Johan Husinge en zijn vrouw Meme, woonachtig te Ees, verklaren te hebben verkocht en bij stoklegging overgedragen aan Johan Enynghe, de bakker in hun straat, een jaarlijkse rente, groot 4 1/2 mudden rogge, gaande uit al hun goederen in de marke van Ees onder de klokslag van Borger, welke rente afgekocht kan worden met vijftig arnhemse groninger guldens.

Ick Johan Husinge to Ees mit Meme myn echte husfrou kennen ende betugen mit dessen openen besegelden breve dat wy ver-
coft hebben mit vrien moet willen vor ons ende onse rechte erfgenamen Johan Eenynghe den backer in Haer strate of sinen
rechten erfgenamen vijftehalf mudde roggen jars al jare to allen meye to betalen ut ende over al onse gueden ende erve als wi
de hebben liggen inder merken to Ees ende onder clocken slach to Borger ende in syn hues to leveren, tbetalen gueden druegen schonen mar-
ket roggen buten synen scaden. Item, so heb ic Johan verscreven Johan Enynge den stock gelecht van desse vyfte halff mudde roggen jars
als lantrecht is inden lande van Drenthe vor erfachtige buren in Ees als bi namen Tyman Olcikynge ende Herman Ghermynge
mer guder manne genoch. Item, mit vorworden so is bescheet dat Jan Husynge off sinen rechte erfgenamen mogen desse vyfte 1/2 mu-
dde roggen wer offlossen na twen jaren na datum sbreeffs to twen terminen to elker tyt mit vyfftich arns gronninc gulden
als dan gelt gange is inder tyt off losse inder stat Groningen off inden lande van Drente den gulden to betalen ende de fulle renthe bij den
gelde als lant recht is ende willen em desse verscreven rente unledich ende loes leveren ende waren rechte warscap doen vor al de ghe-
ne de des to rechte komen willen, sunder al argelyst. In orkunde tuch der warheit so heb ic Johan Husynge mit myn husfrou gebeden
den eersamen Lambert Heymynghe dessen breeff over ons ende onse rechte erfgenamen to besegelen, want wi selven geen segel en bruken des
ic Lambert verscreven geerne gedaen heb omme bede willen desser gueder lude verscreven ende omme leefte warheit so hebbe ick minen segel
beneden an dessen breff gehangen. Gegeven inden iare ons heren XV^c ende XXVI^o op sancte Philyppy ende Jacoby apostolorum.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	113
Regestnr.	1014
Olim	Arch. Klooster Essen, inv.nr. 2, reg. 123. Reg. Feith 1526.26.
Jahr	1526
Datumcode	PhiJac

x

x

x

Material	perkament

x