Johan Schatter, Sicke Alertz, Johan Evertz en Henric Schriver verklaren dat zij een landruil hebben bewerkstelligd tussen het convent van Essen en Cornelius Suynges, waarbij Cornelius zes roeden veenland in het kerspel en onder de klokslag van Wolde krijgt en het convent zes roeden veenland, eveneens daar gelegen, en twintig emder guldens.

Wy Johan Schatter, Sicke Alertz, Johan Evertz ende Henrick Schriver bekennen ende belyen in dessen breve woe dat wy steede ende vast in een e-
wijch arffwissell hebben gemaket tusschen den convente van Essen ende Cornelius Suynges myt syne adherenten als veen landt voer veen landt
gelegen inden karspell ende onder de klocken van Wolde welck desse parthen an ons seggesluden handen hebben angenomen ende syck over-
gegeven steede ende vast tot ewigen dagen onverbrokelick to holden in voerwaerden ende maneren hyr na beschreven alsoe dat de van
Essen sullen hebben ende beholden, ewelick ende arfflick, sodane sees roeden veen landes offte daer umme trent so de Cornelius voerscreven
de liggen hefft tusschen de geestlicke mageden landt ende Esser landt boven ende beneden so groijt ende kleyn als Cornelius de aldaer
liggen hefft mijt voerwaerden dat de van Essen sullen meede gebruyken Kost Verloren horen torff daer meede up to setten offte hoer
meyers ende den sloet to gebruyken in ende uuth gelijck anderen doen. Hyr een tegens sullen oyck hebben ende beholden Cor-
nelius Suynges myt syne adherenten ewelick ende arfflick sodane sees roeden veen landes so als de van Essen de oijck liggen
hebben tusschen den pastoers to Wolde syn veen landt ende Ate Harmens veen landt oyck boven ende beneden so groijt ende
kleyn als de van Essen de oijck aldaer ligghen hebben. Ende wes de maethe hyr van mach groter syn als Cornelius mate
voer de verbetersschup sall Cornelius noch to geven de van Essen vrij schadeloes gelt myt syn adherenten twyntich emder
guldens de helffte to betalen up tokomende sunte Jacob, dander helffte up sunte Merthen daer na naestkomende dyt in allent sunder
argelist. Ende tot merer vestenisse van dessen hebbe yck Johan Schatter voergeroert myn segel beneden an dessen breeff gehangen
inden yare ons heren van viffthynhondert ende viff ende vertich upten darden dach vander maent martius.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	147
Regestnr.	1056
Olim	Arch. Klooster Essen, inv.nr. 9, reg. 126. Reg. Feith 1545.29.
Jahr	1545
Datumcode	0303

x

x

x

Material	perkament

x