Albert Conrardes, amptman in de beide Oldambten vanwege Burgemeesteren en Raad van Groningen, geeft een vonnis inzake Hemmo Koekens contra het convent van ter Apel, waarbij aan Hemmo zijn eisch wordt ontzegd ,inopens de nalatenschap van zijn moei Renske, die aan 't convent was gekomen.

Albert Conrardes Amptman in beyden Olden Ampten van weghen deer Ersaaien vorsichtigen
und wysen heren borgemesteren unde Raedt der Stadt Groeningen bekenne myt dessen mynen
schrifften woe voer
my komen is tho Wynschoete voer Recht Hemmes Doeken klaegende up dat Convent van der
Apell Int eerste omme twee ackeren landes gelegen in den Oester ende toe Wynschoete
in Eckelen vennen genoempt Tammo
Ulkens up die oester zydt ther swette unde Tiabbe Walkens up die ander syde unde were
syn olde vadere lant begerede dat dat Convent voer oeghen bracht woe dat sie an vor-
screven lant koemen weren offte dat landt
dat landt unbekroenet laten soe Rensken dat landt geven was unde nycht vorder dan hoer
levent lanck mechtich unde soe Renske nu gestorven achte yaren verleden unde Hemmo
die rechte eerffgename daer toe were bege
reden hie die landen wedder vryge toe hebben myt die achterstallinge van hor doet aff
Noch dagede Hemmo up vorscreven Convent omme die nijge landen gelegen tendens Sijbekens
hert daer Erkele nu up woenet bynnen
unde buten dykes naber landen gelijck soe hie man XXXV Emder gulden alles daer van
ontfangen hadde unde tho mynnesten wal twee hundert gulden weert is unde weere over
die helffte bekofft yn dat latesten contraect
unde weer daer omme nycht schuldich to holden unde in den solven namen riep hie dat Wedder Unde broer Berent hadde syne huysfrouwe geloevet alle yaere enen daler uuth synes broeders guet soe langhe sie levede omme
dat sie mede scholde sprecken thom besten dat die heren van vorscreven Convent myt Hemmo ene composicio raakeden dat welcke nycht van sie geholden noch vullentoegen ys unde hebben nye gheen woert geholden unde were daer om
nycht schuldich wedder to holden Noch hefft Hemmo geclaeget up vorscreven Convent omme ene brede landes unde enen acker up Wynschoeter gorst gelegen dat Hemmo voermaels salligen Roeleff Huginge geseth hadde unde soe
Hemmo den voerscreven Convent de penningen hadde die wedder geboeden woe em van den Convent geantwort dat Roeleff Huginghe hem den eygendoem van voerscreven lande over-gedraeghen hadde verhoepede Roloff nycht
mechtych sy gewest soe em man vorseth gewest voer XX philpps unde mach wall XXXXV gelden begereden van my up gedachte Convent mochte onderrichten werden dat sie hoer geldt
boereden unde hie wedder an syn
lant koemen. Hyr up hebben upgedachte Conventualen van der Apell ther antwordt geven
Int eerste up twee ackeren in den oesterende gelegen dat Renske Hemmen moyge hoeren
Convent gegeven unde verzegelt
myt Hemme consent unde believinge unde hebben dat myt loffliken bezegelden breven betueget unde bekontschop als dorch eyn compromiss van den Ersamen Roloff Huginge borge
mester der Stadt Groeningen myt Hay
ke ...elden toe Vynschoet gemaket unde van den Junge Roloff Huginge droste in den Olden
Ampte vorsegelt na langher ynholt des breves de hyr to lang vallet by to scriven unde
is een eerfflick unwedderroepelick compromiss Unde noch andermaell upgedachten Hemmo eynen pennynck geschencket
omme onderholt syner armen vrouwen unde kinderen nycht van weghen enygher schult offte
gerechticheit Hemme in
voerscreven guederen syck gereveyneert hadde Dan no.h allen nycht om armoet unde vorbyddent gueden vrunden unde daer voer hadde Hemmo voergenoemt noch andermaell vortegen unde verlaten ewelick unde
eerfflyck voer hem unde syne eerffgenamen alle anspraken hie up vorscreven guederen un
unde twee ackeren tho yenigher tydt gehadt mach hebben unde hebben dat alsoe bewesen
in forma myt des Edelen unde
Walgeboren heren Enno grave tho Oestvreeslandt loffliken vorsegelden breven Up die
nyge landen sede vorscreven Convent bynnen unde buten dykes gelegen dat Hemme alle
action unde anspraeke up
vorscreven landen hadde vorlaten unde verzegelt gelyck upgedachte breven unde segelen
vermelden unde holden syck an hoer possession unde besydt der up anghehannen unde
gecontinuert Anno XVII Noch
seden vorscreven Conventualen van dat hem broeder Bernt een daler geloevet hadde etc,
dat broeder Bernt des ghene volle macht van dat Convent gehadt hefft unde mochte
nicht bestaen soe oeck der Prior sol
vest nicht alsodaene macht hefft baten vorbunt des samptliken Conventes Noch seden up-genoempte Prior unde Conventualen van der brede unde enen acker alndes up der Garst
die Hemme scrivet in syn cla
ge he Roloff Huginge in vor tyden tho onderpanden geset hadde dat Hemmo heel unde all
die waerheit vorswyget unde ganse onvornufftich in syn klaege soe die Erbare Roloff
Huginge hyr van lofflike
breven hefft nagelaten unde Convent overgeven van den Ersamen heren Borgemesteren unde
Raedt vorsegelt vormeldenden dat Hemmo vorscreven dat vorgedachte lant die brede myt
den acker erfflick vor
kkofft hefft hyr by gelacht unde gelesen myt ene transfixe unde begereden hyr up van
my ick vorscreven Hemmo volde onderrichten dat sie van hem samptlick hoer meygers
mochten ungemoyt myt ruste
unde vrede brucken unde bliven na luet hoer lofflick bezegelden breven Soe nu vorscreven parten anderst nicht hebben vor rechte gebracht dan vorscreven is unde hebben hyr
up van my enen doem wyllen vor
wachten Hebbe ick Albert Conrardes Amptman vorscreven god unde recht voer oeghen ghe-
noemen unde angesien dat vorscreven Prior myt syne Conventualen myt lofflick breven
unde segelen bewysen dat
Hemmo vorgenoempt ene affsoen unde gave genoemen unde ontfangen hefft van vorscreven
Convent unde daer voer den oevelganck Rensken Hemmo moyge alle hoer landen upgedachten
Convent gegeven hefft
believet hefft unde gelofft in vuller macht unde weerde voer hem unde syne arffgenamen
tho holden unde daer nummer beth up tho sprecken daer in oeck upgedachte twee ackeren
int sunder benoemet wer
den myt allen Rensken guederen unde de brede myt den acker up Wynschoeter Garst eerff-
lick van Hemmen vorkofft unde nicht vorset nae luiet breven unde segelen bekenne unde
wyse Hemmen an
klaege unde anspraeke van vorscreven landen myt de nyege landen uuth macht unnutte unde
van genre werden unde schall upgedachte Convent myt hoer meygeren ungemoyt laeten
Gedoempt unde een
yder part in schrifften gegeven unde gelanghet up Maendach na Reminiscere Anno XLVII
m.a.h. Want dan dese doem van beyden parten unberopen ys ghebleven heb ick Albart Coen rades amptman vorgen. myn Seghel an desen brieff ghehanghen Inden Jaer unses
heren Dusent viffhundert soeven ende veertich altera Annun
ciacionis Marie
Albert Conrardes (handtekening),
DORSO : Sentencia contra Hemme Doekes de praedio in Wynacoete a matrona Rensken Fredericks.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	37
Regestnr.	234
Register Feith	1547.013
Jahr	1547
Datumcode	cAnnMar

x

x

x

Kommentar	N.B. Vermeld Peith Reg. 1547 no. 13. gevolgd door eene verklaring dat geen hooger beroep door een der partijen is ingesteld en dat Altert Conrardes zijn zegel dus heeft gehangen aan den brief anno 1547 altera annunciationis Marie (d. i. 1547 maart 26).