Popka Henricks en zijn vrouw Tiarck, woonachtig te Bafftlo, verklaren te hebben geruild met abt Robertus en zijn convent te Zelwert anderhalf juk land op Baffelder valge tussen land van het genoemde convent, tegen anderhalf juk land, welke verklaring bezegeld wordt door Jacob, kerkheer en vicepersona te Baffelt.

Ick Popka Henrickssoen ende Tiarck echte lude wonende in den karspel toe
Bafftlo bekennen ende betughen in deser serift woe dane wys wi hebn ghedaen
een wislinge van lande myt' den eersamen ende tuchtigen heren Robertum abd
toe Zelvert unde mit sijnen convente alsoe dat die wislinge is ghescheen ander-
half iuck Voer ander half iuck gheleghen op Baffelder valge welker ander-
half iuck dat die van Selwert hebn van Popken vorscr, ontfangen is dat conven-
te an beyden syden gheleghen ter zwette unde die anderhalf iuck dat Popka
hevet ontfangen is Albert Coster op die wester zyd ende Popka voerscr. op die
oester zyde by gheleghen ter zwette Dese wisselinge vorscr. sal staen ewelick
ende erflick sender alle argelist soe synnen hijr by ende over ghewest tughes luden
als Lubbert Goytiens unde Albert Wyers wonende toe Bafftlo om die waerheit
hyr mede van toe ontholden Toe mere vestenisse des brieves soe heb wy perten
voerscr. ghebeden den eersamen meyster Jacob kercheer ende vice persoen toe
Baffelt desen brieff over ons toe bezeghelen ende ick Jacobus cureet vorscr. om
bede wille der parten myn rechten inzegel an desen brief heb ghehangen
In den iaer ons heren duusent vyfhondert ende ses des dages nae Sunte Johanes (sic)
baptisten toe midsomer.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 012v
Regestnr.	932
Olim	Arch. Klooster Selwerd, inv.nr. 1, reg. 466.
Jahr	1506
Datumcode	cNatJoh

x

x

Material	perkament