Elso then Vennehuys, rechter te Westerwolde, oorkondt, dat in een ‘opene gerychte’ Wylke Mennen then Hoerne met zijne echtr. aan Gerard van Hasselt, prior en gemeene conventualen van ter Apel in koop hebben opgedragen een jaarlijksche rente van vijf Emder guldens te betalen 8 dagen voor of na St. Johannesdag ‘tho mytsommer’ of tien paar ‘hoernde beestenweide’ van Meidag tot Sint Michiel, ter keuze van het convent, een en ander met recht van wederinkoop binnen 10 jaar na dato.

Ick Elso then Vennehuys rychter tho Westerwolt van weegen unde beveel myns
gnedygen leven heeren Kaerl vryher thot Toutenborch heer tho Vedde unde Wester
woldynger landt etc. doe kundt unde bekenne yn unde avermyts dessen openen
beseegelden breve, dat voer my yn eenen openen gerychte sunderlyngen tho
naebescr. saeke verordent, erschenen unde gekommen Wylke Memmens then Hoerne
met innen syner echten huesfrowen unde bekanden voer syck oere erffgenae
men unde naecoemelyngen, dat sie walberaedens moedes gesunt van lychaeme
und wyttych oever synne unbedwongen, hadden verkofft unde vercofften tegenwordych
dem werden unde Religiosen heren Gerardo van Hasselt priori ende voert geme
nen Conventualen thor Apel unde all oeren nacoemelyngen off holder desses
breves met oeren wyllen vyff emder gulden yaerlyker renthe dertych groenyn
ger stuevers voer yderen gulden gereeckent yn anderen gueden gelde alle yaer
achte daege voer offte na sunte Johannes dach tho mytsommer tho betaelen
offte tyen paer hoernde beeste weyde off grasynge van meydach hintho
sunte Mychels dach offt ummentrent yn Hoernynger marke up beyden syden
vant loech tho weyden unde tbewaeren gelyck oer eegen guet. Alsoe dat prior unde
Convent verscr. yn oeren koer unde wyllen moegen hebben offte se de
yaerlyx renthe wyllen entfangen dan offte sie den tael van beesten wyllen
geweydet hebben unde offte sie wat unde nycht den vullen tael weyden wolden
sal men voer yder beest VIIJ gronynger stuever affkorten yn der verscr. yaerlyke
renthe, voer eene summe geldes de see bekanden em deeger all unde wall
tho wyllen vernoecht unde betaelt tsyne unde dankeden den prior unde Convent
verscr. gueder betaelynge loeveden voert voer syck oere arffgenaemen unde naeco
melyngen des guede steede unverbroekene waerscap thedoene bueten
des Convents hynder offte schaede wert nochtans saeke enych hynder offte
schaede yn thokoemenen tyden errese yn der yaerlyker betaelynge offte
weydynge sal unde mach de prior verscr. unde de Conventualen ynwynnen met
allen rechten uth allen Wylken unde syner huesfruwen verscr. guet unde erve
Memmens erve thon Hoerne geheyten, unde sunderlynges uth eener venne
landes then Hoerne Albert Gartman ynt norden Wyllem Hayens ynt
sueden naest geswettet streckende upden wech und ynt moer gelyck nabuer
landt an beyden tsyden unde wort uth all oren anderen guederen reppelyck
unde unreppelyck de see nue hebben off noch naemals moegen anerven Met
solker gueden dat Wylke off syn erffgenamen tyen yaer nae datum desses breves unde nych
eer alle yaer unveryaert desse yaerlyxs renthe offte weydynge moegen werden
quyt unde loss coepen met tachtentych emder gulden dertych groenynger stuver voer
yderen gulden gerekent unde met den vuller renthe achte daege voer off nae meydach
unbehaelt offte up twe termynen alle yaer met veertich emder gulden wo et
em best gelegen ys dyt allent sunder argelyst unde nye vunde Tho betuechnysse
der woerheit dat dyt aldus voer my richter vorscr. gescheen yn byweesent
Alveryck Hoykinckt unde Wylke Vresynck als tuege soe hebbe yck myn
gewontlyke seegell wytlyken an dessen breff gehangen ynt yaer unses
heeren duesent vyffhundert dreeendedertych up avent Johannis des doepers.
DORSO : littera de V florenis emdensibus ex praedio Wylke Memmens
then hoerne aut XX pecorum.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	47
Regestnr.	200
Register Feith	1533.006
Jahr	1533
Datumcode	vNatJoh

x

x

x

Kommentar	Met geschonden zegel van Elso then Vennehuys in groene was

x

Kommentar	N.B. Vermeld Feith Reg. 1533 no. 6.