Burgemeesteren en Raad van Groningen oorkonden, dat Elteke to Aldersum en Etke zijne echtgenoote hebben verkocht aan Wolter Johan Egberssoen en Roloff Horneken zeven ‘forlingen’ lands gelegen te Garelsweer, nader in de grenzen omschreven.

Wy Borgermestere ende Raed in Groningn betugen myt dessen openen breve dat voer ons sint gekomen Elteke
to Aldersum ende Etke syn echte huusfrouwe ende bekanden voer em ende oeren erffgenamen dat sie hebben verkofft
upgedragen ende overgegeven Wolter Johan Egberssoen ende Roloff Horneken ende oere beyder erffgenamen Soeven
forlingen landes gelegen to Garelsweer, daer die van Wyttewerum naest by ter zwette leggen upt
oestereynde ende upde zuuder zydt Ende der hilligen land to Garelsweer up die norder zyd ende een notwech
upt wester eynde vry ende quyt myt alle oeren tobehoren Erffliken ende ewliken to bruken ende to besitten
so alzet daer gelegen is ende vry to waeren voer alle ansprake erffliken voer ene summe geldes als twe
hundert arnemsen gulden ende vierendedertich gulden die Elteke ende Etke vorscr. bekanden dat em vull ende all
is betaelt sunder argelist Dat Orkonde wy myt onsen stad Zegell Ghegeven inden jair ons heren dusent
vierhundert sessendetsoventich des saterdages na sunte Servacius dach doe Gosen van Dulk Johan Rengers
Scaffers Johan Tedema ende Johan Koenrades borgermestere waeren onser stad.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	42
Regestnr.	038*
Register Feith	1476.007.1
Jahr	1476
Datumcode	SpServat

x

x

x

Kommentar	Het stadszegel is verloren.

x

Kommentar	Bij dit stuk behoren als transfix nr. 129* d.d. 1504 februari 19 en nr. 221* d.d. 1542 september 23. N.B. Vermeld bij Feith Register 1476 nr. 7.