| Nummer:mep1127 | Datum: | Überlieferung:Origineel | Fundstelle:Arch. Meppel, inv.nr. 1127 |
In nomine domini amen. Ther eeren des almachtigen Goidts unde to leve der glorioser ende onbesmitter maget Marien een moder ons heren Ihesu
Cristi soe is geordiniert ende ingeset een fraterniteit offte broderscap van Onser liever Vrouwen ende een altair van gestichtet inder moder karcke toe Meppell myt
hulpe wille ende consent des Eerbaren heren her Evert van Cralen deken slants van Drenthe ende pastoer toe Meppell tot een ewich testament omme to vermeren
Goidts deenste tot salicheyt der zielen ende allen den genen de testamente renthe almisse hulpe ende raet dair to gheven ende dair to arbeyden nu ende hyrnamels in for
men ende maniren hyr nabescreven. Then yersten is geordiniert ende ingesat dat de gildemeisters offte procuratores myt de broderscap sullen bestillen ende bestaden to doenne
an enen gueden preister ther eeren Marien alle saterdage ene vromisse de men syngen sall myt solempniteit des orgels ende myt tween preesteren de denen sullen
van dat begin totten eynde der missen. Ende des preesters loen sal wesen vyff golden gulden des jaers, twee hoerntgens gulden gerekent voer den gulden offte de weerde
dair voer ende den anderen tween preesteren den organist ende den scolemeister salmen elck gheven een redelick loen. Des gelikes is geordiniert dat de gildemeisters
mitten gildebroderen sullen bestellen ende bestaden een zielmysse toe syngen alle maendage ther vromisse ende lonen dat redelick is. Ende inden beyden missen sal
de preester celebrant holden de collect Deus venie largitor etcetera ende lesen dat register ende vermanen alle broderen ende susteren te lesen een Pater noster ende Ave Maria
voer alle de gene haire zielen de uut de broderscap gestorven synt ende voer den genen de inden leven synt ende voer alle de gene de testament renthe ende hulpe
tot de broederscap gegeven hebben. Ende de broderen de hoir sanck konnen de sullen de beyde vromissen helpen syngen ende de anderen broderen ende susteren sullen
eens inde weke lesen een rosenkrans ende bidden voer malkanderen ende offte dyt ymant versumede soe mach he dat verhalen in de ander weke ende kan
he dat selven nyet vollenbrengen soe mach een ander voer hem lesen. Ende oick soe salmen alle saterdage syngen ende op alle festen van Marie ende doer de heele
octava de broderen de hoir sanck konnen een eerlick loff myt solempniteit des orgels. Voert soe is geordiniert dat desse broderscap hebben sall twee gilde-
meistyers de ontfangen ende opboren sullen alle guede renthe testament de toebehoren ende gegeven worden tot verbeteringe ende vermeringe der broderscap ende
jairlix sullen sie eens rekenscap doen voer vyer personen de dair van de broderscap toe geschickt worden. Ende alle guede renthe ende testament de gegeven worden
ende anwassen sullen sie schicken tot verbetringe Godes deenstes offte tot ornament syerheyt ende tot almisse der armen nade uuterste wille de dat gegeven hebben
Ende als de rekenscap jairlix geschiet is soe sall de oldeste gildemeister aff gaen ende de gemene broderen sullen een ander weder kiesen dat nymant weyge-
ren en sal by ene tonne byers dat hem de gemene broderen aff penden sullen. Voert soe is geordiniert dat man ende wyff de annemen willen desse bro-=
derscap sullen tsamen gegeven voer horen inganck een pont wasses ende een lopende persoen sal gheven een halff pont wasses. Ende wanneer enich broder
offt suster starfft sal gheven ende betalen oick een pont wasses dat salmen laten verkundigen dat een itlick broder ende suster sall lesen voer de ziele een rosenkrans
bynnen vyertyndage off een ander de voer hem leest. Ende men sall den namen laten teken int register als dat pont wasses betaelt is ende bidden voer hem
dree jair lanck. Ende wort dat pont wasses int testament verbetert dubbelt so sal syn name ses jair lanck genoempt worden ende so voert na vermeringe
des testaments. Ende voert gegeven toe testament een halff mudde roggen des jaers offte de weerde dair voer an gelde offt an anderen clenodien ende renthen
hoir name sal staen bliven tot ewigen dagen in dat register ende inden beiden missen genoempt worden. Ende offte ymant geven wolde een pont wasses voer
syn olderen ende andere vriende ziele de sullen mede deelachtich worden dat gebeth der broderschap ende hoer name mede setten in dat register ende nomen als voir
screven is. Ende oick soe salmen jairlix holden vyermael generael memorie alle verrendel jairs eens myt missen ende vligilien voer alle susteren ende broderen ende
laten dat verkundigen dat alle broderen ende susteren toe karken kamen mit hoir keersen bidden ende doen alsmen doet op alrezielendach. Ende oick salmen holden
vyer wasskeersen de bernen sullen op de vyer tyde ende alle maendage inde vromisse ende oick als een broder offte suster de yerste reyse begaen waer. Ende soe
sall de broderscap holden een eerlick cleet wair Marien belde opgebeldet sal staen dair men alle broderen ende susteren de dair sterven mede toe karken sal draigen.
Ende weert sake dat enich uutheemsche persoen begeerde an genomen to worden in desser broderscap den sullen de gildemeisteren ontfangen guetlike soe veer
als sie doen willen als de broderen ende susteren. Ende voert soe sullen de broderen ende susteren eens des jaers holden een maeltyt myt malkanderen op sunte Martens
dach Translationis offte des sonnendages ende laten hem voer lesen desse ..... Ende de gildemeisteren sullen dat den uutheemschen personen de inde broder-
schap syn toe voren laten weten. Ende weert sake dat dair enich broder offt suster twyst ongenoechte ende een vechtelick makede op de tyt de sal verboeren
een halven golden gulden van gewichte de sullen hem de broderen aff penden ende wolde he dan dat wederstaen ende vechtelick keren soe sall he uut de
broderschap geworpen worden ende nummermeer dair weder in to ontfangen. Ende weertsake dat desse broderschap offte altair voirscreven myt alsoe voele renthe
ende guede begifftiget offte verbetert worde dair een preester syn noetdrufft van hebben mochte soe mogen de pastoer ende gildemeisters ende de gemene gilde
broderen inder tyt dat officium ende altair voirscreven tsamen vorgeven ende geven na de meesten stemmen ende de ene stemme en sall geen meer macht hebben inder colla
cie ende giffte dan de ander stemme omme twydracht toe verhoeden enen gueden preester offte enen bequemen gesellen de bynnen jaers preester mach worden
ende de selve preester sall des hilligen dages misse doen ende den pastoer gehoirsam wesen mede syngen ende bystant doen inder karke voirscreven.
Ende want ick Everardus van Cralen pastoer ende deken voirscreven gegunt hebbe dat desse ordinantie ende broderschap myt mynen wille ende consent gema-
ket ende ingesat is soe begere ick ende bidde dat desse broderschap ther eeren der glorioser ende reyner maget Marien een ewigen uutganck
hebben sall tot salicheyt des gemenen karspels van Meppell. Ende bidde oetmoetlicke myn genedigen heeren van Utrecht dessen broderschap ende breeff
toe retificiren in een tuychnisse der wairheyt hebbe ick als een pastoer der karcke van Meppell voirscreven voer my ende mynen nakoemelingen
pastoeren myn eyghen segell an dessen breeff gehangen. Gegeven int jair ons heren dusent vyffhondert ende sesstyne des wondesdages na Onser
liever dach Assumptionis Marie.
Zegel verloren.
Cristi soe is geordiniert ende ingeset een fraterniteit offte broderscap van Onser liever Vrouwen ende een altair van gestichtet inder moder karcke toe Meppell myt
hulpe wille ende consent des Eerbaren heren her Evert van Cralen deken slants van Drenthe ende pastoer toe Meppell tot een ewich testament omme to vermeren
Goidts deenste tot salicheyt der zielen ende allen den genen de testamente renthe almisse hulpe ende raet dair to gheven ende dair to arbeyden nu ende hyrnamels in for
men ende maniren hyr nabescreven. Then yersten is geordiniert ende ingesat dat de gildemeisters offte procuratores myt de broderscap sullen bestillen ende bestaden to doenne
an enen gueden preister ther eeren Marien alle saterdage ene vromisse de men syngen sall myt solempniteit des orgels ende myt tween preesteren de denen sullen
van dat begin totten eynde der missen. Ende des preesters loen sal wesen vyff golden gulden des jaers, twee hoerntgens gulden gerekent voer den gulden offte de weerde
dair voer ende den anderen tween preesteren den organist ende den scolemeister salmen elck gheven een redelick loen. Des gelikes is geordiniert dat de gildemeisters
mitten gildebroderen sullen bestellen ende bestaden een zielmysse toe syngen alle maendage ther vromisse ende lonen dat redelick is. Ende inden beyden missen sal
de preester celebrant holden de collect Deus venie largitor etcetera ende lesen dat register ende vermanen alle broderen ende susteren te lesen een Pater noster ende Ave Maria
voer alle de gene haire zielen de uut de broderscap gestorven synt ende voer den genen de inden leven synt ende voer alle de gene de testament renthe ende hulpe
tot de broederscap gegeven hebben. Ende de broderen de hoir sanck konnen de sullen de beyde vromissen helpen syngen ende de anderen broderen ende susteren sullen
eens inde weke lesen een rosenkrans ende bidden voer malkanderen ende offte dyt ymant versumede soe mach he dat verhalen in de ander weke ende kan
he dat selven nyet vollenbrengen soe mach een ander voer hem lesen. Ende oick soe salmen alle saterdage syngen ende op alle festen van Marie ende doer de heele
octava de broderen de hoir sanck konnen een eerlick loff myt solempniteit des orgels. Voert soe is geordiniert dat desse broderscap hebben sall twee gilde-
meistyers de ontfangen ende opboren sullen alle guede renthe testament de toebehoren ende gegeven worden tot verbeteringe ende vermeringe der broderscap ende
jairlix sullen sie eens rekenscap doen voer vyer personen de dair van de broderscap toe geschickt worden. Ende alle guede renthe ende testament de gegeven worden
ende anwassen sullen sie schicken tot verbetringe Godes deenstes offte tot ornament syerheyt ende tot almisse der armen nade uuterste wille de dat gegeven hebben
Ende als de rekenscap jairlix geschiet is soe sall de oldeste gildemeister aff gaen ende de gemene broderen sullen een ander weder kiesen dat nymant weyge-
ren en sal by ene tonne byers dat hem de gemene broderen aff penden sullen. Voert soe is geordiniert dat man ende wyff de annemen willen desse bro-=
derscap sullen tsamen gegeven voer horen inganck een pont wasses ende een lopende persoen sal gheven een halff pont wasses. Ende wanneer enich broder
offt suster starfft sal gheven ende betalen oick een pont wasses dat salmen laten verkundigen dat een itlick broder ende suster sall lesen voer de ziele een rosenkrans
bynnen vyertyndage off een ander de voer hem leest. Ende men sall den namen laten teken int register als dat pont wasses betaelt is ende bidden voer hem
dree jair lanck. Ende wort dat pont wasses int testament verbetert dubbelt so sal syn name ses jair lanck genoempt worden ende so voert na vermeringe
des testaments. Ende voert gegeven toe testament een halff mudde roggen des jaers offte de weerde dair voer an gelde offt an anderen clenodien ende renthen
hoir name sal staen bliven tot ewigen dagen in dat register ende inden beiden missen genoempt worden. Ende offte ymant geven wolde een pont wasses voer
syn olderen ende andere vriende ziele de sullen mede deelachtich worden dat gebeth der broderschap ende hoer name mede setten in dat register ende nomen als voir
screven is. Ende oick soe salmen jairlix holden vyermael generael memorie alle verrendel jairs eens myt missen ende vligilien voer alle susteren ende broderen ende
laten dat verkundigen dat alle broderen ende susteren toe karken kamen mit hoir keersen bidden ende doen alsmen doet op alrezielendach. Ende oick salmen holden
vyer wasskeersen de bernen sullen op de vyer tyde ende alle maendage inde vromisse ende oick als een broder offte suster de yerste reyse begaen waer. Ende soe
sall de broderscap holden een eerlick cleet wair Marien belde opgebeldet sal staen dair men alle broderen ende susteren de dair sterven mede toe karken sal draigen.
Ende weert sake dat enich uutheemsche persoen begeerde an genomen to worden in desser broderscap den sullen de gildemeisteren ontfangen guetlike soe veer
als sie doen willen als de broderen ende susteren. Ende voert soe sullen de broderen ende susteren eens des jaers holden een maeltyt myt malkanderen op sunte Martens
dach Translationis offte des sonnendages ende laten hem voer lesen desse ..... Ende de gildemeisteren sullen dat den uutheemschen personen de inde broder-
schap syn toe voren laten weten. Ende weert sake dat dair enich broder offt suster twyst ongenoechte ende een vechtelick makede op de tyt de sal verboeren
een halven golden gulden van gewichte de sullen hem de broderen aff penden ende wolde he dan dat wederstaen ende vechtelick keren soe sall he uut de
broderschap geworpen worden ende nummermeer dair weder in to ontfangen. Ende weertsake dat desse broderschap offte altair voirscreven myt alsoe voele renthe
ende guede begifftiget offte verbetert worde dair een preester syn noetdrufft van hebben mochte soe mogen de pastoer ende gildemeisters ende de gemene gilde
broderen inder tyt dat officium ende altair voirscreven tsamen vorgeven ende geven na de meesten stemmen ende de ene stemme en sall geen meer macht hebben inder colla
cie ende giffte dan de ander stemme omme twydracht toe verhoeden enen gueden preester offte enen bequemen gesellen de bynnen jaers preester mach worden
ende de selve preester sall des hilligen dages misse doen ende den pastoer gehoirsam wesen mede syngen ende bystant doen inder karke voirscreven.
Ende want ick Everardus van Cralen pastoer ende deken voirscreven gegunt hebbe dat desse ordinantie ende broderschap myt mynen wille ende consent gema-
ket ende ingesat is soe begere ick ende bidde dat desse broderschap ther eeren der glorioser ende reyner maget Marien een ewigen uutganck
hebben sall tot salicheyt des gemenen karspels van Meppell. Ende bidde oetmoetlicke myn genedigen heeren van Utrecht dessen broderschap ende breeff
toe retificiren in een tuychnisse der wairheyt hebbe ick als een pastoer der karcke van Meppell voirscreven voer my ende mynen nakoemelingen
pastoeren myn eyghen segell an dessen breeff gehangen. Gegeven int jair ons heren dusent vyffhondert ende sesstyne des wondesdages na Onser
liever dach Assumptionis Marie.
Zegel verloren.
x
| Archiv | Drents Archief |
|---|---|
| Bestand | Arch. Meppel |
| Zugangsnummer | 115 |
| Inventarnr. | 1127 |
| Jahr | 1516 |
| Datumcode | EpAssMar |