Focko Rijppkumma en zijn vrouw Derck, woonachtig te Raswert, verklaren een ruil te hebben aangegaan met Gheert van Holt en het convent van het St. Katherinaklooster te Selwert, waarbij de abt en het convent krijgen twee stukken land van zestien en twaalf forlingen en Focko en Dirck krijgen twaalf forlingen land op de Olde Fallich, een halve juk eveneens op de Olde Fallich, begrensd door de Late, twaalf forlingen op de Olde Fallich in de Late, drie forlingen land in de Wringehorne en twee forlingen bij de Uutercampe, welke verklaring bezegeld wordt door Albertus Vriess, persona te Bafflo.

Vy Focko Ryppkumma unde Derck echte lude woenende toe
Raswert Bekenne ende Betugen mit deseen Oppenen brieve vor ons unde onsen
erffgenamen Dat wy een stedich ewich wissel mit lande ghedaen hebn mitten
eerweerdigen geestliken vader Heer Gheert van Holt unde gemenen conven
tesluden van sunte Katherina cloester to Selwert In manieren als hyr na
beschreven staet Int eerste sal die Abd unde convent vorscr. hebn Pocken unde
Dirck vorscr. Sestijn fforlinge landes opp campes einde gelegen Daer salighe
Jarichs kinder by liggen op die wester zyd unde oester zyd unde noch twaleff
fforlinge in des campes einde gelegen Daer zelighe larichs kinder by ligghen
opp die wester zy'de ende Die van Zelwert vorscr. opp die oester zyde ewelick unde
erf flick to besitten to verwisselen to vercoepen unde al oren vrijen willen daer
mede to doen Hyr en teghen soele wy Pocko unde Dirck vorgen. van den Abdte
unde convente vorscr. hebn twaleff forlinge landes gelegen opp den olden fal
lich Daer Baneke Allama bi licht opp die zuder zijd unde ick Pocko vorscr. opp
den noerdzyd Unde noch een halff iuck op den olden fallich Daer ick Pocko
vorscr. by ligge op die zuder zyd unde die Late licht op die norder zyd Unde noch
twaleff forlinge in die Late Daer ick Pocko vorscr. selven by ligge opp die oe
ster zyd unde Taken Bauwen mit oren kinderen opp die wester zijde Noch dre
fforlinge in die Wringehorne Daer zelige larichs kindere vorscr. by gelandet
synt op die zuetwester zyd Noch twe fforlinge to den Uutercampe vorge
roert Daer ick Pocko vorscr. selven by ligge op die zuderzijd unde salighen
Jarichs vorscr. kinder op die noerder zijd ewelick unde erfflick to besitten
to vercopen unde to verwisselen unde al onsen vrien willen daer mede to doen son
der alle argelist Unde want dat vorscr. land Dat wy Pocko unde Dirck vorgen. Den
Abd unde convente vorscr. in den wissel ewelick unde erfflick hebn opgedragen beter
is dan dat wy van den Abdte unde convente vorscr. ontfangen hebn So tuge wy
noch in dessen breve vor ons unde onse erffgenamen Dat wij des wal to vreden syn unde
overcomen kennich dat convents vorscr. land meer is dan sie van ons ontfangen
hebn Alsoe dat wij noch onse erffgenamen off yemant van onser weghen
opp gheerne ty"t opp den Abd unde convent vorscr. unde oren nacomelingen Abdten unde
conventesluden enige ansprake van des vorscr. landes weghen soelen doen Hyr
hebn by an unde overgewest Gheert Hoevet Gosen Beernts Barolt Kuper unde
broder lohan copemester Dier van Selwert vorscr. als dedingeslude van beider
parten daer sonderlinges to geroepen unde gebeden In orconde der waerheit
heb wy Pocko unde Dirck vorscr. gebeden Den eersamen heren meister
Albert Vriess Persoen to Bafflo dessen breeff vor ons unde over ons to bezegelen
Dat ick Albertus Persoen vorscr. om Pocken unde Dircks vorscr. bede wille gheerne
heb gedaen unde heb myn zegel an dessen breeff gehangen gegeven int iaer
ons heren Dusent vierhondert unde vier unde negentich Des Donredaghes
vor sunte Urbaen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 108v
Regestnr.	827
Olim	Arch. Klooster Selwerd, inv.nr. 1, reg. 406.
Jahr	1494
Datumcode	JaUrbani

x

x

Material	perkament