Lodowich Horenken, ambtman, en Goevert Everts, raadsheer, kerkvoogden van de Sunte Mertenskercke te Gronningen, verklaren verkocht te hebben aan de commanderij te Oesterwerum een begraafplaats in het hoge koor in de Mertenskercke, waarin Hyeronimus, commandeur van Oesterwerum, begraven ligt, voor de koopsom van dertig daalders.

Lodewich Horenken Ampttman, unde Goevert Everts Raedtsheer Als in der tytt
beyde voegeden tott Sunte Mertenskercke in Groningen, Bekennen voer uns unde onse na-
komelingen, vogeden tott profytt der kercken voerschreven, thoegestaen, verkofft unde
in de egendom overgedragen tho hebben, ewichliken unde arfflicken, dem Convente van
Oesterwerum unde hoeren nakomelingen, ein heerlicke gegraffenisse offte leger-
stede, in der kercken van Sunte Merten, optt hoege Choer, daer die Ehrenttrijke Juffer
Magdalena Gouda, Wegen hoer S.L. broder legerste uptt suyden, naest angeswettet
Is, daer Idt Zundtt Hijeronimus Eminga Commendator In Oesterwerum in begraven
Lichtt unde mitt des Convents Steen tho gelechtt sall worden, voer darttich daler,
Lopendes geldes gerekentt, Welche voerschreven darttich daler, wij vogeden boven
gementioniertt, mits diesen oeck bekennen van dem Conventte van Oesterwerum
entffangen tho hebben. Des mogen den voerschreven Convente unde hoeren na-
komelingen diese voerschr. begraffenisse ewelichen unde arfflicken gebruicken
verwisselen offte veralieneren besitten unde soe menichmael alst hoer believen
sall, laetten upgraven. In oerkunde der waerheitt, soe hebben wij vogeden upge-
meldt, mitt unsen handen unse Christlicke naem hieronder geshreven unde noch
tott mherer vestenisse van diesen hebbe ick Lodowich Horenken van wegen der
kercken voerschr. myn angeboren segell beneden an diesen gehangen In den Jaere
unss heeren duisentt vijffhundertt soeven ende tnegentich, den achten novembris
Lodoweig Horenken G[oever]dtt Evertts mede
als in der tijtt vogett [voge]tt in der tytt

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	223
Regestnr.	1162
Olim	Arch. Klooster Oosterwierum, inv.nr. 3, reg. 26. Reg. Feith 1597.93.
Jahr	1597
Datumcode	0811

x

x

Kommentar	Met de handtekeningen van Lodowich Horenken en Goevert Everts

x

Material	perkament