Het convent van Trymunt en Romme Wybrants treffen een overeenkomst over de voorwaarden waarop Romme als provenier in het convent zal worden opgenomen, waarbij door Romme aan Cecilia Benninghe, priores van het convent, 22 emder gulden zijn betaald.

Memoriael actionis inter conventum nostrum et Rombertum.
Item, gehandelt tusschent convent van Trymunt ende Romme Wybrants also
hye een steedyghe proeven yn onse convent sall hebben up sulcke mannijren
dat hye syn eyghen beddynghe mijt vyer lakens sall met brengen ende daer
nha salment hem staende holden alle yaren hem gheven twe paer schoen,
twee hemden, een elle wit wants. Des sall Romme ende heft angenomen alles
wat ynt convent noedich ys thonderholden, tho tymmeren, so wall ynt bow-
huijs all wagen, ploeghen ende eyden als alle ander tymmeragen, husen, schotten
ende schuijren. Heft daeren boven den convente thom danckberheyt ge-
schuncken vijftich embder gulden, sall oeck alle yaren den convente geven
up S. Bernardus dach een guede tunne st... byr. Nha syn doot sall all
Rommen guet, wat hye nu heft ofte anwinnen mach, het sy bynnen ofte
butent convent, watmen verhoren ofte befragen kan, ynt convent komen.
Des heft Romme den priorinne des convents als Cecilia Benninghe
op hant gegeven XXII Embder gulden. De restande penninghe sall hy
upbrenghen alsmen hem syn proeven brijeff geft. Ende off Romme byn-
nen der tydt afflyvich worde ofte oeck doch van den convente wolde
scheyden, so sall hije noch syn arffgenamen up den upgebrachte penninge
ofte verdyent looen gaer gheen anspraeck hebbe. Unde als hye ynt convent
gheen werck heft, so sall hye myt consent ofte oerloff des overste ofte regyeres des con-
vents pro tempore moeghen buten werken om syn dachhuijr tho verdyenen.
Dyt alles gehandelt up dach Ascensionis Domini anno 1577
yn bywesent van Eyse Martens ende Hyndrick Lam-
berts ende Harmen Lubberts.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	65
Regestnr.	1123
Olim	Arch. Klooster Trimunt, inv.nr. 1, reg. 35. Reg. Feith 1577.78.
Jahr	1577
Datumcode	AscDom

x

x

Material	papier

x