| Nummer:kta210 | Datum:1 dec. 1539 | Überlieferung: | Fundstelle:Klooster Ter Apel, inv.nr. 39, reg. 210 |
Coep van Beesten, richter toe Haren, vam bevele Franss confirmerter der stichten Munster und Osnabrugge, oorkondt, dat voor hem in een open rechte gehegede gerichte de gemeene buren van Oldcnharen in koop hadden overgedragen aan Geert van Hasselt, prior en gemeene conventualen van ter Apel een deel van hun mark ‘bij des closters landt liggende’ met de bepaling dat zoo de genoemde buren later nog eens een deel van hun mark wilden verkoopen, prior en convent steeds als dan do voorkeur zouden hebben.
Ick Coep vam Beesten knap inder tydt zworenem Richter toe Haren vam bevele des hoech
werdigen in god hoechvermogenden Forsten und heren heren
Franssen van godes gnaden Confirmerten der stichteren Munster und Osnabrugge admini-
strator toe Mynden etc, mynen gnedigen lieven heren doe kondt tuge
und bekenne openbaer in und overmids dessen openen bezegelden brieve dat vor my up
dach datum sbreves in een open rechte gehegede gerichte dair ick
stede und stoel des gerichtes myt mynen kornoten und bystanders hyr nae bescreven beseten und becledet hadde und myt Ordlenen bewairt soe gerichtes recht
sonderlings toe desser nabescreven saken wort geheget erschenen und gekomen synnen de gemenen buren vanden Olden Haren sampt vry und eygen int ge
meyne und yder besonders soe se dair wonachtich synt und bekanden all dair vor my in
den selven gerichte vor hem und all eren ervent und anervent
geboren und ongeboeren dat se samptlicken und eendrachtlicken myt gueden vryen willen
riepen beraede vorbedachten und vorberaden mode redelick und
rechtelicken in enen rechten steeen ewigen vasten erfflicken kope hadden vercofft
(Myt willen und consent des hoechgedachten myns forsten und herren
soe de landtscap merckelick beswairt was myt groten sculden up dat myns gnedichsten forsten und heren synre gnaden eygen und vryen oer erve oeck der
ionckeren lude oerer erven all mochten mede gereddet und gevryet worden und onbesculdet bliven van wegen des Munsterschen oproers und myshandels
der secte und wederdopers als bynnen Munster doe weren) und vercofften all dair vor my int gerichte und lieten up soe myt rechte solden myt handen
und myt monde in ene erfflicke vredsame und ewige upboeren bruken besitten hebben were erfflick eygen deinen Ersamen geistlicken heren broder
Geert van Hasselt priori und ghemenen conventualen toe Apell und eren nakomelingen
een deell oerre marck hem ongelechlick priori und Conventui
wail gelegen by des closters landt liggende van den paell staende up de oesterzydt des
upgescoten weges de Bairvleder dyck genoempt recht toe den paell
staende int zuyden tendes den dyck und vort van den paell lynrecht uuth int westen
up den paell by der Ae und soe beneffen der Ae toe des clos-
ters eygen landt int norden myt heyde weyde top tzwych holt broeck gelyck dat dair
toe steden schynbair belegen is, und ghenghen des alynghe
uuth myt handen myt monde und deden des gansen vertichnys soe se myt rechte solden
Alsoe dat desse burscap vorscreven oer ervent noch anervent geboeren
und ungeboeren noch nemant vam erre wegen nummer nae datum sbreves nenerleye ansprake
rechticheit geistlick off werltlick up dat landt vorscreven
meer hebben doen sullen off wachtende wesen toe ewigen tyden. Vor ene genochlicke
summe van penningen de ons verkopers vorscreven wail toe willen vernoget
und betailt is Wair omme wy gemene buren van Oldenharen loven demen Prior und Convent
ther Apell verscreven myt hande und myt monde int
gerecht hanttastende des verscreven copes tstaen bekant tsyn und guede volcomene stede vaste ewige onverbroken wairscop tdoen alle jair onverjairt
vor ons und alle onse ervent und anervent geboren und ungeboeren und vort vor alle de ghene de des toe ewigen tijden toe rechte komen willen up allen
steden in allen rechten wair wanneer myt wemme und soe vake demen verscreven Prior und Convent verscreven toe Apell des noet und behoeff is buten oeren
scaden. Weert overst sake demen Prior und Convent verscreven in tocomenden tyden int gebruyck desser landen enych hinder besperingen indracht eder ge
breek inden wairscop schege woe dat dan io toe queme loveden vor my und verwylkorden all dair int gerichte desse ghemene buren als
verscreven als rechte principael selffs sake wolders vor syck und oer ervent und anervent off myn gnedigen here und Forste inder tydt off syn
nakomelinge off enyge Jonckers off yemant toe enigen tyden mede gewairt weer in desser marck der Ervenhalven toe Oldenharen
hyr an streckende indracht off besperinge deden int gebruyck desser landen dat Prior und Convent sodane hinder gebreck kost und scaden
dair omme geleden und gedaen mach soeken wynnen und manen van ons vercopers int gemene off een yder besonder woe dat doch Prior und
Convent int beste bekomen konnen uuth een deel off uuth all onsen guederen de wy verkopers nu ter tydt hebben off hyr namaels crigen mogen
van ons onse erven und anervent myt pandinge myt besate und myt allen gerechte und myt rechten geistlick eder werltlick myt erer een
off myt beiden toe gelycke welcker Priori und Conventui alder bequemest is und best
becomen kan neen recht den anderen toe hinderen
alle bewyslicken scaden de syn dan cleyn off groet woe men den rekenen kan eder mach
loven wy vercopers verscreven up toe leggen und toe betalen Ja doch dit
eyn ewich erffcoep in sych staen und bliven sal. Alsoe dat Prior und Convent verscreven
ter stondt ontfangen und toe oeren besten gebrueken
mogen vercopen versetten verwesselen verhueren woe hem beste toe passe kompt alle
oeren eygenen willen dair mede tdoen toe besitten und toe brueken
gelyck men een eygen dorslachtich landt geboert toe brueken in heyde weyde hoy watere begravinge und yn alle nutticheit nae wille
Priors und Conventes verscreven Vort bekenne ick Coep vam Beesten Richter ergenampt Herman Smyt und Johannes ther Horne vor ons onse ervent
und anervent als rechte wairburgen waren tsyn und gude stede vaste onverbroken wairscop
toe doen als rechte sake wolders. Vertsake Priori und Conven-
tui int gebruyck dessen landen verscreven enych hinder iadracht besperinge off
becortinge schege setten onse erven und gaden dair voer een onderpant de wy
onse ervent und anervent nu hebben off hyr namaels crigen mogen dairuuth toe soeken wynnen vorderen repliek und onreplick over ons dree
gelyck off onsen een mit recht geistlick off werltlick myt pandinge und besate als Priori und Conventui verscreven belevet und best konnen bekomen.
Noch is hyr verwylkort und van beiden syden liefflick inden selven gerichte angenomen
van de gemenen buren marcknoeten und erffixen der vorscreven burscap
Oldenharen off se meer landen in tocomenden tyden wolden vercopen versetten verhuren
uuth erer marck tusschen de twe ryvieren de Ae und de Olle und dat Lynt
loe gelegen sullen Prior und Convent und oer nakomelinge onversumet und onbegrepen
altyt de negeste syn als sewwillen doen dat een ander doet. Unde
wy vercopers verscreven loven alle articulen in dessen brieff begrepen vollencomen
onverbroken tholden int gemene und een yder besonder sonder yemans besperinghe
by sprake eder indracht. Bekanden vor my aldair int gerichte de verscreven gemene
buren der burscap verscreven und loveden Priori und Conventui verscreven vor syck
eren ervent und anervent vor alle ansprake warent tsyn und guede stede vaste onver-
broken wairscop tdoen als verscerven sonder arch und lyst sonder bedroch off
enyge nye vonden de dessen brieff hinderlick mochten wesen. Want dan sodane coep ver-
tichnys und uplatinge sulker erffguderen vor my Coep vam
Beesten Richter verscreven in enen gehegeden gerichte onbesproken is geschien dair
myt my an und over weren kornoten des gerichtes de Erbar Herman
Meneell und Clawes vam Duthe Bystanders Ham Herman Tap Henrick und Herman Dyker und meer vromer lude genoch derge
mener borgeren vam Haren. In Orkunde der waerheit heb ick Coep vam Beesten Richter eer genaempt mede erffix myn Insegell vanden ge
richtes wegen wytlich und kentlicken beneden an dessem brieff gehangen In dem jare
ons herren dusent vyff hondert und negen und
dartich des maendages nae Andree Apostoli.
DORSO : Littera de Baerenvledder empta a buronibus in Haeren et Langen.
werdigen in god hoechvermogenden Forsten und heren heren
Franssen van godes gnaden Confirmerten der stichteren Munster und Osnabrugge admini-
strator toe Mynden etc, mynen gnedigen lieven heren doe kondt tuge
und bekenne openbaer in und overmids dessen openen bezegelden brieve dat vor my up
dach datum sbreves in een open rechte gehegede gerichte dair ick
stede und stoel des gerichtes myt mynen kornoten und bystanders hyr nae bescreven beseten und becledet hadde und myt Ordlenen bewairt soe gerichtes recht
sonderlings toe desser nabescreven saken wort geheget erschenen und gekomen synnen de gemenen buren vanden Olden Haren sampt vry und eygen int ge
meyne und yder besonders soe se dair wonachtich synt und bekanden all dair vor my in
den selven gerichte vor hem und all eren ervent und anervent
geboren und ongeboeren dat se samptlicken und eendrachtlicken myt gueden vryen willen
riepen beraede vorbedachten und vorberaden mode redelick und
rechtelicken in enen rechten steeen ewigen vasten erfflicken kope hadden vercofft
(Myt willen und consent des hoechgedachten myns forsten und herren
soe de landtscap merckelick beswairt was myt groten sculden up dat myns gnedichsten forsten und heren synre gnaden eygen und vryen oer erve oeck der
ionckeren lude oerer erven all mochten mede gereddet und gevryet worden und onbesculdet bliven van wegen des Munsterschen oproers und myshandels
der secte und wederdopers als bynnen Munster doe weren) und vercofften all dair vor my int gerichte und lieten up soe myt rechte solden myt handen
und myt monde in ene erfflicke vredsame und ewige upboeren bruken besitten hebben were erfflick eygen deinen Ersamen geistlicken heren broder
Geert van Hasselt priori und ghemenen conventualen toe Apell und eren nakomelingen
een deell oerre marck hem ongelechlick priori und Conventui
wail gelegen by des closters landt liggende van den paell staende up de oesterzydt des
upgescoten weges de Bairvleder dyck genoempt recht toe den paell
staende int zuyden tendes den dyck und vort van den paell lynrecht uuth int westen
up den paell by der Ae und soe beneffen der Ae toe des clos-
ters eygen landt int norden myt heyde weyde top tzwych holt broeck gelyck dat dair
toe steden schynbair belegen is, und ghenghen des alynghe
uuth myt handen myt monde und deden des gansen vertichnys soe se myt rechte solden
Alsoe dat desse burscap vorscreven oer ervent noch anervent geboeren
und ungeboeren noch nemant vam erre wegen nummer nae datum sbreves nenerleye ansprake
rechticheit geistlick off werltlick up dat landt vorscreven
meer hebben doen sullen off wachtende wesen toe ewigen tyden. Vor ene genochlicke
summe van penningen de ons verkopers vorscreven wail toe willen vernoget
und betailt is Wair omme wy gemene buren van Oldenharen loven demen Prior und Convent
ther Apell verscreven myt hande und myt monde int
gerecht hanttastende des verscreven copes tstaen bekant tsyn und guede volcomene stede vaste ewige onverbroken wairscop tdoen alle jair onverjairt
vor ons und alle onse ervent und anervent geboren und ungeboeren und vort vor alle de ghene de des toe ewigen tijden toe rechte komen willen up allen
steden in allen rechten wair wanneer myt wemme und soe vake demen verscreven Prior und Convent verscreven toe Apell des noet und behoeff is buten oeren
scaden. Weert overst sake demen Prior und Convent verscreven in tocomenden tyden int gebruyck desser landen enych hinder besperingen indracht eder ge
breek inden wairscop schege woe dat dan io toe queme loveden vor my und verwylkorden all dair int gerichte desse ghemene buren als
verscreven als rechte principael selffs sake wolders vor syck und oer ervent und anervent off myn gnedigen here und Forste inder tydt off syn
nakomelinge off enyge Jonckers off yemant toe enigen tyden mede gewairt weer in desser marck der Ervenhalven toe Oldenharen
hyr an streckende indracht off besperinge deden int gebruyck desser landen dat Prior und Convent sodane hinder gebreck kost und scaden
dair omme geleden und gedaen mach soeken wynnen und manen van ons vercopers int gemene off een yder besonder woe dat doch Prior und
Convent int beste bekomen konnen uuth een deel off uuth all onsen guederen de wy verkopers nu ter tydt hebben off hyr namaels crigen mogen
van ons onse erven und anervent myt pandinge myt besate und myt allen gerechte und myt rechten geistlick eder werltlick myt erer een
off myt beiden toe gelycke welcker Priori und Conventui alder bequemest is und best
becomen kan neen recht den anderen toe hinderen
alle bewyslicken scaden de syn dan cleyn off groet woe men den rekenen kan eder mach
loven wy vercopers verscreven up toe leggen und toe betalen Ja doch dit
eyn ewich erffcoep in sych staen und bliven sal. Alsoe dat Prior und Convent verscreven
ter stondt ontfangen und toe oeren besten gebrueken
mogen vercopen versetten verwesselen verhueren woe hem beste toe passe kompt alle
oeren eygenen willen dair mede tdoen toe besitten und toe brueken
gelyck men een eygen dorslachtich landt geboert toe brueken in heyde weyde hoy watere begravinge und yn alle nutticheit nae wille
Priors und Conventes verscreven Vort bekenne ick Coep vam Beesten Richter ergenampt Herman Smyt und Johannes ther Horne vor ons onse ervent
und anervent als rechte wairburgen waren tsyn und gude stede vaste onverbroken wairscop
toe doen als rechte sake wolders. Vertsake Priori und Conven-
tui int gebruyck dessen landen verscreven enych hinder iadracht besperinge off
becortinge schege setten onse erven und gaden dair voer een onderpant de wy
onse ervent und anervent nu hebben off hyr namaels crigen mogen dairuuth toe soeken wynnen vorderen repliek und onreplick over ons dree
gelyck off onsen een mit recht geistlick off werltlick myt pandinge und besate als Priori und Conventui verscreven belevet und best konnen bekomen.
Noch is hyr verwylkort und van beiden syden liefflick inden selven gerichte angenomen
van de gemenen buren marcknoeten und erffixen der vorscreven burscap
Oldenharen off se meer landen in tocomenden tyden wolden vercopen versetten verhuren
uuth erer marck tusschen de twe ryvieren de Ae und de Olle und dat Lynt
loe gelegen sullen Prior und Convent und oer nakomelinge onversumet und onbegrepen
altyt de negeste syn als sewwillen doen dat een ander doet. Unde
wy vercopers verscreven loven alle articulen in dessen brieff begrepen vollencomen
onverbroken tholden int gemene und een yder besonder sonder yemans besperinghe
by sprake eder indracht. Bekanden vor my aldair int gerichte de verscreven gemene
buren der burscap verscreven und loveden Priori und Conventui verscreven vor syck
eren ervent und anervent vor alle ansprake warent tsyn und guede stede vaste onver-
broken wairscop tdoen als verscerven sonder arch und lyst sonder bedroch off
enyge nye vonden de dessen brieff hinderlick mochten wesen. Want dan sodane coep ver-
tichnys und uplatinge sulker erffguderen vor my Coep vam
Beesten Richter verscreven in enen gehegeden gerichte onbesproken is geschien dair
myt my an und over weren kornoten des gerichtes de Erbar Herman
Meneell und Clawes vam Duthe Bystanders Ham Herman Tap Henrick und Herman Dyker und meer vromer lude genoch derge
mener borgeren vam Haren. In Orkunde der waerheit heb ick Coep vam Beesten Richter eer genaempt mede erffix myn Insegell vanden ge
richtes wegen wytlich und kentlicken beneden an dessem brieff gehangen In dem jare
ons herren dusent vyff hondert und negen und
dartich des maendages nae Andree Apostoli.
DORSO : Littera de Baerenvledder empta a buronibus in Haeren et Langen.
x
| Archiv | Groninger Archieven |
|---|---|
| Bestand | Klooster Ter Apel |
| Zugangsnummer | 1373 |
| Inventarnr. | 39 |
| Regestnr. | 210 |
| Register Feith | 1539.013.1 |
| Jahr | 1539 |
| Datumcode | LpAndree |