| Nummer:kta097 | Datum:1492 | Überlieferung: | Fundstelle:Klooster Ter Apel, inv.nr. 1, fol. 041r, reg. 97 |
Remet Ockena verkoopt 2 grzen land, in Rijsummerhamrik gelegen, aan Frederick, priester in de kerk te Lerlte, met recht van wederinkoop.
Copia littere de duobus graminatis a Remet tho Rysum
in de Aeydeler venna.
Wytlick kundich unde openbaer zy allen guden vromen luden
de dessen breeff zeen eder horen lesen woe dat Ick Remet Ockena
inwoner tho Rysum Enkenne ende betughe claerliken inder waerheyt vor
alsweme dat Ick hebbe verkoefft unde verkope Jeghenwordych in
craft unde macht dessen breves dem bescheyden Erbaren vromen manne
heren Ffrederick mede preester inder kercken tho Hlerte unde synen
rechten erfnamen twe grase landes in Rysum hamarka gheleghen
in ene venna van XVI grasen de gheheten ys in Aydeler by Mactena
wey vor enen beschedenen vordrachteliken summen gheldes als derteyn
olde golden Rynsen gulden de my Remet vorscr. degher vul unde al wal zynt
betalet my tho dancke guder betalyngen unde wyl ende moet myt rech
the dem erghen. heren Ffrederick ende zynen rechten erfnamen boren eder
ungheboren alsodanygen erve offte land vorscr. rechtes copes warende
wesen vor alle ansprake in enyghen gherychte gheestelick eder
werlick Men myt alsodanygen voerbescheet unde worworden dat
Ick Remet vorben. dessen vorscreven twe grasen erve ofte land mach weder
kopen vryen unde quyten umme alsodnyghen (sic) summen gheldes vorscreven
unde payment over dree Jaer uppe alle godes hyllighen avent
na datum dessen breves ende anders nyet men na dessen Jaren ende dach
een ewych erffcop tho blyven Alle lose valsche arghelist hulpere
de nye vunde Intoch de dessen breeff moghen krencken hynderen
eder vorvalschen in tocomenden daghen in enyghen gherichte
uthghesecht Tugheslude dessen kopes de vrome mans Heer
Henrick Her Nomnen capellaen Doweke tho Gerdeswer unde
Manno Ockena tho Rysum hyr tho gheeschet unde van beyden parten
ghebeden. In oerkunde unde merer vestynghe der waerheit so hebbe
Ick Remet vorben. vruntlike ghebeden den Eersamen heren Nomnen
kercheer tho Twyxlum dessen brieff over my tho besegelen dem Ick
Nomno erbescreven so gherne ghedaen hebbe umme bede wyllen dessen
vorscreven Remet unde mynen Ingesegel wytliken hangen hebbe an dessen
breff In dem Jare unses heren dusent veerhundert twe unde neghen
tych Gheschreven in dem Jare unde dagen vorscreven.
in de Aeydeler venna.
Wytlick kundich unde openbaer zy allen guden vromen luden
de dessen breeff zeen eder horen lesen woe dat Ick Remet Ockena
inwoner tho Rysum Enkenne ende betughe claerliken inder waerheyt vor
alsweme dat Ick hebbe verkoefft unde verkope Jeghenwordych in
craft unde macht dessen breves dem bescheyden Erbaren vromen manne
heren Ffrederick mede preester inder kercken tho Hlerte unde synen
rechten erfnamen twe grase landes in Rysum hamarka gheleghen
in ene venna van XVI grasen de gheheten ys in Aydeler by Mactena
wey vor enen beschedenen vordrachteliken summen gheldes als derteyn
olde golden Rynsen gulden de my Remet vorscr. degher vul unde al wal zynt
betalet my tho dancke guder betalyngen unde wyl ende moet myt rech
the dem erghen. heren Ffrederick ende zynen rechten erfnamen boren eder
ungheboren alsodanygen erve offte land vorscr. rechtes copes warende
wesen vor alle ansprake in enyghen gherychte gheestelick eder
werlick Men myt alsodanygen voerbescheet unde worworden dat
Ick Remet vorben. dessen vorscreven twe grasen erve ofte land mach weder
kopen vryen unde quyten umme alsodnyghen (sic) summen gheldes vorscreven
unde payment over dree Jaer uppe alle godes hyllighen avent
na datum dessen breves ende anders nyet men na dessen Jaren ende dach
een ewych erffcop tho blyven Alle lose valsche arghelist hulpere
de nye vunde Intoch de dessen breeff moghen krencken hynderen
eder vorvalschen in tocomenden daghen in enyghen gherichte
uthghesecht Tugheslude dessen kopes de vrome mans Heer
Henrick Her Nomnen capellaen Doweke tho Gerdeswer unde
Manno Ockena tho Rysum hyr tho gheeschet unde van beyden parten
ghebeden. In oerkunde unde merer vestynghe der waerheit so hebbe
Ick Remet vorben. vruntlike ghebeden den Eersamen heren Nomnen
kercheer tho Twyxlum dessen brieff over my tho besegelen dem Ick
Nomno erbescreven so gherne ghedaen hebbe umme bede wyllen dessen
vorscreven Remet unde mynen Ingesegel wytliken hangen hebbe an dessen
breff In dem Jare unses heren dusent veerhundert twe unde neghen
tych Gheschreven in dem Jare unde dagen vorscreven.
x
| Archiv | Groninger Archieven |
|---|---|
| Bestand | Klooster Ter Apel |
| Zugangsnummer | 1373 |
| Inventarnr. | 1 |
| Fol. Nr. | fol. 041r |
| Regestnr. | 97 |
| Jahr | 1492 |