Burgemeesters en raad te Groningen verklaren dat Roloff Fredericks, de "scroder", heeft gehuurd van Luloff Conrades, Ludeke Rolteman, voormond, en de voogden van Elleke Roltemans een stuk land, breed twee roeden, gelegen buiten de Poelpoerte aan het Schutendeep, strekkende westwaarts tot de straat, voor de tijd van 45 jaar en voor een jaarlijkse huur van twaalf arnhemse guldens.

Wy Borgermeistere ende Raed in Groningen betugen mit dessen openen breve dat voer ons is ghekomen Roloff Fredricks de scroder ende bekan-
de voer em ende sinen erffghenamen dat he hevet ghehuert van Lulloff Conrades voer em ende sinen erffghenamen Ludeken Rolteman als een
voermont mitten vogheden toe Elleken Roltemans voer em ende van wegen des kindes vorscreven ende sinen erffghenamen een stucke lan-
des twe roden breet gelegen buten Poelpoerte upt Schutendeep dat Johan Hissens plach inde huere to hebben streckende oestwert
an Lulloffs ende de voermont ende vogheden voerscreven ander lant ende westwert an de strate vry ende quyd toe bruken vyffende-
veertich jaer langk to santghange naestkomende angaende des jaers voer twaelff arnemsen ghulden teyn onser stadt
stuvers offte vyffteyn onser stat krumsterte als in tyd der betalinghe ghanck ende ghave is in onser stad voer elken gulden
gherekent jaerlix to boeren als stad recht is. Ende weert sake dat sodane tymmer als up den voerscreven landt getymmert wordt
uut doen heten des Rades offbrande offt anders affghebroken worde, so solen de vorscreven jaermalen uut ende to neet wesen
sunder arghelist. Dat orkonde wy mit onsen stad seghel. Ghegeven inden jaere ons heren dusent vyffhundert ende sesse des
donredaghes na sunte Johannes dach voer der latynschen poerten do Johan Scaffer, Ludeken Hoerneken, Johan Wol-
drinck ende Peter Sickinghe Borgermeistere waeren onser stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	131
Regestnr.	931
Olim	Arch. Klooster Essen, inv.nr. 12, reg. 115. Reg. Feith 1506.25.
Jahr	1506
Datumcode	JpJohaPL

x

x

Material	perkament

x