Burgemeesters en raad te Groningen verklaren dat Reyner Omens te Wolde heeft overgedragen aan de keldermeester en het convent van Essen een stuk bos met een kleine venne ten westen van de Lange Onse-lieve-vrouwenlane, strekkende van de Borch tot de Schermesterwech, alsmede de eigendom die zijn vader had in Wyllemsslote, overeenkomstig diens laatste wil.

Wy Borgermeistere ende Raed in Groningen betugen myt dessen openen breve dat vor ons is gekomen Reyner Omens
to Wolde ende bekande vor em ende synen erffgenamen dat he heefft verkoefft, upgedragen ende overgegeven de kelner ende
convente to Essen ende oeren nakomelingen tot behoeff des convents vorscreven een stucke holtlandes myt enen kleynen venne lan-
des welker holt lant ende venne vorscreven gelegen is an de wester syde van de lange Onsen Liever Vrouwen lane daer dat
convent van Tesingen ande ander sydt naest by gelandet is streckende myt den enen eynde an de borch ende mytten
anderen eynde an Schermester wech. Voert heefft Reyner vorscreven verkoefft den convente vorgenoemd sodane egendoem ende
vryheyt als syn vader hadde ende gehadt hevet tot Wyllems slote vry ende quyt, erffliken ende eweliken toe
bruken ende to besitten voer ene summe geldes de Reyner vorscreven bekande dat em vull ende all is betalt, soe to
verstaene woe wall dyt vorscreven holt lant ende venne vorgenoemd mytten egendoem des slotes als vorscreven is hondert
offte anderhallff hondert beter is offte mer dat heefft Reyner vorgenoemd puerliken umme Godes wyllen
gegeven den convente vorgenoemd, soe als dar syns saligen vaders begeert ende lateste wylle gewest is als he selven
vor ons bekande, sunder argelist. Dat orkunde wy myt onsen stadt segell. Ghegeven inden jaer ons
heren dusent vierhondert vyffendetnegentich des maendages vor sunte Agneten dage virginis doe Gharmet Alle-
ma, Eppe Allema, Herman Lewe ende Johan Scaffer Borgermeistere waeren onser stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	139
Regestnr.	837
Olim	Arch. Klooster Essen, inv.nr. 9, reg. 108. Reg. Feith 1495.37.
Jahr	1495
Datumcode	LaAgneti

x

x

x

Material	perkament

x