| Nummer:msc047 | Datum: | Überlieferung:Origineel | Fundstelle:Arch. Menoldis- en Sywenconvent, inv.nr. 045b, reg. 047 |
Wy borgermestere ende Raed in Groningen betugen myt dessen openen breve dat voer ons sint gekomen de Ersamen
meyster Johan Wicheringk provest to Hummersche Roloff van Ummen ande ene zyd Ende her Ludeken Sertoris ende
Johan Potter ande ande zyd Samentlike bekennende dat sie ene stede vaste uutsprake in vrentscappen
hebben gedaan vulmachtich an em belovet ende gegeven Inder schelinge tusschen meyster Herman Harde
bringk priester in onser stad Ende den zusteren ende convente in onser stad Versywema convent gehieten Als vander.
schelinge ansprake ende tosage de meyster Herman voergen. gemachtiget was so wy in enen bezegelden breeff
gesien hebben vander erffnissen saliger Yden Weninge der beghinen van Clawes Weninge oeren broder als
een recht erffgenaam Ende van Folkeer Wenynge als een vormund Grieten Weninge Ydens vorscr. nichte van
sodane testament also Yde verscr. Grieten voergen, gegeven solde hebben de myt allen rechte offte myt vrent
scappen in to manen ende quijtancien daer van te geven So dat meyster Herman voergen. den voerscr. zusteren ende
convente daer van vry ende quijtscheldet tot ewigen dagen hie noch nemant van synre wegen daer meer
ansprake myt genen rechte geestlyck noch warlick vander vorscr. sake wegen to hebben In wat wyse
dat verresen meh wesen Men daer van vry ledich ende loss sunder yenigerleye bekroninge ende wederseggen
welke uutspprake sone ende vrentscapp beyde parten vulmachtich believet ende angenomen hebben stede vast
voer ons to hollen tot ewigen tyden sunder argelist In Orkonde hebben wy onsen stad Secreet hiir
Angehangen Ende omme de merre vastnissen hebbe Ick meyster Herman voergen. myn zegell mede an dessen
breeff gehangen Ghegeven inden jaer ons heren dusent vierhundert sovenendevyfftich up sunte Marie Magdalenen Avent.
meyster Johan Wicheringk provest to Hummersche Roloff van Ummen ande ene zyd Ende her Ludeken Sertoris ende
Johan Potter ande ande zyd Samentlike bekennende dat sie ene stede vaste uutsprake in vrentscappen
hebben gedaan vulmachtich an em belovet ende gegeven Inder schelinge tusschen meyster Herman Harde
bringk priester in onser stad Ende den zusteren ende convente in onser stad Versywema convent gehieten Als vander.
schelinge ansprake ende tosage de meyster Herman voergen. gemachtiget was so wy in enen bezegelden breeff
gesien hebben vander erffnissen saliger Yden Weninge der beghinen van Clawes Weninge oeren broder als
een recht erffgenaam Ende van Folkeer Wenynge als een vormund Grieten Weninge Ydens vorscr. nichte van
sodane testament also Yde verscr. Grieten voergen, gegeven solde hebben de myt allen rechte offte myt vrent
scappen in to manen ende quijtancien daer van te geven So dat meyster Herman voergen. den voerscr. zusteren ende
convente daer van vry ende quijtscheldet tot ewigen dagen hie noch nemant van synre wegen daer meer
ansprake myt genen rechte geestlyck noch warlick vander vorscr. sake wegen to hebben In wat wyse
dat verresen meh wesen Men daer van vry ledich ende loss sunder yenigerleye bekroninge ende wederseggen
welke uutspprake sone ende vrentscapp beyde parten vulmachtich believet ende angenomen hebben stede vast
voer ons to hollen tot ewigen tyden sunder argelist In Orkonde hebben wy onsen stad Secreet hiir
Angehangen Ende omme de merre vastnissen hebbe Ick meyster Herman voergen. myn zegell mede an dessen
breeff gehangen Ghegeven inden jaer ons heren dusent vierhundert sovenendevyfftich up sunte Marie Magdalenen Avent.
x
| Archiv | Groninger Archieven |
|---|---|
| Bestand | Arch. Menoldis- en Sywenconvent |
| Zugangsnummer | 1256 |
| Inventarnr. | 045b |
| Regestnr. | 047 |
| Register Feith | 1457.006 |
| Jahr | 1457 |
| Datumcode | vMarMag |