Johan Scaffer, ambtman van Zelwert, oorkondt dat Dirick Engelberts heeft verkocht en bij stoklegging overgedragen aan Sycko Boelens een jaarlijkse rente, groot zes arnhemse guldens, gaande uit Diricks goederen in het kerspel Engelbert, welke rente afgekocht kan worden met honderd guldens de zes guldens.

Ic Johan scaffer amptman indertijt des gherychtes van Zelwert bekenne ende betuge myt dessen openen breve dat voir mij is gekomen
Dirick Engelberts ende bekande voir em ende synen erffgenamen dat hij hevet vercoft upgedragen ende overgegeven droech up ende gaff
over in cracht desses breves Sycko Boelens ende synen erffgenamen Sess aernemss gulden jairlycker Renten Teyn gronynger
stuvers voir den gulden gherekent offte sess gronynger placken voirden stuver jairlickes to betalen to sunte Johannes daghe toe
mydsomer scadeloes gelt, toe boeren ende to manen uut alle Dirickes voirs. guederen myt huus, hoff, landt, sandt ende alle syne toe be-
horen. Soe als hee dat inden kerspele to Engelbert lyggende heft, nyet daer van uutgescheyden vrij ende quyt erfflick ende ewelick
toe bruuken ende to besytten ende vry to waren voir ene somme geldes die Dirick voirs. bekande dat em vull ende all is betaelt. Hyr is
toe gesproken dat Dirick voirs. ofte syn erffgenamen desse voirs. Sess aernems gulden Rente moegen weder aff vrij ende quyt koepen
tot alle sunte Johannes daghe to mydtsomer, myt hondert aernems gulden ofte myt vijfftich aernems gulden, dree gulden Renten
voirs. payments ende mytter voller Renten. Ende hyr van heft Dirick Engelberts voyr em ende synen erffgenamen Sycko Boelens
ende synen erffgenamen den stock van gelecht als een landtrecht is inden gerychte van Selwert alse voirden bueren toe Engelbert hijr
nae bescreven, alse voir Allert Fockens, Goessen Heynema, Wyllem Kuper, Allert Brannens, Eede Syens, Albert Heynema, Arys Bert-
holtes ende meer goeder mannen ghenoech als Dirick Engelberts des in allent voir mij bekande, sonder alle argelyst. Des tot enen Oir-
konde, hebbe Ick Johan Scaffer als een amptman voirgenoemd myn Seghell an dessen breeff gehangen. Gegeven inden jaer ons heren duu-
sent vyffhondert des vrydaghes voir sunte Andreas dach apostel.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	394
Regestnr.	882
Olim	Arch. Olde Convent, inv.nr. 33, reg. 84. Reg. Feith 1500.44.
Jahr	1500
Datumcode	VaAndree

x

x

Kommentar	Met het zegel van Johan Scaffer

x

Material	perkament