| Nummer:kta073 | Datum:26 nov. 1488 | Überlieferung: | Fundstelle:Klooster Ter Apel, inv.nr. 1, fol. 022v, reg. 73 |
Coneto Bollingwere, richter te Duthe, oorkondt, dat Syvadt Meyeringh en zijne broeders hebben verkocht aan 't klooster tho Apel ‘10 molt gudes schuren rogge jaarlijksche rente, te betalen op St. Katherinendag uit Meyeringherve te Nederlangen, met recht van wederinkoop en eer jaar te voren aanzegging en dat jonge Tacle to Vrisenberge en zijne echtgenoote zich als ‘principaele zakenwolders’ hebben verbonden voor de richtige nakoming van dit contract.
Copia litterae quatenus annue habemus de et ex praedio Meyeringh
sito in perrochia Lothen to Niderlangen X molcia silignis.
(doorgehaald: et ........ usque ad XXX annos,).
Ic Cone to Bellingwere in der tyt een Swaren Richter to Duthe van
bevele des hogebaren fforsten und heren heren Hinrick van Zwartzen
burch Biscop to Monster und Administrator der hilliger kercken
to Bremen myns gnedigen leven heren Enkennen und betugen in dossen
openen besegelden breve dat vor my gekomen is in een open heget
gherichte dair ic stede und Stoell des gherichtes beseten hadde mit
mynen kornoten hyrna bescreven soe ic myt rechte solde Synardt
Meyeringh Johan Hinrick Herman Gherdt Meyeringh gebrodere
Swaneke Meyeringh eer moder und Hilleken eer Suster Enkanden
al dair vor my Intgherichte vor em allen voer oer Ervent und
.....endt dat zy hadden verkofft undverkopen stedes vastes erff
kopes jarliker ewiger renthen X molt gudes schyres Rogghen
demen Ersamen und Gheistliken heren Jacobo van Wynckell priori
und Ghemenen Convente tho Apell Ordens des hilligen Cruces und
all eren nakomelingen off holdere dossen breves myt wille vor ene
Ghenochlike Summa van ghelde de verkopere voerscr. als Synardt
Johan Herman Hinrick Gherdt Swaneke und Hilleke vorscr. bekanden
vor my Intgerichte em all deger und wall de leste penningh mitten
ersten to willen betailt to wesen Welck teen molt Rogghn
jarliker renthen vorscr. Synardt Johan Herman Hinrick Gherdt
Swaneke und Hilleke verkoperen vorscr. loveden vor my Richter vorscr.
priori und Convent vorscr. alle jare wal to vernogen und in eer zeker
um beholt onbekommert alle Jare wall to betalen up Sunte Ka
therinen dach off bynnen achtedagen drae na onbegreppen uth eren
vryen onbekommerden Erve to Nederlangen belegen in demen
kerspel to Lothen Meyeringh hoff und Erve geheiten myt synren
Alyngh tobehoringhn huys hoff Schure Tymmer hoylandt
.boulandt und wes dair tohoret nicht dair aff uthgescheiden soe
dat daer beleghn is dair oec anders ghene renthen nu ter tyt
upstaen noch uthgaen Ock bekande Synardt Johan Herman Hinrick
Gherdt Swaneke und Hilleke verkopere vorscr. vor sich und eren erffgenamen
dosse X molt Roggen jarlix renthe vorscr. ewige stede vaste volkomene
warscop to done so vake priori und Convent vorscr. des behoiff und noit
is vor alle de ghene de dair myt rechte upspreken mogen unde thoe
rechte komen willen Wertzake betalinge dosser teen molt Roggen
jarliker renthen vorscr. op stede und tyt vorscr. nicht en schege off oec
hinder inder warscop queme wo dat oec to queme sal und mach prior
und Convent vorscr. und ere nakomelinge de jarlix renthe mit allen
schaden dair omme gedaen manen und wynnen myt gherichte
beide gheistlich und wertlich off myt beiden to gelyke to prioris unde
Conventes kore uth Synardts Johans Hermans Hinricks Gherdts
Swaneken Hillekens veerkoper ons Erve Meyerings Erve vorscr. unde
vort uth all eren anderen guderen replich und onreplich waer se de hebben
uth em allen off uth een deell dair prior und Convent vorscr. oick
nicht hinderlick in wesen en sall wert dat Erve vorscr. off een deell
dair van in tokomenen tyden verkofft off vorder beswaret mit
schulden verandert off versat worde und wes koste theringhe
und arbeit omme maninge dossen jarliker renthe vorscr. geschege loveden
Synardt Johan Herman Hinrick Gherdt verkoperen vorscr. myt eren
medebescreven gelyck den principael renthen wall to betalen Behol
den Synardt Johan Herman Hinrick Gherdt Swaneken Hilleken
verkoperen vorscr. und ere medebescreven all sulker ghnaden dat zy na
dertich jaren na data dossen breves naistvolgende und nicht eer
zy dan alle jare onverjaret dosse X molt Roggen jarliker renthen
mogen afflozen und wederkopen up Sunte Katherinen dach offte
bynnen achtedagen dair na onbegreppn als erst alle vorschenen und verseten
. renthen myt allen schaden dair omme gedaen betailt synt de renthen
by den ghelde to legghn myt twehondert enkede gude olde rin
sche gulden teffensche up ene tyt und anders nicht Myt vorworden dat
men den prior und Convent vorscr. de affloze und wederkoep een jare to
voren sall upsegghen und dyt sonder Argelyst Voert bekande Jonge
Taele to Vrisenberge und Engele syn huisfrouwe vor my Kone richter
vorscr. in den sulven gerichte vor ere Ervent und Anervendt Wertza
ke dat Synardt Johan Harman Hinrick Gherdt verkopere und ere
medebescreven off ere erffgenamen dosse X molt roggen jarliker renthen vorscr.
up tyt vorscr. den prior und Convent vorscr. und eren medebescreven so
vorscr. is nicht jarliken betaelden off oec uth Meyeringh Erve vorscr.
nicht manen eder myt lene krigen en konden wo dat oec to queme
loveden Taele und Engele syn huesfrouwe vorscr. als rechte principaele
zakenwolders voer ere und ere erffgenamen dat zy dan dosse X molt roggen
jarliker renthen jarlix wal willen betalen up tyt so vorscr. is den
prior und Convent vorscr. und dosse jarlix renthe vorscr. verkopen den prior
und Convent vorscr. uth eren vryen Erve to Vrisenberge gelegen Jonge
Taelen Erve geheiten und uth syner alinger tobehore in aller ma
the und wyse Synardt Johan Herman Hinrick Gherdt verkopere vorscr. den
prior und Convent vorscr. uth Meyeringh Erve vorscr. verkofft hebben
uth to manen und uth to boren de vorscr. teen molt roggen jarliker
renthen alle jaren Sonder vervolginge yenigen rechten up Meyeringh
und Tale und Engele principael zakenwolders loveden priori und Convent
vorscr. dosse X molt roggen jarlix renthe vorscr. gude warscop to allen
tyden willen und sollen doen. Wertzake Taele und syn huisfrouwe
vorscr. und syn medebescreven de X molt roggen jarlix renthe vorscr.
jarlix up tyt so vorscr. is priori und Convent vorscr. nicht en betaelden
wo dat oec to queme sal und mach prior und Convent vorscr. unde
ere nakomelinge de jarlix renthe vorscr. mit allen schaden dair
omme gedaen manen und wynnen und sich genaken uth Taelen
Erve vorscr. in aller mathe und wyse und myt all alsodanen
rechten und vorworden prior und Convent vorscr. uth Meyeringh
Erve vorscr. mochte doen off gedaen hebben buten Taelen und synre
medebescreven besperinge eder ovelen moit. Beholden Taelen und
synen medebescreven den wederkoep so vorscr. is und dit sender Arge
lijst Hyr waren an und over kornoten des gerichtes Steven Metten
und Johan Mollener Bystanders des sulven gerichtes Hinrick
Heckeman Hinrick to Heball Hinrick Oems Taleken Hanneken
und meer guder lude genoch de dat gerichte mede bestonden
und behoirden. In orkonde der warheit aller puncten vorscr. de
stede vaste und onverbroken to ewigen tyden to holden So heb ick
Kone to Bollingwere richter vorscr. myn Segell van gerichtes wegen
wytliken beneden an dossen breeff gehangen. Datum Anno domini
M CCCC LXXXVIII in Crastino Katherine virginis et martiris.
Kta073
sito in perrochia Lothen to Niderlangen X molcia silignis.
(doorgehaald: et ........ usque ad XXX annos,).
Ic Cone to Bellingwere in der tyt een Swaren Richter to Duthe van
bevele des hogebaren fforsten und heren heren Hinrick van Zwartzen
burch Biscop to Monster und Administrator der hilliger kercken
to Bremen myns gnedigen leven heren Enkennen und betugen in dossen
openen besegelden breve dat vor my gekomen is in een open heget
gherichte dair ic stede und Stoell des gherichtes beseten hadde mit
mynen kornoten hyrna bescreven soe ic myt rechte solde Synardt
Meyeringh Johan Hinrick Herman Gherdt Meyeringh gebrodere
Swaneke Meyeringh eer moder und Hilleken eer Suster Enkanden
al dair vor my Intgherichte vor em allen voer oer Ervent und
.....endt dat zy hadden verkofft undverkopen stedes vastes erff
kopes jarliker ewiger renthen X molt gudes schyres Rogghen
demen Ersamen und Gheistliken heren Jacobo van Wynckell priori
und Ghemenen Convente tho Apell Ordens des hilligen Cruces und
all eren nakomelingen off holdere dossen breves myt wille vor ene
Ghenochlike Summa van ghelde de verkopere voerscr. als Synardt
Johan Herman Hinrick Gherdt Swaneke und Hilleke vorscr. bekanden
vor my Intgerichte em all deger und wall de leste penningh mitten
ersten to willen betailt to wesen Welck teen molt Rogghn
jarliker renthen vorscr. Synardt Johan Herman Hinrick Gherdt
Swaneke und Hilleke verkoperen vorscr. loveden vor my Richter vorscr.
priori und Convent vorscr. alle jare wal to vernogen und in eer zeker
um beholt onbekommert alle Jare wall to betalen up Sunte Ka
therinen dach off bynnen achtedagen drae na onbegreppen uth eren
vryen onbekommerden Erve to Nederlangen belegen in demen
kerspel to Lothen Meyeringh hoff und Erve geheiten myt synren
Alyngh tobehoringhn huys hoff Schure Tymmer hoylandt
.boulandt und wes dair tohoret nicht dair aff uthgescheiden soe
dat daer beleghn is dair oec anders ghene renthen nu ter tyt
upstaen noch uthgaen Ock bekande Synardt Johan Herman Hinrick
Gherdt Swaneke und Hilleke verkopere vorscr. vor sich und eren erffgenamen
dosse X molt Roggen jarlix renthe vorscr. ewige stede vaste volkomene
warscop to done so vake priori und Convent vorscr. des behoiff und noit
is vor alle de ghene de dair myt rechte upspreken mogen unde thoe
rechte komen willen Wertzake betalinge dosser teen molt Roggen
jarliker renthen vorscr. op stede und tyt vorscr. nicht en schege off oec
hinder inder warscop queme wo dat oec to queme sal und mach prior
und Convent vorscr. und ere nakomelinge de jarlix renthe mit allen
schaden dair omme gedaen manen und wynnen myt gherichte
beide gheistlich und wertlich off myt beiden to gelyke to prioris unde
Conventes kore uth Synardts Johans Hermans Hinricks Gherdts
Swaneken Hillekens veerkoper ons Erve Meyerings Erve vorscr. unde
vort uth all eren anderen guderen replich und onreplich waer se de hebben
uth em allen off uth een deell dair prior und Convent vorscr. oick
nicht hinderlick in wesen en sall wert dat Erve vorscr. off een deell
dair van in tokomenen tyden verkofft off vorder beswaret mit
schulden verandert off versat worde und wes koste theringhe
und arbeit omme maninge dossen jarliker renthe vorscr. geschege loveden
Synardt Johan Herman Hinrick Gherdt verkoperen vorscr. myt eren
medebescreven gelyck den principael renthen wall to betalen Behol
den Synardt Johan Herman Hinrick Gherdt Swaneken Hilleken
verkoperen vorscr. und ere medebescreven all sulker ghnaden dat zy na
dertich jaren na data dossen breves naistvolgende und nicht eer
zy dan alle jare onverjaret dosse X molt Roggen jarliker renthen
mogen afflozen und wederkopen up Sunte Katherinen dach offte
bynnen achtedagen dair na onbegreppn als erst alle vorschenen und verseten
. renthen myt allen schaden dair omme gedaen betailt synt de renthen
by den ghelde to legghn myt twehondert enkede gude olde rin
sche gulden teffensche up ene tyt und anders nicht Myt vorworden dat
men den prior und Convent vorscr. de affloze und wederkoep een jare to
voren sall upsegghen und dyt sonder Argelyst Voert bekande Jonge
Taele to Vrisenberge und Engele syn huisfrouwe vor my Kone richter
vorscr. in den sulven gerichte vor ere Ervent und Anervendt Wertza
ke dat Synardt Johan Harman Hinrick Gherdt verkopere und ere
medebescreven off ere erffgenamen dosse X molt roggen jarliker renthen vorscr.
up tyt vorscr. den prior und Convent vorscr. und eren medebescreven so
vorscr. is nicht jarliken betaelden off oec uth Meyeringh Erve vorscr.
nicht manen eder myt lene krigen en konden wo dat oec to queme
loveden Taele und Engele syn huesfrouwe vorscr. als rechte principaele
zakenwolders voer ere und ere erffgenamen dat zy dan dosse X molt roggen
jarliker renthen jarlix wal willen betalen up tyt so vorscr. is den
prior und Convent vorscr. und dosse jarlix renthe vorscr. verkopen den prior
und Convent vorscr. uth eren vryen Erve to Vrisenberge gelegen Jonge
Taelen Erve geheiten und uth syner alinger tobehore in aller ma
the und wyse Synardt Johan Herman Hinrick Gherdt verkopere vorscr. den
prior und Convent vorscr. uth Meyeringh Erve vorscr. verkofft hebben
uth to manen und uth to boren de vorscr. teen molt roggen jarliker
renthen alle jaren Sonder vervolginge yenigen rechten up Meyeringh
und Tale und Engele principael zakenwolders loveden priori und Convent
vorscr. dosse X molt roggen jarlix renthe vorscr. gude warscop to allen
tyden willen und sollen doen. Wertzake Taele und syn huisfrouwe
vorscr. und syn medebescreven de X molt roggen jarlix renthe vorscr.
jarlix up tyt so vorscr. is priori und Convent vorscr. nicht en betaelden
wo dat oec to queme sal und mach prior und Convent vorscr. unde
ere nakomelinge de jarlix renthe vorscr. mit allen schaden dair
omme gedaen manen und wynnen und sich genaken uth Taelen
Erve vorscr. in aller mathe und wyse und myt all alsodanen
rechten und vorworden prior und Convent vorscr. uth Meyeringh
Erve vorscr. mochte doen off gedaen hebben buten Taelen und synre
medebescreven besperinge eder ovelen moit. Beholden Taelen und
synen medebescreven den wederkoep so vorscr. is und dit sender Arge
lijst Hyr waren an und over kornoten des gerichtes Steven Metten
und Johan Mollener Bystanders des sulven gerichtes Hinrick
Heckeman Hinrick to Heball Hinrick Oems Taleken Hanneken
und meer guder lude genoch de dat gerichte mede bestonden
und behoirden. In orkonde der warheit aller puncten vorscr. de
stede vaste und onverbroken to ewigen tyden to holden So heb ick
Kone to Bollingwere richter vorscr. myn Segell van gerichtes wegen
wytliken beneden an dossen breeff gehangen. Datum Anno domini
M CCCC LXXXVIII in Crastino Katherine virginis et martiris.
Kta073
x
| Archiv | Groninger Archieven |
|---|---|
| Bestand | Klooster Ter Apel |
| Zugangsnummer | 1373 |
| Inventarnr. | 1 |
| Fol. Nr. | fol. 022v |
| Regestnr. | 73 |
| Jahr | 1488 |
| Datumcode | cCathar |