Berent Coenrades, ambtman van het gericht van Selwert, oorkondt dat Henrick Ulger heeft verkocht aan het convent van Selwert een jaarlijkse rente, groot elf overlandse gouden rijnse guldens, gaande uit een stuk land in het kerspel van Noertdijck, Noerder Venne genaamd, begrensd aan de westzijde door de Waterloese, welke rente te allen tijde kan worden afgekocht.

Ick Berent Coenrades amptman In der tyt gherichtes van Selwert Beken-
ne unde Betuge mit dessen openen breve Dat vor ons is gecomen Henrick Ulger
unde becande voer em unde synen erffgenamen Dat hie hevet vercofft opgedragen unde
overgegeven Droech opp unde gaff over in crafft desses breves den convente unde
cloester van Selwert by onser Stad tot behoeff den convente vorscr. unde oren na
comelingen conventes kinderen aldaer elven golden overlandsche rijnsche gulde-
nen iaerliker unde erffliker renten offte payments vor den golt gulden to be (sic)
to betalen mit anderen gueden golde to boren unde to manen Jaerlix to vrymarckt
rait een stucke landes gelegen in den kerspel toe Noertdyck unde is gehieten die
Noerder venne der naest by der zwette licht der monnick land van Werphum
an die noerder zyd unde ionge Ulgers land an die zuder zyd streckende mit dat
wester einde op die waterloese unde mit dat oestereinde an Hinrick Ulgersland
vry unde quijt erffliken unde eweliken to broken unde to besitten unde vry kommet
loes daer uut to waren Voer een summe geldes die Hinrick Ulger vorscr. offte
sijne erffgenamen desse vorscr. elven golt gulden Rente moeghen weder aff vrij unde
quyt copen to alien vrymarckt is wanneer em des genoeget mit hondert
golden overlandsche rynsch gulden unde Dre unde tachtentich Offte payment
vor den golden gulden to betalen mit anderen gueden golde unde mitter voller
Rente die verschenen rente by den principael unde hyr hevet van Hinrick Ul-
ger vor em unde synen erffgenamen den convente vorscr. unde oren nacomelingen con-
vents kinderen al daer den Stock van gelecht als een landrecht is in dem
gherichte van Selwert Als vor den buren to Noertdyck hyr na beschreven als
Peter Sicking Lulef Conrades Herman Giant Johan die Make Jacob Hille-
brants Loech Hornken Johan Hornken unde meer guder mannen genoech
sender alle argelist Des to enen orconde heb ick Berent Coenerts als een ampt
man vorgen. mynen zegel beneden an dessen breef gehangen gegeven in
den iaer ons heren Dusent vyfhundert unde vier op sunte Jorgens avent martiris.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 091r
Regestnr.	921
Olim	Arch. Klooster Selwerd, inv.nr. 1, reg. 458.
Jahr	1504
Datumcode	vGeorgi

x

x

Material	perkament