Hoycko Manningha, hoofdeling te Pewessum, Warffum en Bargum, verklaart met toestemming van zijn vrouw Tette van Oldersheim verkocht te hebben aan heer Johannes van Bruckhusen en het convent van Wietwerdt anderhalf juk grasland in een kloosterheerd te Ranum, welk land Hoyke gekregen heeft in een landruil met Christoffer van Ewersum te Raesikquordt.

Ick Hoijcko Manningha thoe pewessum, warffum, und Bargum hoefftlingk bekenne und betuege aver-
midts dussum vorsegeldem brieve voer mij miene kinder und arffgenamen, dat ick mit vullenkomen
vulborde weten und wiellen miener elicher husfrouen, Tette vohnn Oldershim, hebbe verkoefft,
upgedragen und aevergegeven, drage up und geve oever ihn ehnen steden vasten und unverbroeken arrff-
koepe, dem wierdigen und Erentfesten hernn, hernn Johanni vohn Bruckhusen, Commendur thoe
Wietwerdt, sampt dem gantzen Convente, und Closter tho wietwerdt, tott nutte und profite des Convents
vorgen. sodanige anderhalff Juck graesen, Ihn des Cloesters voergen. heerde thoe Ranum gelegen, welcher
Merten peters inundt bewont, und ihm gebrucke hefft, aller mache so ick dat vorgen. landt, van dem Erent-
festen und Erbaren Christoffer vahn Ewessum tho Raesckqwordt, mit anderen landen gewesselt hebbe, vrije end ledich
vahn aller anspraeke, und naherkoep der frunden, vermoge und lude brieve und segell ich vahn Christoffel vahnn
Ewessum vorgen. daerup ontfangen. Und stelle dat sulvige landt ihn des Commenthurs und Convents vorgen. handt
und gewalt vrij und qwiedt, erfflichen und ewelichen thoe gebruecken, vrij und verdich, allen hoehren vrijen willen
darmet thoe dondt, edt sie danne sulvest thoe gebruecken tho verhusen, versetten, verwesse-len, ader tho verkoepen,
so dem Convente vorgen. und ehrenn nahekomlingen des best gelevet und stande mochte, vohn allens nicht uthgenoemen. Belove
ick Hoijcko Manningha vorgen. ader miene arrffgenamen nahe dat vahn dussen, kene anspraeke mehr dar up tho hebben, noch
beholden, ock niemandts anders, danne ihn allens wo vorgen. vrij und verdich tho leveren, und tho waren, und allen schaden
so dat Convent vorgen. des landes halven ansprake des naherkoepes, oder anders eniger gstalt ihn thokomenden tiden lieden
mochte, deger und alle tho ontrichten. Und dat voer ehn summa vahn penningen als hundert und thwintich emder gulden tho dertich
groninger stuuver de gulden gerekent und betalt, voer datum desse breves gemuntet Welcher summa vahn penningen ick Hoijcko
Maningha vorgen. dem Wierdigen hern und samptlichen Convente, bedancke gueder bethalunge. Allent sonder arch offte list.
Tuegeslude hier bij gewest de achtbarnn, hochgelaeten, heer Jacob buntwercker pastor tho Usckqwerdt, und Johannes
kegel schriever tho pewessum, des tho urkunde der waerheit, und meher vestenisse hebbe ick Hoijcko Manningha vorgen.
mien angeboren segel beneden doen hangen, und mit egener handt undertekent Actum ihnt jaer dusent vieff-
hundert viefftich und aechte, den 22 dach martij.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	273
Regestnr.	1082
Olim	Arch. Klooster Wijtwerd, inv.nr. 13, reg. 152. Reg. Feith 1558.115.
Jahr	1558
Datumcode	2203

x

x

Kommentar	Met het zegel van Hoycko Manningha

x

Material	perkament