Reynt Eppens en zijn vrouw Seerdt, woonachtig te Schiltwolde, verklaren een landruil aangegaan te hebben met commandeur Clawes, prior Johan van Renen, heer Geert van den Dam en de priesters en conventualen te Oesterwerum, waarbij de commanderij 2 1/2 akkers land krijgt die eertijds door commandeur Eppo zijn verkocht, waarvan de akte in bezit is van Reynt Eppens, en waarbij Reynt en Seerdt krijgen een halve akker land, welke beide stukken land deel uit maken van drie akkers land, strekkende van de Schilt in het noorden tot het maar in het zuiden.

Ick Reynt Eppens ende Seerdt myn echte huesfrou wonachtich tho schiltwolde betughen ende eerkonden myt dessen openen besegelden
breve voer uns ende unse erfgenaemen dat wy hebben gedaen een ewich lantwessel myt den Ersamen heren Clawes commelduer heer
Johan van Renen prior heer Geert van den Dam ende voertpreesteren ende gemene conventualen tho Oesterwerum sunte Johannes orden myt
holt ende lande geleghen in den kerpsel vorscr.Alze dre ackerende streckende uuthwert int noerden inden schilt ende upwart int suden
indat meer welck dardehalf acker hyr van heft verkoeft heer Eppe in voertyden commelduer van den schylt suedwert up
over deb heer wech totten pade ende vorde nycht daer ic Reynt vorscr. van heb segel unde breve de convent. vorscr. Ende so swette ic
Reynt vorscr. myt enen halven acker landen welck halve acker syck strecket myt kluften ofte syren manck des convents
dardehalf acker boven de paede voer welck land kluften ofte syren hebben heer Clwawes commelduer ende convente vorscr.
gegeven my Reynt ende myne erfgenaemen al dat lant ende holt dat den convente nocht to haerde int suden boven den paede strec-
kende upwarts an de zwette dwars doer den dre ackeren gegraven getekent my enen vlynt ende vorder nycht
Also dat de dre ackers lant holt ende veen geleghen boven den steen oft dwars ghegraven zwette streckende [sic] suedwart
int meer solen to komen en holden de commelduer ende convente vorscr. ewelick ende erflick by welcke dre ackers zwette
ick Reynt Eppens sulven up de oester syd boven myn hues Ende Tamme Atekens to sydebueren up de wester sydt zwette
Behelden wy Reynt ende mijne erfgenaemen de seste part veens boven dat holt up de wester syd geelghen Des weder umme
weder sa lick Reynt ende myne erfgenaemen hebben al dat noertward strecket in den schilt van den dre ackeren angaende
van de vorscr. dwars gegraven zwette of steen in maneren vorscr. ewelick ende erflick sunder alle archelist beholtlick den
commeller ende convente vorscr. of wen van hoeren weghen enen vryen inwech van den heer wech doer myn Reynts lant
tot des convents holt oft lant unbespeert in ende uuth to varen ofte tho dryven welck heer wech oft in wech sal ick
Reynt ende myn erfgenaemen holden ende macken buten des convents scaden ofte to doen na vormeldinge des breves van heer
Eppen vorscr. tot ewyghen tyden Item scotende schulde solen dese vorscr. parten myt malkanderen ytlick nae groetheit
ofte lancheyt syne landes betaelen hyr hebben by an ende over gewest makelers ende tugesluede Eppo Bais-
kens to fermsum ende tijs tapper to sydebueren In ene oerkunde desser waerheit heb wy Reynt ende seerdt ende erfgenaemen
gebeeden den geesteliken heren heer boldewyn unsen kercheren dyt over uns to besegelen welck ick heer
boldewyn um bede wylle myner kerspellude vorscr. hebbe gedaen ghgeven int jaer unses heren dusent
vijfhundert ende sesteyn up aller apostolen dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	221
Regestnr.	972
Olim	Arch. Klooster Oosterwierum, inv.nr. 3, reg. 22. Reg. Feith 1516.30.
Jahr	1516
Datumcode	DivApo

x

x

Kommentar	Met het zegel van Boldewijn, kerkheer te Schildwolde

x

Material	perkament