| Nummer:mep1109 | Datum:15 okt. 1504 | Überlieferung:Origineel | Fundstelle:Arch. Meppel, inv.nr. 1109 |
In nomine domini amen. Ick Everardus van Cralen pastoer toe Meppell ende deken slants van Drenthe doe kentlick allen lu
den ende bekenne myt desse tegenwoerdigen breve dat voer my gekomen synt Gelmer Helmichssoen, Henrick Helmichsoen, Roleff Holle plaetman
Roloff Dunninck Reyner Jacobssoen ende meer anderen mynen ondersaten des karspels van Meppell ende hebben ingesat myt mynen wille ende consent
ene broderscap ther eeren Goidts ende der glorioser reyner maget Marien ende des hilligen apostels sunte Jacobs ende hebben van my als van hoeren
pastoer begeert ick hem gunnen ende consentiren wolde sie inder karke toe Meppell stichten ende fundiren mochten enen nye altair inder eeren
Goidts ende sunderlinge ther eeren des hilligen apostels sunte Jacobs voirscreven puerlike omme hore zielen salicheyt ende omme Goedes dienste toe vermeren
Soe hebbe ick Everardus van Cralen deken endee als een pastoer mynre karke toe Meppell voirscreven voer my ende mynen nakomelinge pastoeren hem
gegunt et consent dair toe gegeven sonder weder seggen dat desse guede manne myne ondersaten voirscreven in myner karke toe Meppell mogen fun-
deren stichten ende setten een altair ende een preesters praeven inder eere des jhilligen apostels sunte Jacobs angemercket dat hoire begeerte is
gewest gotlike ende eerlike ende tot verbeteringe ende vermeringe Goidts deenste omme salicheyt inses karspels in formen ende manieren nabescreven.
Then yersten dat de preester des altairs sall gehoersam ende onderdanich wesen synen pastoer in redeliken saken besunder dat he ghene
messe doen sall als een olt dode begraven wort ende de pastoir sick mede antreckt ende he en sall des pastoer offer nyet bekorten noch om
....... dan hem gegunt wort vanden pastoer. Voert soe en sall he hem in geenen hande saken der karcken .... den pastoer
offte der karke hinderlick mochte wesen unde de preester des altairs sall alle donredage syngende misse doen op den voirscreven altair so
veer he dat mach doen. Ende als dat altair soe ryke wort van renthe ende guede dattet enen preester voeden mach ende syn
noetdrufft dair van hebben mach soe sall de preester des altairs oick verbonden wsen alle saterdage misse to doen als he dat
van steden is in der ere onser liver vrouwen Ende alle vyerdage mitten sonnendach sall he oick misse doen inden he de
nacie hefft Ende sall mede bidden voer de broderen ende susteren gestorven uuther broderscap van sunte Jacob alle donredage inder
missen Ende als dyt altair voirscreven ledich is ende vaciert overmyts verstarff ende resignatie soe sall de pastoer dan inder
tyt eendrachtliken mytten gildebroderen ghemeentlike ende benamen mytten ghenen offte hore arffgenamen de dair meest gegeven hebben vergegeven dat altair enen gueden preester offte korts preester worden sall Ende offte de broderen mytten pas-
toer nyet overdragen en konden soe sall de pastoer mytten meesten stemmen toe vallen ende dat altair vergeven alsoe dat
de pastoer ende gemene gildebroderen inder tyt sullen hebben ende beholden de collacie giffte ende provisie des altairs tot ewigen
tyden als voirscreven staet sonder argelist. Ende want ick Everardus van Cralen pastoer ende deken voirscreven will ende begere
dat dyt altair ende broderschap ther eeren des hilligen apostel sunte Jacobs tot salicheit des gemenen karspels een ewich
voertganck ende een ewich testament bliven sall Ende de preester des altairs den pastoer mede syngen ende bystant doen sall als
de andere preesteren inder karken. Hyromme in een tuychnisse der wairheit hebbe ick voer my ende mynen nakomelingen
pasteren in der karken voirscreven myn eyghen segell an dessen breeff gehangen int jair ons heeren dusent vyffhondert
ende vyer opden vyfftynden dach inde maent october.
den ende bekenne myt desse tegenwoerdigen breve dat voer my gekomen synt Gelmer Helmichssoen, Henrick Helmichsoen, Roleff Holle plaetman
Roloff Dunninck Reyner Jacobssoen ende meer anderen mynen ondersaten des karspels van Meppell ende hebben ingesat myt mynen wille ende consent
ene broderscap ther eeren Goidts ende der glorioser reyner maget Marien ende des hilligen apostels sunte Jacobs ende hebben van my als van hoeren
pastoer begeert ick hem gunnen ende consentiren wolde sie inder karke toe Meppell stichten ende fundiren mochten enen nye altair inder eeren
Goidts ende sunderlinge ther eeren des hilligen apostels sunte Jacobs voirscreven puerlike omme hore zielen salicheyt ende omme Goedes dienste toe vermeren
Soe hebbe ick Everardus van Cralen deken endee als een pastoer mynre karke toe Meppell voirscreven voer my ende mynen nakomelinge pastoeren hem
gegunt et consent dair toe gegeven sonder weder seggen dat desse guede manne myne ondersaten voirscreven in myner karke toe Meppell mogen fun-
deren stichten ende setten een altair ende een preesters praeven inder eere des jhilligen apostels sunte Jacobs angemercket dat hoire begeerte is
gewest gotlike ende eerlike ende tot verbeteringe ende vermeringe Goidts deenste omme salicheyt inses karspels in formen ende manieren nabescreven.
Then yersten dat de preester des altairs sall gehoersam ende onderdanich wesen synen pastoer in redeliken saken besunder dat he ghene
messe doen sall als een olt dode begraven wort ende de pastoir sick mede antreckt ende he en sall des pastoer offer nyet bekorten noch om
....... dan hem gegunt wort vanden pastoer. Voert soe en sall he hem in geenen hande saken der karcken .... den pastoer
offte der karke hinderlick mochte wesen unde de preester des altairs sall alle donredage syngende misse doen op den voirscreven altair so
veer he dat mach doen. Ende als dat altair soe ryke wort van renthe ende guede dattet enen preester voeden mach ende syn
noetdrufft dair van hebben mach soe sall de preester des altairs oick verbonden wsen alle saterdage misse to doen als he dat
van steden is in der ere onser liver vrouwen Ende alle vyerdage mitten sonnendach sall he oick misse doen inden he de
nacie hefft Ende sall mede bidden voer de broderen ende susteren gestorven uuther broderscap van sunte Jacob alle donredage inder
missen Ende als dyt altair voirscreven ledich is ende vaciert overmyts verstarff ende resignatie soe sall de pastoer dan inder
tyt eendrachtliken mytten gildebroderen ghemeentlike ende benamen mytten ghenen offte hore arffgenamen de dair meest gegeven hebben vergegeven dat altair enen gueden preester offte korts preester worden sall Ende offte de broderen mytten pas-
toer nyet overdragen en konden soe sall de pastoer mytten meesten stemmen toe vallen ende dat altair vergeven alsoe dat
de pastoer ende gemene gildebroderen inder tyt sullen hebben ende beholden de collacie giffte ende provisie des altairs tot ewigen
tyden als voirscreven staet sonder argelist. Ende want ick Everardus van Cralen pastoer ende deken voirscreven will ende begere
dat dyt altair ende broderschap ther eeren des hilligen apostel sunte Jacobs tot salicheit des gemenen karspels een ewich
voertganck ende een ewich testament bliven sall Ende de preester des altairs den pastoer mede syngen ende bystant doen sall als
de andere preesteren inder karken. Hyromme in een tuychnisse der wairheit hebbe ick voer my ende mynen nakomelingen
pasteren in der karken voirscreven myn eyghen segell an dessen breeff gehangen int jair ons heeren dusent vyffhondert
ende vyer opden vyfftynden dach inde maent october.
x
| Archiv | Drents Archief |
|---|---|
| Bestand | Arch. Meppel |
| Zugangsnummer | 115 |
| Inventarnr. | 1109 |
| Jahr | 1504 |
| Datumcode | 1510 |