Margaretha van Zijrthen, abdis, Cornelia van Heslinge, priores, Lamme Avinge, kapelaanse, en de senioren en conventualen van het convent van Assen verklaren dat zij hebben verkocht aan prior Arnoldus Nylen en de conventualen van het convent ten Jacopinen in Groningen een jaarlijkse rente, groot acht mudden rogge, gaande uit hun h?is aan de westzijde van de Oosterstrate op de hoek van de Dunckerganck.

Wij Margareta van Zijrthen vrou unde abdisse, Cornelia van Heslinge priorinne,
Lamme Avinge kappelaensche, sampt senioren ende gemeene conventualen des convents van
Assen doen kundt, lyen ende betuygen mit desse opene besegelde bryeff voer uns ende
unse nakomelyngen dat wy tot mercklycke nut ende notdruft unses convents hebben verkoft
upgedragen ende overgegeven, dragen up ende geven over unde verkopen mits desen eewe-
lykes arfkopes den weerdigen walgeleerden heren Arnoldo Nylen priori ende samptlyck
conventualen des conventes Jacopinen binnen der stadt Gronningen voer hoer ende hoer
nakomelingen conventualen aldaer acht Gronninger mudden guede Drentsche winter rog
yaerlyker unde arflyker renthe alle yaren onveriaret uuth unse huijs bynnen Gronningen
staende yn dOoster strate ande westerzijdt up dye horne van Dunckers ganck daer dye Erbere
Harmen Wifferinck upt zuyden ende Roeloff Nannincks upt noerden naest an geswettet synnen
ende voerts over all unses conventrs arven ende landen tho betalen up Valentini Martyris
vry kost ende schadeloes ofte mit alle rechten in thoe vorderen uuth all unse arven, landen
ende guederen woe ende waer dye gelegen synt ofte waer dat convent van Jacopinen verscreven
dat best uuet thoe bekomen vry kummer ende schadeloes. Dyt allent voer een summa geldes
dye wy abdisse ende conventualen van Assen vull deger ende wall den lesten pennick mit
den eersten bekennen vanden upgemelten prior vant convent theo Jacopinen verscreven untfangen
hebben bedancken hoer deses gueder betalyng, loven oeck hoer dye verscreven acht mudden
roggen yaerlyker renten thoe leveren ende waren voer alle ansprake gheestlyck ofte
wartlyck. Hyer ys nochtans mede by bescheyden dat wij abdisse ende convente
van Assen ofte unse nakomelinge disse 8 mudden roggen yaerliker renthen
sullen weder aff, vry ende quydt moegen kopen alle yaren unveryaret up
Valentini mit twee hundert embder gulden ende mit dye vulle renthe (den embder gulden
tot 30 Gronninger stuvers ende den stuver tot 6 placken gerekent) ofte payment als dan
ganckber ende geve sall syn doch nit mit payment datmen korsts daer nha sall
afsetten anders dan then pryse als het na dye afsettynge sal gelden. Allent sunder
argelist. Dat oerkunden wy abdisse ende conventualen mit unse conventes
zegell witlick an desen brijeff gehangen. Gegeven yn den yaer uns heren
dusent vyfhundert ende twee ende twchtentich up dach Valentini Martyris
wesende den viertynden february.

[DORSO:] Jacopijnen acht mudde roggen holdende uet convent van Assen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	428
Regestnr.	1136
Olim	Arch. Jacobijnenconvent, inv.nr. 14, reg. 16. Reg. Feith 1582.4.
Jahr	1582
Datumcode	Valent

x

x

Kommentar	Met het conventszegel van Assen

x

Material	perkament