Burgemeesters en raad te Groeningen verklaren dat de gebroeders Heynke, Reyner en Algher hebben verkocht en ssovergedragen aan Christianus, abt van het convent te Selwert, een gras land te Dorquart in de Cleywerderheert, in het noorden door een maar gescheiden van het land van het genoemde convent, voorts dat zij ingevolge testamentaire beschikking van hun vader Pape overgedragen hebben aan de abt Cristianus een gras land naast het bovenbedoelde gras in dezelfde "Maervenne", voor een eeuwige gedachtenis van hun vader.

Wy Borgemeystere ende Raed in Groeningen betughen myt dessen
openen breve dat voer ons sint ghecomen Heynke, Reyner ende Algher toe Cleywert
ghebroders ende becanden voer em ende oren erffgenamen dat sie hebn vercoft, opghedragen
ende overghegheven den weerdigen heren Cristiano abd des convents toe Selwert
toe behoef des selven conventes ende oren naecoemlinghen een gras landes ghele-
ghen toe Dorquart in Cleywerder heert daer dat convents lant van Selwert
voerscreven naest by licht op die noerder zijd daer een maer tusschen gheet daer die van
Adewert naest by der zxwette liggen op die zuder zijd ende die voerscreven ghebroeders
opt wester eynde vry ende quijt erflick ende ewelick toe bruken ende toe besitten ende
vry erfliken toe waren voer een summe gheldes die Heynke, Reyner ende Algher
voerscreven becanden dat em vul ende al is betaelt. Item, soe hebn oeck die voerscreven ghebroe-
ders voer em ende oren erfgenamen voer ons bekant dat sie in achtervolch des testamen-
tes ende uuterste wille salighen Papen toe Cleywerts hoers vaders hebn op ghedra-
ghen ende overgegeven heren Cristiano den abt voerscreven toe behoef des voergenoemde
convents noch een ander gras landse naest by den vorscreven grase landes gheleghen
in die sleve venne die Maervenn ghehieten toe een ewiger ghedachtenisse
dattet vorscreven convent horen saligen vader voergenoemd in oren ghebeden daer voer
ghedachtich sullen wesen ende voer sijne salicheit truwelike bidden sonder
argelist. Dat orkunde wy myt onse stad seghel. Ghegeven in den iaer ons heren
dusent vijfhondert ende twe des wondesdach voer Sunte Agnieten dach doe
Hermen Leeu, Johan Scaffer, Ludeken Hoerneken, Coert Coenrades borgemeyster
weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 028r
Regestnr.	891
Olim	Arch. Klooster Selwerd, inv.nr. 1, reg. 446.
Jahr	1502
Datumcode	EaAgneti

x

x

Material	perkament