Ludolff Coenrades en zijn vrouw Hermen verklaren dat zij geschonken hebben aan het convent te Essen een erf binnen Groningen aan het Scutendeep, begrensd aan de noordzijde door een gemene gang en aan de westzijde door de gemene straat en het Scutendeep, nu in huur bij Roleff Scroer, als prebende voor hun dochter Hille Coenrades.

Ick Ludolff Coenrades ende Hermen myn echte huesfrouwe bekenne ende doe kundt myt desen openen
breve dat wy gans puerlike ende alheell geven in cracht sbreves den convente to Essen myt
onsen dochter Juffer Hillen Coenrades een stucke arves gelegen binnen Groningen upt Scuten deep
so als Roleff Scroer dat nu in de huere ende in de pacht hevet dair een gemene ganck ant noerden
naest bygelegen is ende Luloff ende Hermen vorscreven ant oesten ende de fratres binnen Groningen ant zueden
ende de gemene strate ende dat Scutendeep ant westen naest by gezwettet synnen alse voir een
cloester proeven tot ewigen dagen vry to besitten ende to gebrueken ende oeren vryen willen dair
mede to doene. Hyr mede sollen Hille ende dat convent vorscreven tot ewigen dagen afgesceyden wesen
van unsen guederen dair tot genen tyden meer ansprake up thebben ofte tbeholden. In orkunde
der wairheit so hebbe ick Luloff vorscreven myn segell beneden an dessen breeff gehangen inden iare onses
heren dusent vyffhundert ende dre ende twintich maendages inden hilligen pinxter.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	131
Regestnr.	1005
Olim	Arch. Klooster Essen, inv.nr. 12, reg. 122. Reg. Feith 1523.20.
Jahr	1523
Datumcode	LpPentec

x

x

x

Material	perkament

x