Burgemeesters, schepenen en raad der stad Campen verklaren dat Dirick Diricksz van Ryngerbruggen heeft verkocht aan broeder Johan Dircksz, zijn broer te Selwert, en aan Johan Alberts Schoemaker, echtgenoot van zijn zuster Niese, zijn deel van de nalatenschap van zijn broer Claes Dircksz, en dat hij ten behoeve van de overdracht als gemachtigde heeft aangesteld Jonge Derck Schoemaker te Groningen.

Wij borgemestere schepenen ende raed der stad Campen doen kont allen
luden dat vor ons gecomen is in gerichte Dirick Diricksz van Rijngerbrug
gen ende hevet al daer bekant dat hie vor em ende sijnen erffgenamen mit sijnen vrijen
willen ende weten om een summe geldes daer hie ter noege van voldaen ende betaelt
bekande toe wesen vercofft hevet ende al..ge ter guede ghescholden broeder
Johan Dircksz sijnen broeder wonende toe Selwert ende Johan Alberts schoema-
ker Niesen sijnre suster man ende oren erffgenamen alsoe dane erffnisse ende versterff
van tylber gueden huusraet ende cleynote roerende ende onroerende niet uut
gesceiden als hem eenich sijns toe sijnen kindespart angestorven ende angecomen
is waer die gelegen sint van zeliger ghedachten Claes Dircksz sijnen broeder cortes
geleden toe Groningen afflivich geworden. Alsoe dat sie erffliken dat besitten ende
oren vrijen willen daer mede doen moegen ende dat Derck vors noch sijn erffgenamen
noch sijn huesvrouwe daer ghien meer recht noch toeseggen an en hebn noch be-
beholden. Voert becande die selve Dirck vors voer ons want hie selves niet
reysber nu ter tijt en is om crancheit sijns persoens ende hyr van oplatinge ende
vestinge sold gedaen hebn toe Pinxter naest verleden. Soe maekede hie nu vor
ons machtich in der vester forme Jonge Derck Schoemaker wonende toe Gronin-
gen van sijnre wegen ende in sijnen name van desse vors. erffnisse ende gueden gerich-
teliken toe moegen oplatinge toe doen ende uut toe gaende tot behoeff broeder Johans
ende Johan Alberts vors. ende oren erffgenamen in allen maneeren offt Derick vors. daer
selven persoenliken tegenwoerdich were ende daer hant ende mont selves toegedaen
had ende dat stede vast tot allen tijden van woerden toe holden vor hem ende sijnen erff-
genamen sonder argelist. Des toe orkonde want dit aldus geschiet is heb wij onser
stad zegel an dessen brieff doen hangen int jaer ons heren dusent vierhondert
ende dre ende tnegentich op sunte Margaretendach virginis

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 048r
Regestnr.	816
Olim	Arch. Klooster Selwerd, inv.nr. 1, reg. 399.
Jahr	1493
Datumcode	Margar

x

x

Material	perkament