| Nummer:msc048 | Datum: | Überlieferung:Origineel | Fundstelle:Arch. Menoldis- en Sywenconvent, inv.nr. 0014, reg. 048 |
Ick Wigbolt Lewe bekenne ende tuge myt dessen openen breve voer my ende myne erffgenamen
dat ick hebbe gevulbordet ende to gestaen tegenwordich vulborde ende tostae den zusteren
van vrou Menolde convente in onser stad ende oeren nakomelingen sodane vier overlandsche
rinssche guldene rente daer de breeff van spreket daer desse breeff doer getogen is
de salige Elleken Lewens myn zuster den vorgen. convente ende zusteren voer enen ewigen
testamente gegeven hevet vry ende quyt ewliken ende erffliken in alle manieren to
boren bruken ende besitten myt allen rechten ende eygendome alze de selve breeff daer
aff inholdet ende uutwyset sunder alle argelist In Orkonde hebbe Ick Wigbolt voergen.
myn zegell an dessen breeff gehangen ghegeven inden jaer ons heren dusent vierhundert
negenendevyfftich des donredages na sunte Johans dage de collationis Myt vorwerden
sullen de zusteren vorgen. jaerlix twe lichten zenden van dessen vors. rente Ten broderen Een licht
als Ellekens vors. jaertyt is Ende een als oers moders jaertyt is datum ut supra. JB.
dat ick hebbe gevulbordet ende to gestaen tegenwordich vulborde ende tostae den zusteren
van vrou Menolde convente in onser stad ende oeren nakomelingen sodane vier overlandsche
rinssche guldene rente daer de breeff van spreket daer desse breeff doer getogen is
de salige Elleken Lewens myn zuster den vorgen. convente ende zusteren voer enen ewigen
testamente gegeven hevet vry ende quyt ewliken ende erffliken in alle manieren to
boren bruken ende besitten myt allen rechten ende eygendome alze de selve breeff daer
aff inholdet ende uutwyset sunder alle argelist In Orkonde hebbe Ick Wigbolt voergen.
myn zegell an dessen breeff gehangen ghegeven inden jaer ons heren dusent vierhundert
negenendevyfftich des donredages na sunte Johans dage de collationis Myt vorwerden
sullen de zusteren vorgen. jaerlix twe lichten zenden van dessen vors. rente Ten broderen Een licht
als Ellekens vors. jaertyt is Ende een als oers moders jaertyt is datum ut supra. JB.
x
| Archiv | Groninger Archieven |
|---|---|
| Bestand | Arch. Menoldis- en Sywenconvent |
| Zugangsnummer | 1256 |
| Inventarnr. | 0014 |
| Regestnr. | 048 |
| Register Feith | 1445.014 |
| Jahr | 1459 |
| Datumcode | JpDecJoh |