| Nummer:msc064 | Datum: | Überlieferung:Vidimus | Fundstelle:Arch. Menoldis- en Sywenconvent, inv.nr. 0026, reg. 064 |
Bolo Ryppda provest hovetlinck to Ffermisz ennde tho Dhamme Reddyear... Doe kundt ennde openbaer erkenne in unnde myt
Dussen openen vorsegellden vidimus breve voer allszw..... Dat ick hebbe gheszeen ennde overghelesen In tegenwordicheit Dusser
tughe nabescreven enen besegellden brieff in papire ghesceven van twen Raedtmannen der Stad Gronynghen upghedruckten Seghe-
len mydt gronen wasse vorsegellt oer ghehele wapenen ennde ommescrifften claerlicken hebbende gans heell unghecanssellerdt ennde un-
ghevigilerdt sunder enighe rasure ader bevleckinghe Den sullfften breve hyndern mochte in enyghe wyse van Der werdiger ennde dogent-
samen mynistersche inder tydt van ffrouw Menoldes convent to Gronynghen voer my ende Der nabenoempten tughen ghepresentert ende Daer
durch een vidimus brieft van my begherdt to ghevende van werde te woerden hyr nabescr. ludende Wy Derck Heerkens ennde Roleff
then Hollte nu ther tidt Raedtluden in Gronynghen bekennen ende betughen mydt Dussen openen breve dat voer uns is gekomen
Syken Kleercopers ennde Dede voer unns oer beclach wo dat oer guederen anghestorven weren van Wytken then Posthe oer neye
Daer se sede sze rechte arffgenamen tho was ende ander lude in De guederen wollden treden Des sze beduchte hoer recht Daer in nockt
becortet woerden. Szo hadde sze enen coepp buten sonsendt offte wethen ore arffgenamen ghemaketh myt Ulgher Ulghers Ulgher de guederen
upgedraghen ennde overghegeven up zeker voerworden De Ulgher oer ghelovet hadde ennde niet gheholden hefft alls se voer uns lyff-
licken then hillighen woer Dat se upp alle Wytken voerscr. guederen niet meer untfanghen hefft van Ulgher Dan mess stucke vleys
sches ende vyff kanne beers ende twe broden ennde drie lever woersten ende ene stucke speckes ende geen gelt ende sede Ulger hadde
eer beth gheleveth ende niet geholden sze meende ennde hopede Dat se Ulgher ock ghene voerworden weder schuldich ware to holden
Ennde se gheve vrouw Menoldes Convent alle de guederen van Wytken voerscr. voer een Ewighe memorie ende almisse ende voer ene provene
Ook so hebben wy Derck ende Roleff vorscr. noch ene beredonghe gedaen van alle Sykens vorscr. guederen De sze de ministersche mydt Den
ghemenen Convente vorscr. ock ghegeven hefft hues hoeft ennde alle guederen replick ende unreplick voer ene ewyghe almisse puerlicken
omme de mynne godes ende voer een Ewighe memorie ende voer ene provene De oer De ministereche myt den ghemene zusteren des vorscr.
Conventes weder ghegeven hefft um walldaet ende gave willen Syken vorscr. to Dode ende to levende to bezorgen wes oer van noeden is
wellck ghescheen is by Consente Zykens vorscr. arffgenamen alse Thomas Sykens vorscr. Dochters szone De dat mede belevet ende toghestaen hefft
Daar wy een principaal brieff van beredet ende overghegeven hebben in
Orkunde hebben wy Derck ende Roleff vorscr. unse Segelle upt Spatium
sbreves ghedrucket in den Jaer van ene Des Donderdages na sunte Franciscus
hyr mede by alls tughe De Desse vidimus brieff worde beredeth
synnen gewest. Rembertus Uphuesen, Norbert Pub ?? ende Schypp, Otto
Danneman borgers inden Damme Des tot warer orkunde hebbe ick Bolo
Ryppda provest hovetlinck vorscr, mynne rechten ingesegell Wytlicken an
dussen brieft gehangen Anno XVc sexto des dages nast na sunte Bonifatius. JB.
Dussen openen vorsegellden vidimus breve voer allszw..... Dat ick hebbe gheszeen ennde overghelesen In tegenwordicheit Dusser
tughe nabescreven enen besegellden brieff in papire ghesceven van twen Raedtmannen der Stad Gronynghen upghedruckten Seghe-
len mydt gronen wasse vorsegellt oer ghehele wapenen ennde ommescrifften claerlicken hebbende gans heell unghecanssellerdt ennde un-
ghevigilerdt sunder enighe rasure ader bevleckinghe Den sullfften breve hyndern mochte in enyghe wyse van Der werdiger ennde dogent-
samen mynistersche inder tydt van ffrouw Menoldes convent to Gronynghen voer my ende Der nabenoempten tughen ghepresentert ende Daer
durch een vidimus brieft van my begherdt to ghevende van werde te woerden hyr nabescr. ludende Wy Derck Heerkens ennde Roleff
then Hollte nu ther tidt Raedtluden in Gronynghen bekennen ende betughen mydt Dussen openen breve dat voer uns is gekomen
Syken Kleercopers ennde Dede voer unns oer beclach wo dat oer guederen anghestorven weren van Wytken then Posthe oer neye
Daer se sede sze rechte arffgenamen tho was ende ander lude in De guederen wollden treden Des sze beduchte hoer recht Daer in nockt
becortet woerden. Szo hadde sze enen coepp buten sonsendt offte wethen ore arffgenamen ghemaketh myt Ulgher Ulghers Ulgher de guederen
upgedraghen ennde overghegeven up zeker voerworden De Ulgher oer ghelovet hadde ennde niet gheholden hefft alls se voer uns lyff-
licken then hillighen woer Dat se upp alle Wytken voerscr. guederen niet meer untfanghen hefft van Ulgher Dan mess stucke vleys
sches ende vyff kanne beers ende twe broden ennde drie lever woersten ende ene stucke speckes ende geen gelt ende sede Ulger hadde
eer beth gheleveth ende niet geholden sze meende ennde hopede Dat se Ulgher ock ghene voerworden weder schuldich ware to holden
Ennde se gheve vrouw Menoldes Convent alle de guederen van Wytken voerscr. voer een Ewighe memorie ende almisse ende voer ene provene
Ook so hebben wy Derck ende Roleff vorscr. noch ene beredonghe gedaen van alle Sykens vorscr. guederen De sze de ministersche mydt Den
ghemenen Convente vorscr. ock ghegeven hefft hues hoeft ennde alle guederen replick ende unreplick voer ene ewyghe almisse puerlicken
omme de mynne godes ende voer een Ewighe memorie ende voer ene provene De oer De ministereche myt den ghemene zusteren des vorscr.
Conventes weder ghegeven hefft um walldaet ende gave willen Syken vorscr. to Dode ende to levende to bezorgen wes oer van noeden is
wellck ghescheen is by Consente Zykens vorscr. arffgenamen alse Thomas Sykens vorscr. Dochters szone De dat mede belevet ende toghestaen hefft
Daar wy een principaal brieff van beredet ende overghegeven hebben in
Orkunde hebben wy Derck ende Roleff vorscr. unse Segelle upt Spatium
sbreves ghedrucket in den Jaer van ene Des Donderdages na sunte Franciscus
hyr mede by alls tughe De Desse vidimus brieff worde beredeth
synnen gewest. Rembertus Uphuesen, Norbert Pub ?? ende Schypp, Otto
Danneman borgers inden Damme Des tot warer orkunde hebbe ick Bolo
Ryppda provest hovetlinck vorscr, mynne rechten ingesegell Wytlicken an
dussen brieft gehangen Anno XVc sexto des dages nast na sunte Bonifatius. JB.
x
| Archiv | Groninger Archieven |
|---|---|
| Bestand | Arch. Menoldis- en Sywenconvent |
| Zugangsnummer | 1256 |
| Inventarnr. | 0026 |
| Regestnr. | 064 |
| Register Feith | 1501.020 |
| Jahr | 1501 |
| Datumcode | JpFranci |