Burgemeesters en raad te Groeninghen verklaren dat Hille Tichgelers heeft verkocht aan Thomas Albarse, prior ten Jacopinen, zes gelderse rijder guldens rente, gaande uit twee huizen aan de zuidzijde van de Visscherstrate en twee en half huis daarachter gelegen, die zij gekocht heeft van het convent.

Wy Borghermesteren ende Raedt yn Groeninghen betueghen myt desen openen breve dat vor uns ys ghekomen Hille
Tichgelers ende bekande vor1 hoer ende hoeren arffgenamen dat se hefft vorkofft upghedragiien ende overgegeven;. den
religiosen broder Thomas Albarti prior ten Jacopinen bynnen unser Stadt tot behoeff des selven convents
ende hoeren nakomelynghen ses ghode gholden Geldersche Rider ghulden jairliker ende ewyger pacht
dartich unser Stadt stuver vor datum sbreves ghemuntet offte payment datter ghuedt vor ys vor elcken
ghulden gherekent jaerlixs tho boeren ende manen als een Stadt recht ys uuth Hillen vorgen. twe kae-
mers gheleghen ande zuyder suydt yn Visscher straten myt dardehelff kamer daer achter de se nu van
don prior ende convents vorgen. ghekofft hefft daer Tetske Entens upt oesten ende Johan Lambartsoen upt
westen naast an gheswettet synt vry eweliken de vors. pacht daer uuth tho waren vor ene Summe
gheldes de Hille vorgen, bekande dat hoer vul ende all ys betaelt Sunder arghelist dat oerkunde wy
myt unser Stadt Segel Gegeven inden jaer unses Heren Dusent vyffhundert ende vifftich up avende
Bartholomei apostoli do olde Johan Hoirnken, Reyner Garmens, Johan Sickynge ende Bartolt Coen-
radis Borgermester en waren unser Stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	426
Regestnr.	1068
Olim	Arch. Jacobijnenconvent, inv.nr. 11, reg. 11. Reg. Feith 1551.4.
Jahr	1551
Datumcode	vBartho

x

x

Kommentar	Met het stadszegel

x

Material	perkament