| Nummer:mep0996 | Datum:2 mei 1458 | Überlieferung:Origineel | Fundstelle:Arch. Meppel, inv.nr. 0996 |
Wy Folkier van .....ijc ende Helmych Enekinghe Betugen mit desen openen breve dat wij daer
over ende an ge..... hebben ende to gesat weren van beyden siden in verleden tyden dat wij dedinden
tusschen her Rolof Homoet onsen kercheren to Meppel ende Rolof Snoeck dat her Rolof voerscr. erfflic
verpachte voer hem ende sinen nacomelinge kerheren to Meppel Rolof Snoke en sinen erffgenaem
een stucke landes to Meppele vander wedemen lande Susdat nu af gegraven ende bepaelt is van
synre wedeme to Meppel daer Rolof Snoeck ende syn erffgenaem to ewigen dagen alle jaer of
gheven ende betalen sal Achte heren pont ende drie oert van enen ponde jaerlix ende erfflic op sunte
Michielsdach gelike pacht to behoef her Rolofs voerscr. of sinen naecomende kercheren to Meppel mit
vorwaerden hier na bescreven dat her Rolof voerscr. Rolof Snoeck voerscr. enen brief leveren sal vanden
Capittel van Steenwic dat he dat of syn erfgenamen dat voerscr. lant besitten sal geliken werliken guede
gelijc ander koters to Meppel op sulke pacht als voerscr. is. Voert sal Rolof Snoeck of syn erffgenamen
de halve vredinghe tusscken der wedeme to Meppel ende den lande voerscr. dat he gepacht heeft erfflic
holden mit enen plancket dicht achte of negen vote hoech sonder al argelist In orkonde der
waerheit want wij Folkier ende Helmych voerscr. dat gededinckt ende gemaket hebbe ende van beiden siden
daer to gesat weren so hebben wij onser twier zegelen an dese brief ghehangen Ghegeven int jaer
ons heren Dusent vierhondert achte ende vijftich des dages na Mey daghe.
over ende an ge..... hebben ende to gesat weren van beyden siden in verleden tyden dat wij dedinden
tusschen her Rolof Homoet onsen kercheren to Meppel ende Rolof Snoeck dat her Rolof voerscr. erfflic
verpachte voer hem ende sinen nacomelinge kerheren to Meppel Rolof Snoke en sinen erffgenaem
een stucke landes to Meppele vander wedemen lande Susdat nu af gegraven ende bepaelt is van
synre wedeme to Meppel daer Rolof Snoeck ende syn erffgenaem to ewigen dagen alle jaer of
gheven ende betalen sal Achte heren pont ende drie oert van enen ponde jaerlix ende erfflic op sunte
Michielsdach gelike pacht to behoef her Rolofs voerscr. of sinen naecomende kercheren to Meppel mit
vorwaerden hier na bescreven dat her Rolof voerscr. Rolof Snoeck voerscr. enen brief leveren sal vanden
Capittel van Steenwic dat he dat of syn erfgenamen dat voerscr. lant besitten sal geliken werliken guede
gelijc ander koters to Meppel op sulke pacht als voerscr. is. Voert sal Rolof Snoeck of syn erffgenamen
de halve vredinghe tusscken der wedeme to Meppel ende den lande voerscr. dat he gepacht heeft erfflic
holden mit enen plancket dicht achte of negen vote hoech sonder al argelist In orkonde der
waerheit want wij Folkier ende Helmych voerscr. dat gededinckt ende gemaket hebbe ende van beiden siden
daer to gesat weren so hebben wij onser twier zegelen an dese brief ghehangen Ghegeven int jaer
ons heren Dusent vierhondert achte ende vijftich des dages na Mey daghe.
x
| Archiv | Drents Archief |
|---|---|
| Bestand | Arch. Meppel |
| Zugangsnummer | 115 |
| Inventarnr. | 0996 |
| Jahr | 1458 |
| Datumcode | 0205 |