convente geset ende vercoft hebbe voir die vorscreven dertyn
golden Rynssche gulden uut ende over myn erve ende guet also ic liggende hebbe inden kerspell van Oesterhesse-
len ende marke van Ghees geheten Schuringe erve welkeer mudde roggen ic Bernt vorscreven love voir my ende
voir myne erffgenamen den convente vorscreven kummer vry alle jaere op meydach alse lantrecht is gelevert ende
wall betalt sall worden to Noertberghe indes convents hoff. Ende ic love hem dit vorscreven mudde roggen uut
den vorgenoemde erve enbde guede te waeren ende rechte waerscap daer van te doene voir my voir myne erffgenamen
ende voir alle die ghene die daer myt rechte op spreken moigen. Ende hebbe den convente vorscreven den stock
daer van gelecht als lantrecht is inden lande van Drenthe daer an ende over dat stockleggen weren
also buer to Ghees Pelgrym van Ysselmuden, Albert Cornute van Wyre, Johan Buting ende meer gueder
luede genoech. Oick synt vorworden dat myne erffgenamen dit vorscreven mudde roggen des jaers moigen lossen
ende wedercopen alle jaere onverjaert op meydach alse lantrecht is mytter volre ende achterstediger
pacht ende myt der vorscreven dertyn golden Rynssche gulden ende elken Rynsschen gulden myt sessendedertich
guede Groninger krumsterte gemuntet voir datum sbreefs to betalen. Sonder all argelist. In een tuech
der waerheyt ende want ic bernt vorscreven dit allent voirgescreven will stede ende vast geholden hebben.
So hebbe ic gebeden den eerberen Remboldt kerchere to Oesterhesselen desen breeff over
my to besegelen want ic selven gheen segell en gebruke. Ende ic her Remboldt vorscreven omme bede willen
Bernds ten Holte vorscreven so hebbe ic myn segell beneden an desen breeff gehangen. gegeven inden
jaere onss heren dusentvierhondert tweendetnegentich op sunte Calixtus dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	175
Regestnr.	804
Olim	Arch. Klooster Essen, inv.nr. 11, reg. 105. Reg. Feith 1492.41.
Jahr	1492
Datumcode	Calixt

x

x

Kommentar	Met het zegel van Remboldt, kerkheer te Oosterhesselen

x

Material	perkament

x