| Nummer:kta015a | Datum:21 juli 1466 | Überlieferung: | Fundstelle:Klooster Ter Apel, inv.nr. 1, fol. 007v, reg. 15 |
Eggo to Westerwolde, hovetling vorkondt, dat Jacob Wyltingh, cureet te Garrelsweer en vicarius te Loppersum, aan het convent van ter Apel heeft gegeven zijn erf te Onstwedde gelegen, Wijlting erve geheeten.
Ic Eggo to Vesterwolde hovetling bekenne und betuge in dossen openen besegelden breve dat vor my geko
men is De Ersame Her Jacob Wyltingen Cureit to Gelresswere und to Loppersum vicarius und bekande vor sich
vor syne erffgenamen und hantgetruwen dat he overgegegeven hadde und vrij verdich ute der hant mit vri
en willen und walberadeden moede vor my Eggen vorscr. over gaff vor syner zelen salic-heit und dair
he des vor begherende is Demen Ersamen und gheestliken Broder Hinrick van den Berghe priori
to Apel van orden des hilligen Cruces und den ghemenen Convente aldair und eren nako-melinghen
syn Erve to Onsswede liggende Wyltingen erve geheiten mit syner alynghen toebehoeringe so dat
dair gelegen is huys hoff lant sand heyde weyde ware schare holte torve vysscherye hoye
und in alien anderen punten so dat dair gelegen is und syne olderen van oldes to be-sitten und to bruken
plegen Oec gaff her Jacob vorscr. demen Prior und Convente und eren nakomelingen in maten so vorscr. is
al syn land he in Vreeslanden by Loppersum Gelersswere und dair umme trent gekofft und gebutet hevet
wair dat oec gelegen is und verteech vor my alles rechtes he went up data dussen breves an Wyltingen
erve und synen sementliken lande in Vreeslanden wair dat oec gelegen is gehadt hevet und hevet dat
Erve und lant so vorscr. is gelaten und overgegeven vor sich syne erven und hantgetruwen in hande en
macht und gewolt Prioris und Conventus vorecr. So dat prior und Convent vorscr. voirtan to ewigen tijden
mit Erve und land vorscr. doen mogen eren willen dat to bruken und to besitten to wenden und to keren
und to laten wo und wair se willen, und in aller maneren mede to doen, gelijck men mit vryen
doeslachtigen eygenen onbekommerden guede plege to doen buten heren Jacobs offte yum
mandes van syner
wegen besperinge offte ovelen meet Und her Jacob vorscr. lovede vor em und syne erven
und hant-
getruwen prior und Convente vorscr. des vorscr. erves und landes so vorscr. is warende to wesen und rech;
te volkomene warschop to doene in alien rechten to alien tijden vor alle de des to rech-te komen willen.
Hier hebben mede an und over geweest de dit mede hoirden vor tuchlude De Ersame her Her-
man Thesinck ten Damme vicarius und Albert Willekens to Wedde In en tuech der wairheit
aller punten vorscr. hebbe ic Eggo hovetling vorscr. myn segel beneden an dussen breff doen hanghen
Und Ic Jacobus Wyltingen vorscr. want alle punte so vorscr. is wair synt, und ic de love vor my, my-
ne erven und hantgetruwen stede vast und onverbroken to ewigen tijden to holden, hebbe ick
myn segel beneden by Joncker Eggen hovetling to Westerwolden vorscr. segel wytliken gehangen. Und
ic Hermannus Thesyngen want ic hier an und over mit Albert vorscr. geweest byn und alle articulen
und punten so vorscr. is ware synt hebbe ic myn segel vor my und Albert vorscr. mede an dussen
breeff gehangen dair ic Albert vorscr. umme gebeden hebbe umme gebreck des mijns. Datum Anno
domini millesimo quadringentesimo sexagesimosexto in profesto sancte Marie Magdalene.
men is De Ersame Her Jacob Wyltingen Cureit to Gelresswere und to Loppersum vicarius und bekande vor sich
vor syne erffgenamen und hantgetruwen dat he overgegegeven hadde und vrij verdich ute der hant mit vri
en willen und walberadeden moede vor my Eggen vorscr. over gaff vor syner zelen salic-heit und dair
he des vor begherende is Demen Ersamen und gheestliken Broder Hinrick van den Berghe priori
to Apel van orden des hilligen Cruces und den ghemenen Convente aldair und eren nako-melinghen
syn Erve to Onsswede liggende Wyltingen erve geheiten mit syner alynghen toebehoeringe so dat
dair gelegen is huys hoff lant sand heyde weyde ware schare holte torve vysscherye hoye
und in alien anderen punten so dat dair gelegen is und syne olderen van oldes to be-sitten und to bruken
plegen Oec gaff her Jacob vorscr. demen Prior und Convente und eren nakomelingen in maten so vorscr. is
al syn land he in Vreeslanden by Loppersum Gelersswere und dair umme trent gekofft und gebutet hevet
wair dat oec gelegen is und verteech vor my alles rechtes he went up data dussen breves an Wyltingen
erve und synen sementliken lande in Vreeslanden wair dat oec gelegen is gehadt hevet und hevet dat
Erve und lant so vorscr. is gelaten und overgegeven vor sich syne erven und hantgetruwen in hande en
macht und gewolt Prioris und Conventus vorecr. So dat prior und Convent vorscr. voirtan to ewigen tijden
mit Erve und land vorscr. doen mogen eren willen dat to bruken und to besitten to wenden und to keren
und to laten wo und wair se willen, und in aller maneren mede to doen, gelijck men mit vryen
doeslachtigen eygenen onbekommerden guede plege to doen buten heren Jacobs offte yum
mandes van syner
wegen besperinge offte ovelen meet Und her Jacob vorscr. lovede vor em und syne erven
und hant-
getruwen prior und Convente vorscr. des vorscr. erves und landes so vorscr. is warende to wesen und rech;
te volkomene warschop to doene in alien rechten to alien tijden vor alle de des to rech-te komen willen.
Hier hebben mede an und over geweest de dit mede hoirden vor tuchlude De Ersame her Her-
man Thesinck ten Damme vicarius und Albert Willekens to Wedde In en tuech der wairheit
aller punten vorscr. hebbe ic Eggo hovetling vorscr. myn segel beneden an dussen breff doen hanghen
Und Ic Jacobus Wyltingen vorscr. want alle punte so vorscr. is wair synt, und ic de love vor my, my-
ne erven und hantgetruwen stede vast und onverbroken to ewigen tijden to holden, hebbe ick
myn segel beneden by Joncker Eggen hovetling to Westerwolden vorscr. segel wytliken gehangen. Und
ic Hermannus Thesyngen want ic hier an und over mit Albert vorscr. geweest byn und alle articulen
und punten so vorscr. is ware synt hebbe ic myn segel vor my und Albert vorscr. mede an dussen
breeff gehangen dair ic Albert vorscr. umme gebeden hebbe umme gebreck des mijns. Datum Anno
domini millesimo quadringentesimo sexagesimosexto in profesto sancte Marie Magdalene.
x
| Archiv | Groninger Archieven |
|---|---|
| Bestand | Klooster Ter Apel |
| Zugangsnummer | 1373 |
| Inventarnr. | 1 |
| Fol. Nr. | fol. 007v |
| Regestnr. | 15 |
| Jahr | 1466 |
| Datumcode | vMarMag |