Menolt Ompteda oorkondt een landruil aangegaan te hebben met Wolter Gherardi en de conventslieden van Wijtwert, waarbij het klooster gekregen heeft twee vennen land te Usquart, samen elf jukken groot, grenzende ten westen aan de weg, uitgezonderd de dijken die bij de Bywinga-heerd blijven, en waarbij Menolt gekregen heeft enig land, zoals vermeld in de akte die hij van het klooster gekregen heeft, eveneens uitgezonderd de dijken.

Menolt Ompteda bekenne unde bethuge vormydts dessen mynen opene bezegelden breve voer my ende mynen arffgenamen
woe dat ick hebbe ghedaen ende ghemaket enen vryen ewygen ende arfflycken landt wyssel myt den Werdigen
ende religiosen heren, heer Wolter Gherardi Commenduer tho wytwert ende synen Conventes lueden ende horen nakoeme-
lyngen stede ende vaste in maneren nae beschreven. All soe dat de werdige heer tot profyt des Conventes sall hebben
arfflycken ende ewelycken van my Menolt Ompteda vorg. twe vennen landes toe saemen van elven Jucken groet tho-
wesende gelegen Int westen van wytwerdt cloester aff, ende des selven Conventes landt int Noerden ende oesten van gheswet
tet is. Joncker Haye van Westerwolt als Gheridt Peters landt herscop upt zuyden, ende de van Rottum int westen
van de vorg. elven Juncken gelandet, vry ende verdich ewelick unde arfflick myt den wech de nae de elven Jucken
gheet, toe bruken, toe vorhueren, toe vorwysselen, toe vorcopen den Convente vorg. hoeren vryen wyllen daer mede
tho doen, sunder inseggen myns ende myner arffgenamen uuth benoempt de dyken de up de vorg. elven Jucken mogen
vallen, sullen blyven by mynen heert landes toe Usquart bywinga ghenoempt, soe de dyken oeck by dat Convent
vorg. sullen blyven de up de landen mogen vallen, de ick int wyssel van den Convente weder hebbe nae vormelt
des Conventes breff ende zegel ende weder scheet de ick Menolt vorg. van den Commenduer ende Convente vorg. ontfangen
hebbe ende my wall angenoeget, loeve ick Menolt vorg. oeck den Commenduer ende Convente vorg. ende hoeren nae
koemelingen de elven Jucken vorg. vry tho waeren vor alle ansprake de daer up koemen mochten Sunder
argelyst unde nye vunde affgesacht de dussen breff hinderen off sscaden mochten unde de tot merder orkunde
unde bevestenysse der waerheyt soe hebbe ick Menolt Ompteda vorm y unde mynen arffgenamen myn
egen angeboren zegule beneden an dessen breff gehangen In den Jaere ons heren dusent vyff hundert
unde vyfftich des donderdages nae Inventionis sancte crucis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	287
Regestnr.	1066
Olim	Arch. Klooster Wijtwerd, inv.nr. 19, reg. 151. Reg. Feith 1550.62.
Jahr	1550
Datumcode	JpInvCru

x

x

Kommentar	Met het zegel van Menolt Ompteda

x

Material	perkament