| Nummer:msc037 | Datum:24 jan. 1449 | Überlieferung:Origineel | Fundstelle:Arch. Menoldis- en Sywenconvent, inv.nr. 0013, reg. 037 |
Wy Borgermestere ende Raet in Groningen betugen mit dessen openen breve dat voer ons is ghekomen Cop Blotens ende bekande
dat hie hefft vorcofft droech op ende gaff over voer em ende sine erffgename Lyse Lewen ende oeren erffgenamen dre rinsche overlansche
gulden rente voer datum desses breves ghemuntet off te payment dat daer guet voer is vry en quiit eweliken ende
erffliken jaerlix to boren also stad recht is uut sinen huse mitter hofstede mit sinen tobehoeren also dat ghelegen is
opde sude siit vander Brugstraten daer Hernick des pelsers huus byleget op de oester siit ende Euerd van Bremens
erfgenamen huus op de wester siit voer ene summe gheldes de Cop vorgen. bekande dat em vul ende al is betaelt Ende desse
rente mach Cop vorg. ende sine erffgenamen weder copen bynnen viiff jaeren naest komende na datum desses breves mit
viifftich rinsche gulden vors, payments wanneer sie willen. Sunder argelist dat orkonde wy mit onser stad Segele
ghegeven in den jaer onss heren dusent veerhondert negenendeveertich op sunte Paulus avent conversionis do Henric Baroldes,
Otte Klant, Henric Kater ende Albert Jaricks borgermestere weren onzer stad. JB.
dat hie hefft vorcofft droech op ende gaff over voer em ende sine erffgename Lyse Lewen ende oeren erffgenamen dre rinsche overlansche
gulden rente voer datum desses breves ghemuntet off te payment dat daer guet voer is vry en quiit eweliken ende
erffliken jaerlix to boren also stad recht is uut sinen huse mitter hofstede mit sinen tobehoeren also dat ghelegen is
opde sude siit vander Brugstraten daer Hernick des pelsers huus byleget op de oester siit ende Euerd van Bremens
erfgenamen huus op de wester siit voer ene summe gheldes de Cop vorgen. bekande dat em vul ende al is betaelt Ende desse
rente mach Cop vorg. ende sine erffgenamen weder copen bynnen viiff jaeren naest komende na datum desses breves mit
viifftich rinsche gulden vors, payments wanneer sie willen. Sunder argelist dat orkonde wy mit onser stad Segele
ghegeven in den jaer onss heren dusent veerhondert negenendeveertich op sunte Paulus avent conversionis do Henric Baroldes,
Otte Klant, Henric Kater ende Albert Jaricks borgermestere weren onzer stad. JB.
x
| Archiv | Groninger Archieven |
|---|---|
| Bestand | Arch. Menoldis- en Sywenconvent |
| Zugangsnummer | 1256 |
| Inventarnr. | 0013 |
| Regestnr. | 037 |
| Register Feith | 1449.007 |
| Jahr | 1449 |
| Datumcode | vConPau |