Reyt Hankema en Dyoert Rickerdes, woonachtig te Opende, verklaren te hebben verkocht aan Ruthger, keldermeester van Trimonte en "verwaarder" van het convent aldaar, een stuk land, gelegen op de Noorderhaer bij Trimonter Posten aan de Ee ten zuiden van Noertwijck.

Wy Reyt Hankema ende Dyoert Rickerdes in Opende betughen myt dessen openen breve dat wy verkopen ende
hebben verkofft voer ons ende onsen arffghenamen heer Rutgher keldener in der tyt to Trimonte verwaren
des conventes voerscreven soe dane lant als wy ligghen hebben op dye Norder haer streckende an Trimonter
posten an dye Ee, sudewert Noertwyck myt den leydyck daer dyt voerscreven cloester op beyden syden by landet
synt op ende utgande lant vry quijt ewelick ende arfflick toe bruken, toe oerberen oren willen daer mede
toe dat voerscreven convente sunder al arghelist ende nye vonde voer een summe gheldes dat ons vul ende al
wal betaelt is de lasten penninck myt den eersten sunder wersen ende weder segghen. In een tuechnisse des-
ser waerheyt want wy Reyt ende Dyoert voerscreven gheen seghel en voren soe hebben wy ghebeden Bennen
Wyema gretman inder tyt in dat westerdeell van Vredewolt dessen koep toe beseghelen myt des landes
seghel van Vredewolt. Ende ick Benno voerscreven hebbe des ghemenen landes seghel doen hanghen be-
neden an dat spacium des breves om Reydes ende Dioerdes bede willen int iaer ons heren dusent
vierhondert vierentneghentich op den donderdach voer Sunte Martyn biscop ende confessoer
in den wint...

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	70
Regestnr.	834
Olim	Arch. Klooster Trimunt, inv.nr. 5, reg. 12. Reg. Feith 1494.36.
Jahr	1494
Datumcode	JaMartin

x

x

Kommentar	Met het zegel van Vredewold

x

Material	perkament

x