Andreas, keldermeester van Trymonte, verklaart te hebben verkocht, met toestemming van het convent en van Elbartus, abt te Aedwerth, aan Albert Hinricks, meier op de Torne, ten behoeve van Jacob, het kind van diens overleden dochter Lysbet, een jaarlijkse rente, groot vier gouden rijnse guldens, in te houden op de huur voor het erf op de Torne, welke rente binnen vier jaar afgekocht kan worden met 67 rijnse guldens, welke verklaring bezegeld wordt door genoemde Elbertus.

Ick Andreas indertyt kelner toe Trymonte be-
kenne ende betughe myt dessen openen breve voer my ende
mynen nacomelinghe dat ick myt consent des con-
ventes lude ende myt orleff onses eerweerdigen heren
heer Elbartus abt in Aedwerth onses oversten hebbe
vercofft ende overgedragen Albert Hinricks des
voerschreve meyer op die Torne tot behoeff selige
Lysbet Albert voerschreven dochter kint Jacob gehie-
ten offte des kindes erffghenamen vier golden ryns gulden
jaerliker renten eerfflike offte payment dat daer
goet voer is voer datum des breves ghemuntet toe boren
offte inthoholden van de huer uut dat erve opt die
Torne toe sunte Micheel ende uut toe manen met wat
recht Albert voerscreven van des kindes weghen best
belevet sonder des kyndes schade uutte waren ende
oick synt voerworden dat men desse voerschreven
renten vier Rynsgulden sal ende mach off lossen nae vier
jaren datum des breves myt seven ende sesticht (sic)
enkelde rynsgulden offte payment dat daer goet
voer is myt de vuller renten. Ende waert sake dat
men dat nyet en dede so mach Albert voerscreven of den
kelner in der tyt toe Trymonte daer toe dwynghen
mijt wat recht hem best belevet. Ende want ick
Andreas kelner noch dat convent van Trymonte
nu ter tyt gheen seghel en bruke soe heb ick gebeden
onsen eerweerdigen heren heer Elbertus abt tho
Aedwerth onsen oversten dessen breeff toe beseghelen
dat die eerweerdige heer ende abt voerscreven hefft
ghedaen om mynen beden willen ende syns abts groe-
te seghel beneden an dessen breeff gehangen int jaer
ons heren dusent vyffhondert ende elve up sunte Ca-
lixtusdach pawes ende marteler.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	91
Regestnr.	961
Olim	Arch. Klooster Trimunt, inv.nr. 20, reg. 17. Reg. Feith 1504.51.
Jahr	1511
Datumcode	Calixt

x

x

x

Material	papier

x