Burgemeesters en raad te Groningen verklaren dat Warner van Sutfen, prior, Gheert Sanger, meester in de heilige schrift, en Jacob, procurator, voor de gemene broeders van het convent ten Jacopinen ter ene zijde, en Hylbrant Barols, Joest Berendessoene de kramer en Grete Knyppinges ter andere zijde, een scheiding gemaakt hebben van landen buiten Botteringepoerte.

Wij borgermestere ende raed in Groningen betugen mit dessen openen breve dat vor ons sint ghekomeri broder Warner van
Sutfen prior, mester Gheert Sangher, mester in der Hilligher Scrifft, broder Jacob, procurator des convents ten Jacopinen
prediker orden in onser stad, vor hem ende van weghen der ghemenen broders des vorscr. convents ende hoere nako-
melinghen, Hylbrant Barols, Joest Berendes soene de Kremer ende Grete Knyppinges voer hera ende hoeren erffgenamen
ende bekanden samptlike dat se leeffliken rnit malkanderen sodane land hyrna bescreven hebben ghescheiden
erffliken ende eweliken. In den eersten sal dat convent vorgen. hebben ende beholden erffliken ende eweliken twe ac-
keren landes gelegen buten Botteringepoerte an de westersijd van der straten daer Wybrant Yacobs naest
bij ter swette licht an de sudersijd. Bet sal 't convent vorg. hebben een kamp landes buten de selve poerte ghe-
leghen, daer Roloff Wybens noertwert bij ter swette licht ende Beyummer wech up de sudersijd. Item Joest
Kremer vorg, sal hebben ende beholden erffliken ende eweliken een stucke landes buten Botteringepoerte
an de westerzijd van der straten geleghen, daer Gheert Olyslagher ende Hermen van Stheenwick nu ter tijt
up wonen ende van Joest vors. ghepachtet hebben, streckende suetwert an de lynde ende westwert achter
an den wech. Item Grete Knyppinghes sal hebben ende beholden erffliken ende eweliken, erffliken ende eweliken [sic!]
ende ter scheidinghe is ghevallen een stucke landes buten Botteringhepoerte an de westersijd van der
straten ghelegen, daer Wybrant. Yacobs naest bij ter swette licht aen de nordersijd ende Joest vors. an de
zudersijd. Item Hylbrant Barols sal hebben ende beholden erffliken ende eweliken ende ter sceidinge is gevallen
een kamp landes buten Botteringepoerte an de westerzijd van der straten gelegen, geheten Sickumma camp,
daer Peter Knokenhouwer naest bij ter swette licht up de westersijd ende een wech up de nordersijd
ende een wech up de sudersijd erffliken ende eweliken elk dat sine to bruken ende to besitten, so elk dat ter scey-
dinge is ghevallen als voers. is. des sal elk sodane renten up sick nemen ende betalen als up de vorg. lande steet
dat elck ter scheidinge is ghevallen als men mit seghel ende breve ende anders rechte bewisen kan. Sunder arghelist.
Dat orkonde wij mit onser stad seghel. Ghegeven in den yare ons Heren dusent vijffhundert ende teyne, des won-
desdaghes vor Sunte Peter ende Pawels dach apostolorum, do Herman Lewe, Johan Schaffer, Peter Sickinghe
ende Luloff Conrades borgermestere waren onser stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	419
Regestnr.	955
Olim	Arch. Jacobijnenconvent, inv.nr. 7, reg. 7. Reg. Feith 1510.2.
Jahr	1510
Datumcode	EaPetPau

x

x

x

Material	perkament