Coppijn Jerghes, ambtman van Selwert, oorkondt dat Sicko Boelens heeft verkocht en bij stoklegging overgedragen aan de ministerse en de gemene zusters van het Olde Convent in Groningen vijf grazen land in het kerspel Engelbert, strekkende van de dijk tot aan de "weycke" (zijstuk sluis of brug).

Ic Coppyn Ierghes amptman inder tyt des gerychtes van Selwert bekenne ende betuge mit dessen openen breve dat voir mij is gekomen Sicko
Boelens ende bekande voir em ende synen erffgenamen dat hijhevet vercoft upgedragen ende overgegeven den pater vande geestelicke mageden in
Gronyngen, tot behoeff syns convents, ende naekomelingen conventes kinderen aldaer, vyff grasen lands gelegen inden kerspele van Engelbert
mit scot ende sculde soe alse dat gelegen is, streckende syck vanden dijck ande weycke, daer Lyppe Hyddens naest by ter swette lycht ande suuder
syt, ende Hydde Cnanens ande noordersydt, vrij ende quyt erfflycken ende ewelycken to bruken ende to besitten, voir ene somme geldes die Sicko
voirscr. bekande dat em voll ende all is betaelt, den lesten pennynck mitten eersten. Ende hyrvan heft Sicko voirscr. den pater voirgen. tot behoeff
syns convents voirscr. den stock van gelecht alse landtrecht is inden gerychte van Selwert, also voirden bueren van Engelbert hijrnae bescreven alse
voir Berent Utekens, Ede Syens, Egge Uutekens, Oem Heynema, Allert Brunens, Peter Arens. Ende Allert Fockens, ende meer gueder luuden ge-
noech sonder argelyst. Des tot enen oirkonde hebbe Ic Coppyn amptman voirgen. myn segell an dessen breeff gehangen. Gegeven inden jair
ons heren dusent viirhondert tweendetnegentich, des dynxedages voir sunte Meertens dach inde wynter.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	351
Regestnr.	805
Olim	Arch. Olde Convent, inv.nr. 32, reg. 80. Reg. Feith 1492.44.
Jahr	1492
Datumcode	MaMartin

x

x

Kommentar	Met het zegel van Coppijn Jerghes

x

Material	perkament