Else tem Vennhus, richter Ie Westerwolde, geeft een vonnis in zake Johannos Roelffen contra het convent van ter Apel, waarbij aan eerstgenoenden zijn eisch wordt ontzegd en het convent wordt gelaten in 't rustig bezit van de nalatenschap van Geseke Heyens, vrouw van Hayo Schomaeker en zuster van den vader van eischer, dem 24 dach Junii anno XLI (1541 juni 10) gevolgd door eene verklaring waarbij Else tem Vennhus verklaart dat nadat de drost van Wedde in hooger beroep dit vonnis had bevestigd hij zijn gerichtszegel aan dezen brief had gehangen.

Ick Else ten Venenhusen Richter toe Westerwolde van wegens myns g.h. tot Tautenborch etc. donn kundt
enne kenne inn ende over myt dussenn mynen yegenwordighen Dome ende Sentencien woe voer my ys
erschennen Johannes Roelffen unde clagede uppe dem werdigen Religiosen heren Geert van Hasselt
prior des Conventes ther Appell umme de nagelaetene guderen synessen (?) vaders suster Gesekens Heyens
inn godt verstorven die die genompte prior des Conventes myt sampt den Convent mach underhebben unde
myt peerden unde waegen henn geffoert hebben offte gedragen ssee synen dan repliek eder unreplick
woe unde waer see yae gelegen synt inn cleyn ende in groet Al ys al unde begerde van my Rychter
vorscr. dat ick den genomptenn prior myt sampt denn Convent wolde under rychten wysenn dath se
Eme die genompte guderenn Alsoe guet groet ende cleynn weder leveren Alssen (?) se dat untfangen hebben
alss vorgerort eder laeten se sych bedunckenn oere sybtael Segeell offte breve beter synt alss ick dat meyne
thoe wesenn brengenn se voer sal my wal ende wee doen unde dat nae lantrecht unde rechte Erkennynge etc.
doer die genompte prior upp Johannes verscreven claege antworde soe Johannes ansprekende
unde claegende weer
up salige Gesekens Heynes syner moyenn naegelaetene gudsrenn wy moegen myt peerden unde
waegene heen
geffordt offthe gedragen die synnen dan repliek eder unreplick woe unde waar die gelegen
syndt inn cleyn
offthe groet als ys all etc. Nae utwysinghe syner clagten stae wy prior unde Convent
voerscreven Johannes nycht
indt cleyn offthe groot indenn guderenn voerscreven unde verbliven des by onse seggel unde breve unde vermeenen
dat wy die sulve guder myt allen rechten unde Eren hebben unde meher voergedaen als seggel unde breve
daer van begreppen hebben unde begerden van my Rychter verscreven dat ick Johannes alzoe myt rechte under rechte
he dat Convent ungemolestert laete in den saecken voerscreven umb godt unde die rechtverdicheyt Waer uppe
ick Elsse then Venhuys Eychter etc. dem upgemelten parten eynen bestemmen dach van rechten angetekent
eynen yderenn myt synnen besten behulp orer saecken indthebrengen daer sie die saecke dachten mede toe wynnen
unde toe verlysen is Johannes voerscreven gecommen unde muntlick laeten seggenenn durch heer Albert Colters pas-
toer toe Unsde soe die prior voerscreven toende eynen bezeggelden begyfftygen breff van heren Bernt Buze in der tyt
pastoer toe Vlachtwedde bezeggelt die sulve hadde dem genompten Convent syn guedt gegeve: unde verhoe
pede nicht die sulve den Convent wess toe segelen mochte oeck verhoepene Johannes voerscreven dat eyn man en
mach syn guedt nicht en wech geven unde holden unde verhoepende nicht dat Emans mochte
syn guedt buten
kercken sprack wetenenn ende wyllenn syner frundenn wech geven. Daer stelden he syne saecke mede toe
rechte unde verhoepede dat die begifftes breff Em nicht schaedelick weer Daer die prior voerscreven myt
corten woerden up antworde gelyck he toe bevoren gedaen hadde unde thoende eynenn bezeg-gelden breff dem
heer Berndt Buze in der tyt pastoer thoe Vlachwedde verseggelt Inholdende woe Hayo Schomaeker unde Geske
syn huysfrouwe hadden dat Convent ter Apell begyfftighet myt orer twyer guderenn Ewich unde Erfflic
in dem iaer twalve, daer holden se syck aenn want Johannes verscreven hadde myt Geseken
syner moygen wal
soe lange umme gegaen unde wal ungetwyvelt genoten dat sie hoer gudt indt Convent
gegeven, he hadde
wal ter gesproecken Daer noch Johannes weder up antworde he lete eme duncken ende hoepede
die wyle
een man levede en syn gudt toe queme, ende men ene dat nicht nemen en konde unde eer
synen doot
nicht bederffede toe spreken unde des begerde die prior eyne sentencie. Soe dan die
upgemelten parten
die saecke by rechtes Erkennenge verbleven myt vole meer unde wyderenn worden die hyr
toe lanck vallen
aver thoe sethen. So heb ick Rychter verscreven godt unde recht voer ogen genomen unde
hebbe my myt vromen
olden voerfarnen lude besproken. Unde hebbe die upgemelten saecke gedomet unde gewesen
Soe dan Johannes
erscreven ghen bescheyt unde bewys ingebracht dat hem saige Geseke syns vaders suster
em nicht van oren
gude bescheyden unde nye angesprocken umme die sulve guder dan nu. Unde dat verscreven
Convent Gesken guden
rustelick gebrucket. Kenne unde wyse dessen Conventes gyfftesbreff inde macht unde dat
Convent verscreven
Geskens guderen nae tebrucken alse voergedaen hebben them sy dan dat dat Convent Geskens
frunden
ores guedes myt wyllen wen daer van geven In by wesen Albert Menerinck Wybbo Lurinck
Reynt
Wyrdes Ffrederick Harninck Hayo Bolmans Dem XXIIII dach Junij Anno XLI. Itelick enen in
scryfften
dem sulven.
Dyt recht sall over komen tusschen dese X dagen nae datum van dessen. m.a.h.
so dan iegenwordigen doem Johannes als iegendeell an denn achtbaren unde erentfromen
Hansz Hesse Drost tho Wedde etc.
beroepen und die Drost dem selvigen doem inden verclaringe der beropinge in allen synen
articulen guet gekant unde
in werden gelaeten unde Johannes beropinge quaet up alsulker verclaringe heb ick Elze then Venhuysen Richter myn
gerichtes Segell gehangen an dessen brieff up saeterdach nae Invocavit Anno etc. XLII.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	48
Regestnr.	215
Register Feith	1542.002
Jahr	1542
Datumcode	SpInvoca

x

x

x

Kommentar	Met het zegel van Else tem Vennhus in groene was.

x

Kommentar	N.B. Vermeld Feith Reg. 1542 no.2.