Commandeur Rodolphus, prior Hinricus en de conventualen te Werphuus verklaren te hebben geruild met de keldermeester en de conventualen van Zelwert enig veenland, waarbij bepaald wordt dat zij de sschutensloet en de Vennigersloet, die zij in elkaars land hebben liggen, zo hoog en zo laag mogen leggen als zij willen, turf mogen opslaan op elkaars terrein en dat Selwert vijf roeden veen krijgt ten noorden van Adewerderveen.

Wij broedere Rodolphus commenduer, Hinricus Prior
unde gemene conventes lude des hilligen huses to Werphum ordens sanct Iohannis
Baptiste bekennen in dessen openen breve dat wij mitten eersamen ghiestliken
heren kelner unde gemene conventes luden van Zelwert sancte Benedictus orden
hebn gemaket een stede erffwissel van vene roede voer roede hem gevende
beholden ons onsen nederlande unde hem die hoere mit vorwerden sullen
ons die van Selwert vrijg venne leveren van alle pachten unde renten unde die
van Zelwert soelen moegen legn hoeren sloet nu ter tyt genoemt die Schuten
sloet tot ewigen dagen in Werffummer land soe hoeghe unde leghe als em des
belevet. Des geliken solen die van Werphum moegen leggen horen sloet ge-
noemt Vennige sloet in Selwerder land so hoghe unde leghe als em belevet
unde oren torff moegen setten op Zelwerderland unde die van Zelwert oren torff
moegen setten op Werffummer land unde die van Selwert solen alle iaer den
van Werphum dat vene anbrengen so lange als die van
Zelwert den torff affhebben unde ellick van ons parten soeln holden vonde-
re unde bruggen elck over oren sloet. Item, wij hebn den cloester van Zelwert
to Selwert to gestaen unde staen toe unde gheven over die vier roeden venes
daer Adewerder vene oppt zuden ter zwette licht soe groet unde clein als dat
gelegen is vor enen summe geldes die ons van dat cloester van Selwert wal
betaelt is. Hijr hebn an unde over gewest als dedingeslude die eersame
heer Iohan van Monster hoffmester to Everdeswolde unde Sicke van Bu-
ren schulte to Wolde van ener sijde unde die eersame meister Herman Kene-
ma licenciaet in den geestliken rechten unde Jacob van Buren to Everdes-
wolde van der ander zijde. In orconde alle deser dinghen heb wij con-
ventes lude van Werffum vorscreven onse conventes zegel gehangen an des-
sen breeff gegeven in den iaer ons heren dusent veerhondert dre unde
negentich.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 122r
Regestnr.	808
Olim	Arch. Klooster Selwerd, inv.nr. 1, reg. 394.
Jahr	1493

x

x

Material	perkament