Burgemeesters en raad te Groningen verklaren dat Lamme van Eest heeft verkocht aan Peter Sickinge een jaarlijkse rente, groot een mud rogge, gaande uit Hovinge-erve te Ees en uit ander goed waar ook gelegen, welke rente afgekocht kan worden met twintig arnhemse guldens.

Wij Borgemesteren ende Raidt in Groningen betuegen mit desen openen breve dat voir ons is gekomen Lamme van
Eest ende bekande voir hoer ende hoeren erfgenamen dat se heft vorcoft, upgedragen ende avergegeven den erssamen Peter
Sickinge ende sinen erfgenamen een mudde guede winterroggen iairlike rente jairlix vry scadelos up sunte Agneten
avonde in Groningen in syn hues to leveren ende tbetalen tho boeren ende to manen uuth Hovinge erve to Ees ende
voert aver all oer ander guet oick wair dat gelegen is wair Peter vorscreven oft syn erfgenamen des best belevet vry ende
quijt erfliken ende eweliken to brueken ende tbesitten ende vry dair uut to waren voer ene summe geldes de Lamme vorscreven be-
kande oer vul ende al is betaelt. Hyr is togesproeken dat Lamme vorscreven oft oer erfgenamen desse vorscreven renten all tyt wan-
neer hem des genoeget moegen weder aff vry ende quyt kopen myt twintich arnsen gulden tyn onser stadt
stuvers voir datum sbreves gemuntet oft payment dat dair guet voir is voir elcken gulden gerekent ende mitter
vuller enten sunder argelist. Dat orkunden wy myt onser stadt segell. gegeven inden iare onses heren dusent vyff
hundert ende twe ende twintich donrdages voir sunte Agneten dage do Coert Coenrades, Roloff Huynge, Lubbert Clant
ende Clawes Scaffer borgermester weren onser stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	107
Regestnr.	998
Olim	Arch. Klooster Essen, inv.nr. 2, reg. 120. Reg. Feith 1522.22.
Jahr	1522
Datumcode	JaAgneti

x

x

Kommentar	Met het stadszegel

x

Material	perkament

x